2010快樂聖誕~~手作生活,放火大行動,剪髮迎2011

下午12:18

聖誕那幾天都沒有發文,因為我在做這個
是上次在淘寶淘來的東東~
三天假期,完成了三個呢~成功感 upupup~
(我在想如果我生在古代.應該很值租啦~)


其實不太難,我一邊做一邊拍照啦,有興趣可以看看呀~

我在這間買的,一套買回來,只要預備好"布剪"同"水消筆"就可以開工啦
http://yaoyaodiy.taobao.com/


今年的平安夜,我帶著一班學生報佳音呢~
之後去左食飯,因為報完佳音已經夜了,所以去了食辣蟹啦~
仲見到隔離台有聖誕老人呢!我又走去找他拍照


聖誕正日一早就去了剪頭髮,多謝貓介紹左一個好正的Hair Stylist俾我識
貓:我見到你那個巨峰顏色的頭,我就想一啖咬下去了啦!!
夜晚去了BBQ,是一年一度的盛事啦,順道參觀一下新消防車,哈~~
(Sorry貓,我發現那晚我沒有拍個人照啦~只有借衫那張哦~)


願大家新一年會更加好,不快事,憂鬱事就好像我的煩惱絲一樣,全部 Byebye
迎接更美好的2011 :)


往面上貼金,尊貴納米鉑金初體驗--NTP

下午8:29

美容產品一直推陳出新,上個月剛試了Dr.Swiss的金箔系列的產品(按我回顧)
今個月又收到雅施送來的一套五件的NTP白碧納米鉑金緊緻系列的試用品

就讓我多介紹一下品牌背景吧:
它是來自日本東京的品牌,由雅施獨家代理,
呢個品牌好似好陌生,但只要提起好評如潮的Essence Mascara 系列,
佢有效令BB 睫毛變長,產品系列亦有防水的睫毛雨衣,不同的防水Mascara 等等~
(而我上回得到最佳試用文的禮卷,我就選擇敗了Essence Mascara回家啦~)

Nano Platinum Colloid Series 的一系列產品都是用納米概念,以十億分之一米的體積微滲技術,
鉑金亦因為有助高速分解"氧氣",能提升肌膚吸氧值.改善微循環及美白亮肌之效
持續使用,更加可以令到毛孔Bye Bye,膚色恆久亮澤,斑印亦會有明顯減褪的效果

一次過試到納米+鉑金的護膚功效,真係好吸引,
一如以往,雅施都好似上次一樣,把試用品直接寄到府上



先試試一下洗面乳,我個人覺得洗面好重要,一定要乾淨,最好唔會有乾o既感覺啦~
呢個洗面吱出黎係有少少"傑"身,加左水都唔會有好多泡泡出現
而家呢個天氣用就o岩o岩好,(太多泡可能會太乾),
佢有少少香味,但聞唔出係咩,不過可以放心,佢係好聞o個種~
用完覺得覺得滑左,仲有唔會掹掹緊,冬天ok



洗完面之後要用柔膚水,為之後用o既產品打好基礎~
呢個柔膚水係我的推介,我自問洗面都叫做好乾淨,但總是有一些東西是洗面都洗唔到o既,
就係角質層,即係死皮,它們會阻礙之後o既養分吸收,所以去角質不可以懶呀~
佢基本的功效柔膚合格之餘,我仲發現到佢可以去除角質層,用完之後真的可以亮澤肌膚呢~
佢都有少少果香味,質感係比較稠身d,所以用o既份量不需要太多都可以了



之後係精華乳,一貫作風,包裝非常嚴謹,只是少少的5ml都用泵裝
一吱出來有少少挺身,我會形容佢似啫喱,但一推開就會變水質,
所以一d都唔難吸收,唔lup,仲幾好聞~(其實佢係好易吸收,一陣就冇晒)


跟著要試的就是面霜,它有SPF15的防曬度,日夜都可以使用,
呢個日用我就覺得lup左少少,我自己比較prefer爽身d o既防曬呢~
放o係夜用我又覺得o岩o岩好~


最後要試的是鉑金緊緻頸面膜,佢分開兩部分,
用呢個mask最重要係relax,因為佢可以連眼仔教敷埋,一於唔上網住,休息and relax
佢唔係好多精華,即係唔係濕淋淋o個隻,但足夠可以貼上面而又唔滴到周圍都係
佢設計係比較大張,基本上"下巴"位都可以兼顧到~

最後的相片是用這5個steps 的Before and after 對比
用了短短幾日,都有感覺到佢強烈o既保濕效果,皮膚真的有愈來愈滑的感覺


最後要多謝雅施的細心安排,令我有機會試用更加新的科技
伸延閱讀:上回試用的雅施另一產品A.C. Natural (可按我回顧)

甲油

終於搵到超易用,又易乾的指甲油~多謝BeautyMeow 提供哦~

下午6:59

Kawai 今日想同大家分享的是一個聖誕節前夕收到的好用小物
佢就係一隻超易乾又好用的指甲油--"China Glaze"
首先要多謝BeautyMeow的職員,將試用品寄到我屋企,
仲包得非常之細心,讚呀~

今次佢安排左橙色俾Kawai試用,橙色我其實麻麻地
因為我手指短(其實是胎記來的,全家人都是手指短短的),
所以好少會用呢d咁sharp o既顏色啦

講起用指甲油,我又一次要認自己係超級手殘人,
自己同自己塗一定要迫自己唔郁半小時,我真係可以次次都搞到"一頭煙"
以前未興起Gel甲之前,去開美容院做Facial都會整埋指甲
(只係簡單地塗甲油,或加少許畫花)
但我o既指甲就好似有特別構造咁,永遠都會整花,用盡咩方法都會花
漸漸我都冇心機再搞,係好有時間先會自己搞下~

講返今次試用的China Glaze 甲油,講真我未聽過,都唔知o係邊度來的 (我初時估係中國,哈)

因為我而家比較常用的都是OPI出品 (佢都叫易乾啦)

今次試用呢個真係有驚喜,佢係超快乾又易用,個掃頭又細
我用完唔使10分鐘就乾晒,仲可以上網打字都冇事
顏色方面都同實物好相似呢~ 真係超讚呀~

哈~有左佢,我又可以指甲靚靚過新年啦~
註: China Glaze 指甲油係由美國入口,有興趣可以去BeautyMeow慧美化妝品網上零售店看看呀~




Contact Me: littlecatt@gmail.com
FB Page: Kawai / Small Talk Corner

Blogspot
TheZtyleBeautylifeFanPiece

BECB@BeautyexchangeOpenriceShe.com

桂花蔗汁馬蹄糕

賀年糕品***gogogo

下午3:26

終於到左Boxing Day
過左聖誕好快就係農曆新年
每年過年之前都會同媽媽一齊整糕點
當然會整到一頭煙,但自己整始終會健康d,
可以控制鹹甜之外,仲一定唔會落防腐劑,感覺始終係健康好多

今年有機會搶先試食鴻福堂的賀年糕點
鴻福堂o既自家湯,龜苓膏,草本飲品一向o既評價都甚高,以足料見稱
唔知新的賀年糕點系列,可唔可以一如以往呢~




今年鴻福堂特製了五款不同口味的自家賀年糕品
包括有鴻運年糕、瑤柱蘿蔔糕、燕窩楊枝甘露糕、桂花蔗汁馬蹄糕和紫香芋頭糕!

今次Kawai試的是桂花蔗汁馬蹄糕及紫香芋頭糕
先看看包裝:
它每一個都是用可循環再用的膠盒盛載著,食用日期清楚印在包裝袋上面,
一看就看到,那一個是最新鮮的哦~
夠晒環保的確加分,又方便處理,吃不完的可以放回盒中,不用再花神去處理啦

桂花蔗汁馬蹄糕:
晶瑩剔透的馬蹄糕, 夾雜著爽口清甜的馬蹄粒,
配以香氣怡人的桂花, 入口清甜, 齒頰留香, 是賀年糕品的健康選擇。


專屬我的*左試右試實戰篇

日日用,真的會變靚的夢幻組合 Doctor Kits

下午5:33

前一陣子去了DoctorKits的新品發佈會
拿了一套產品回家試用,不知不覺已經用了兩個多星期
真的愈用愈喜歡,朋友見到我都說我愈來愈靚,真的很興奮,

先說說今次的焦點產品"CC Cream" 啦
一聽到CC Cream,第一個反應就是它同BB Cream有咩關係?
是不是BB Cream玩悶了,就來一個CC啦,之後會有DD,EE....哇哈哈!

試過之後就發現它和我用開的BB Cream完全
不同首先它不會變灰變暗,真的一天也可以Keep到是紅粉緋緋的~

仲有一點都不厚,用來作底妝的話,更加可以遮到大部分的毛孔啦

Wish you have a BERRY Christmas

下午7:17

看到標題大家都應該估到我今天要寫的,就是Laneige 的Multiberry Yogurt Series 的產品啦
其實由發佈會至今我已用上了幾個星期了,試用品早已給我用光光啦
真的愈用愈喜歡哦~
所以就要出文章和大家分享分享啦


先介紹是這系列的"Multiberry Yogurt Peeling Gel"
它是我的新歡哦 (唉~我認是貪新忘舊)
Peeling 就是我們所說的去角質,肌膚最基本28天就會更新一次,
但隨著年紀增加,有可能多達35天才完成更新的程序
厚厚的角質層,它會阻礙著皮膚的吸收養份,真係"敷咩好野都唔吸收"
所以o係呢個時候,我地就需要做Peeling或磨砂的工作,令"d好野更加吸收"

我本身已經唔係一個温柔的女孩子,每次做Peeling都會好盡力,有時仲會搞到塊面紅晒

今次試左Laneige的Peeling Gel 我就一定唔會發生磨爛面,
因為佢入面有天然魔芋粒成份,感覺就好似食緊布甸咁,彈下彈下
雖然佢冇粗粒子,但又唔會唔乾淨喎~唔好講咁多,睇相先最重要~哈
所以我而家每次敷mask之前都會先用佢 :)


之後要介紹的是同系列的Multiberry Yogurt Repair Pack
我就會o係做完Peeling之後使用,輕輕敷一層o係皮膚上面
雖然佢主打係增強肌膚o既免疫力,同埋提升骨膠原
但我o係今年最凍o個幾日用佢,發現佢保濕能力都唔差,
因為我面仔被北風吹到甩晒皮,用佢o既時候有d"吉吉地"
之後仲明顯改善到甩皮的情況


遇到好康當然要同大家分享分享,Let's Say "Wish you have a Berry X'mas"


台灣

台灣科研成果~寒冬夜都要努力敷 (Dr.Care Hyaluronic Acid Mask)

下午2:42

上個月有幸出席了由ENID台灣美妝專門店主辦的Enid Blogger's Gathering
當晚可說是獲益良多,學會了貼眼睫毛的技巧,
今個聖誕節我一定會親自嘗試,



那天亦蠻幸運,抽到試用由台灣靜宜大學化妝品科學系出品的
玻尿酸晢白水盈膜 (Dr.Care Hyaluronic Acid Mask)
面膜配方亦是由成分專家 吳佩瑄 老師親自研法
吳佩瑄老師是P&G 及SKII 的成份顧問,如果有留意開報導的,都應該對她有所印象
因她常常接受媒體的訪問啦~
由她親自研發的,當然更加值得信賴啦~

盒上亦有她的相片,還有靜宜大學的logo~
一盒有五大片,一打開包裝袋就見到滿滿的精華呢~

2010 聖誕Blog 友仔聚會

下午8:16

終於完成左4日的跨境工作,
昨日一早就出左九龍灣同各個Blog友仔聚會
話咁快又一年啦~上年我地先第一次出黎見面

感激路邊貓的努力,大家終於又可以聚一聚
o係虛擬的世界變成真實的互動活動

其實前一日,大家都為發生左d事唔開心
但下午同小C/貓見完面已經好左好多~
(希望我這些不是Attention seeking 啦~)
同行者真的很重要~

所以新一年我地可能有新的Format
到時大家要多多支持呀
(不過大人唔想我做太多commitment o既野.因為我已經太多commitment o係身)

昨晚我地仲交換左聖誕禮物,我抽到公主病的禮物,
我知一定係好野,死都唔換lor




希望大家喜歡我送的禮物,聖誕卡我o係好凍o既環境寫o架~
o個日係入冬最凍o個日寫o架,一面吹風一面寫的~
每張內容都唔同o架~(真係凍都傻下傻下o架)

P.S. Carine 我會補返俾你,鬼叫你忽然間出現,哈!


小魚

教你輕鬆擁有迷人美睫 ENID X Bloggers Gathering

下午12:25

首先要說的是一連串的大病,令我這篇分享文一直推遲了,真的很抱歉啦
言歸正傳,Kawai o係11月尾的時候,有幸可以去到Enid的銅鑼灣的新專門店
出席由台灣來港的睫毛達人小魚的教學Gathering

心被淘空了 15/12/2010

上午12:37

三日前我去了見醫生大人
今次應該是我在2010年最後一次覆診,如果無lala見到我又話要覆診,都應該唔慌好野
對上一次見佢已經係一個月前的事
對我來說一個月見一次,都有d危危乎,每日都好似踩緊鋼線咁,好驚會跌落黎,一步一驚心
(好彩o既係今年3月癲左一次之後,一直都好似好ok咁)

呢四個星期我都好忙,忙住病,經歷左人生第一次腸胃炎
終於知道"腸胃炎"係發生咩事,個人無input亦無output,同條咸魚一樣,
到好返左d,又要趕去唔同的地方做吸塵機,
所以最後都係無交功課囉
(唉~我真係兩個月都交唔出囉....對自己好失望)

今次又繼續我們的催眠治療,停了三個月終於都可以Move On
唔使我講野,又已經安排我坐在熟悉的地方,聽住熟悉的聲音,
這樣的環境,理應我有著的是安全感,但我不知在搞什麼鬼
就是表現出緊張,緊張+緊張,就像我第一次做催眠的情況
過了一段時間,就開始定了下來,
黑雨令我哭了起來,哭完之後我的心就好像被淘空了一樣
(貓說:因為我成日上淘寶網,所以而家俾人淘la,呢句說話很抵死~)

離開診所去了找朋友,在車程中已覺得唔舒服
結果我快快地吃完飯,就再返去搵醫生大人問清楚
我好擔心自己會出事,因為我之後就要入皇崗工作啦
要出來CWB真係有D難度,如果我要搵人頂更難(因為那人要同我一樣要有禁區紙)
醫生大人吩咐我要臨瞓前再聽一遍錄音
唉~結果又哭了,真的年尾眼淚大賤賣,仲要一日賣兩次 (再賣就唔值$啦~)

今天我覺得人是輕了一點,好像是少了點負擔,但確實是什麼呢,我又說不出來
(其實催眠的過程中,我最記得清楚是自己講過的說話,其他的我記得不清楚)

我在想......黑雨過後又會是什麼呢?
(FB友人說紅雨/黃雨/取消.....opp 一場黑雨還不夠,可以skip嗎?落完雨出太陽都唔錯呀)
其實我想見到彩虹,因為我夠七彩夠Colourful,但係佢唔Long Lasting 喎,點算呀!?
(呢個死中女~真係好 X 煩囉!)

hehe....我的禁區紙~




最近收到邀請,以「好生活」為題寫一篇文章, 與全城分享「好生活」生活態度, LG仲會向UNICEF捐出1,000元正善款~
(唉~又會咁玩野,搵個有Depression o既人寫,哈哈哈~不過為左呢一千蚊善款,我會努力寫,其實我聽到時都傻笑左一陣)

Let's see ~


升"級"體驗~由BB到CC

上午10:11

早於12月頭的時候,出席了DoctorKits的新品發佈會
介紹的是新鮮上架的新品, CC Protect Cream 同 UV Block Powder

一去到就見到好靚o既 T形舞台,上面放著兩件巨型的Products
(原來當晚會Fashion Show呢)
周圍亦都放滿了JM(Janice Man)的Poster,仲有雜誌的Reference在Press Corner~



其實我早在11月底已經在萬寧見過它,



當時只覺得它應該是類似BB Cream的東西,



但不知為什麼要叫CC Cream,直覺就是覺得是Gimmick野



遲D會有DD,EE.....ZZ Cream

等左一陣就開始了,見到品牌代言人新晉"模Art" JM出現,分享一下用CC Cream 的好處
佢真係一個好稱職的代言人,可以清楚交代到產品的成份同功用~超讚
她真是可以叫做Dr.JM~哈
亦解開了我的疑團,原來CC的全寫是成份Camu
Camu的簡寫,佢可以為肌膚帶來深層的滋潤修護效果,更加可以消除色斑、疤痕、皺紋等瑕疵
即係可以有化妝修飾的效果之餘,仲會愈用愈靚~
因為佢係由日本的皮膚科醫生所研發,已經有50年歷史



祝酒之後就來了一個五分鐘的快速上妝示範
為我們示範的是星級化妝師 Annie G Chin,
見到佢簡簡單單就完成左妝容,佢仲俾左個Tips我地,就係用多d向上的方法
日子有功,咀角都會慢慢向上彎,可以改善覆舟咀tim

而UV Protect Powder除左可以當一般碎粉用o係面之外,
仲可以用o係身上面,背部鎖骨等位置,
而當日親眼的"Magic":當JM的妝容有少少油光,Annie用左佢輕輕一印有油的部分
油光都立即全走得無影無蹤,很神奇呢~

最後仲請左一d用家上台分享一下她們的用後感
見到佢地o既膚色比較黑,但又match到不覺有死灰的感覺,大好感中呀~

最後大家都有一套新品回家試用,我已經用左兩個星期了,
很推薦呢~我會再出文介紹

如果大家都有興趣試下呢個升級體驗
可以o係18/12-19/12 帶同你現有的BB Cream/底霜 去指定的地方,可用優惠價入手呢
(絕對係好康呢!!!!)



可以迅速補水的面膜~ La glace LMW Hyaluronic Acid Treatment Mask

下午12:01

時間真係唔等人,話咁快又已經到左12月
但天氣都依然是暖暖的,缺乏寒意的聖誕節,多少也有點失望

在天氣寒冷及乾燥的日子裡,肌膚最大的問題,莫過於是缺水
最近有機會得到Qpretty的邀請,試用來自法國的la glace透明質酸面膜
呢隻面膜o係各大討論區的長期熱話,
今次一於親身睇下佢係未有6000倍鎖水功效先

試用品入面有兩塊mask,加一支Green tea epurant Whitening Essence,
今次先試左個mask,製造日期係今年的10月,新鮮熱辣,
(因為Essence的產品資料從缺,下次再同大家分享)



呢幾日天氣令到我的面仔開始有點乾的感覺

一開就見到厚身的面膜紙,上面有很多很多精華,哇!未敷上面已預感會很水潄
(自我催眠有時是需要的,哈哈哈!)

面膜的設計不是有太多的摺口,但敷上面,竟然又o岩o岩好

一敷上臉就有少許刺面的感覺,
吉吉地的出現就是說明了我的面仔而家是處於十分飢渴的階段
15分鐘之後,一塊水水潄潄的面仔出現了,效果仲可以Keep到兩日~
剩返d精華輕輕按摩就吸收晒,一d都唔lup~真係可以做到由底水潄到面的效果啦


不過奉勸大家不要學我,臨渴才掘井,補濕是四季都要做的功課哦
皮膚缺水的話,首先會油脂分泌失調,之後更加會出現細紋,
雖然說皺紋是智慧的證據o者,但我寧願佢出o係隔離o個個人度囉~~


最後再次多謝Qpretty的邀請,俾我o係15分鐘裡面得到6000倍的補濕體驗
------------------------------------------------------------------------------------------
附上的是產品簡介:


分子量的透明質酸修護面膜,能快速直接穿透進入較深的表皮層,並在此層中形成水合現象,可以幫助活性成份被帶入表皮層中,達到皮膚最大水合狀況。再配合超
卓納米技術深層保濕因子,讓肌膚細胞瞬間充滿水分與養分,有效提升底層細胞的含水量,具有深層潤澤及長效保濕的功效,臉上的水分就像被存入保險庫中,整天浸泡在滋潤裡,肌膚培添水潤柔滑, 膚質更覺細滑透亮。



成份


低分子透明質酸、納米深層保濕因子、酵母發酵聚葡萄糖、胺基酸


JCCAC-藝術尋埗 之轉轉轉樽仔萬花筒

下午6:02

星期日一早起身返完最後一次廠景,就趕去JCCAC (賽馬會創意藝術中心)
今次我係參加左藝術尋埗社區計劃入面的其中一個由Ceci Liu Host 的Workshop,
上個月收到email時已經以9秒9的光速交表,

因為我真係好鐘意萬花筒呢個小玩意,今次可以自己做一個,真係好興奮



今次的材料都係好簡單,只要剪剪貼貼,好快就過左1.5小時,
屬於我的萬花筒已經完成了

一馬當先就攞左唯一一張粉紅色花紙,呵呵呵~

最後當然要同Ceci 拍照留念,真係玩得好開心~


後記:
其實我讀小學的時候都有做過呢個手作仔,但當然冇今次咁特別,同埋咁靚
而我幾年前都o係玩具反斗城,買左個價值百幾蚊的萬花筒,(貴就是貴在可以換入面的閃石,珠仔)
真係玩左成年都唔覺悶,日日走去換珠仔~哈

JCCAC 成日都會有不同的Workshop/展覽/Flea market,
如果想快人一步知道就記住訂閱enews
我都有參加過其他workshop:


Glass Art Jam x Ruby Woo Workshop




*************************************************************
JCCAC (賽馬會創意藝術中心)前身是山寨廠集中地的石硤尾工廠大廈中心,
於2008年9月正式開幕,而租用的單位的藝術家大部分都是自負盈虧的。

是次導師介紹: Ceci Liu (攝影及藝術教育工作者)
所屬工作室︰豆腐膶工作室(L6-22)
2005年開始與不同的學校和機構合作,積極推廣和設計與攝影、社區文化及藝術教
育等有關的工作。近年展覽包括:個人展覽「明日.今日.點」(2008,香港 – 1a
space),攝影題材以一些被人忽略的社區現象為主,探索記錄與將消失事物之間的意義和當中的矛盾感覺。

************************************************************

人蔘活"敷"~Korean Ginseng Reviving Essense Mask

上午10:26

近排天氣真係唔係好穩定,
一時又話凍(附加嚴重乾燥),一時又熱死,天文台有等於無
有時真係信佢一成,雙目失明
對於我呢d有鼻敏感底的人,成日都會郁d又話病,只有自求多福,帶多兩件衫出街

因為食左好多西藥,雖然已經係咁狂飲水,但面仔都仍然覺得好乾
就係呢個時候,我遇上了由韓國入口的韓蔘活膚修護面膜
係人都知人蔘的好處,但係要我食,真係慘過要我去死,唔鐘意人蔘o個種味
(另一個杞子,我一定唔會食,要明目的話,我會狂食Blueburry 囉~)

先寫一下各個成份的特點:
韓國人蔘精華: 重點修護肌膚,刺激細胞再生,延緩肌膚老化
甘草酸鉀:改善肌膚常見問題,還肌膚更活力健康
維他命E及骨膠原: 提升肌膚彈性,更具有美白去印的功效

一盒5張都係75蚊,價錢很親民 (有時仲會買一送一)
大大隻字寫住每片含有23ml的Vitamin E 及Collagen



一開袋果然見到好多精華,有淡淡的人蔘味,但又未至於濕淋淋,
D 精華o岩o岩好,唔會多到滴到成身都係
設計都幾貼面,有好多摺口,可以做到更fit個面形

鐘意的話,仲可以一次過敷埋眼仔



用後感:
我覺得佢的確有明顯的保濕效果,未用之前面仔真係乾到起晒紅粒
但只要敷上15分鐘,就有好明顯的分別,皮膚光澤左,暗啞亦好似減退了
唯獨是我不太喜歡人蔘味,但係佢又有明顯的功效喎,唉又一次證明苦口良藥的道理,呵!

回購度: 75%


敷Mask小貼士:
如果想敷mask的效果更加明顯,可之前先做磨沙,去左面上厚厚的角質層
再敷mask就自然更加吸收啦~
我自己亦有磨沙的推介,等我精神好多了,就會出文介紹一下


記*要記在忘記之前 (寫在2011前) 內有聚會資料

下午12:12

時間真係唔等人,轉眼間又是12月了
想在未忘記之前,記下今年發生的事,
對!!!記*就要記在忘記之前



在過去的2010年,

誠蒙各個廠商/品牌的厚愛,令我有幸成為Beauty Blogger,
圍繞著我有用不完的新產品,試不完的新科技,出不完的Events/Workshops/Functions
看多了,學多了,間接間識多了人,令我都開朗左不少
多謝所有爬過我文的


2010年,
我笑過,哭過,迷失過,失落過,潑婦過.....
試過自毀(我大愛撞牆),試過危坐天台,試過.......
幸好當中都有成長,學識了什麼是選擇.我可以有的並不是單一選擇
過程出了很多眼淚,很痛苦 (我一向很吝嗇我的淚,哈~)
如果可以不用眼淚就可以成長多好~真貪心
陳大人,我都知你要對住我這個trouble maker,真的很頭痛~

據說,每個人都有自癒能力的,我覺得自愛更重要
可能因為我不希冀別人對我好,所以我得到的是一個又一個的感動
對我不好的人,請不要再煩著我,我受夠了


2010年,
病榻中,開始了我的blog,認識了很多blog友仔,我遇到對我最好的人,
(雖然大家都病到七彩,但都不忘互相鼓勵)
離開了的,大家都會掛念你,
留下來的,要好好努力~

1.衰貓:你是我的gift,多謝你與我同哭同笑....你一定會捱得過,我陪住你~(我幾好排你第一!?)
           (我電話長開"12小時",因為我12點要瞓~哈哈哈!)

2.輔導:你的出現,正好攝住了我同陳大人不信任的日子.....
             你吩咐要我做的,我已經做好了,雖然我到現在都覺得你在"玩"我
3.家庭醫生 Albert 仔: 感激你o係我喊爆的日子,用鬼晒你d紙巾.你都仲同我講野~
4.腦科醫生kalok仔:心照.....xzy!!!!

當然還有很多很多,榜上沒名的,並不是我感激....
因為我將會親自告訴你們...是不是很嚇人?!!!!哈哈哈~




對於2010年,你又有什麼想記下來,
    記*就要記在忘記之前

2011年,願各位戰友學會好好愛自己,共勉之


(此書是我的心水推介,未看過可找來看看,字少又不深奧呢~圖書館也有上架的)


*********************************************************************************

各Blog友仔注意:
2010年最後一次Blog友聚會,
將於18/12晚舉行,有關資料會pm各位,報名可以找我或貓~


另記 :
2011年,我希望我可以做到忘記背後,努力面前
實在不想一次又一次地提起我的事,
要知道我做人的畢生原則.就是不要做潑婦,不想做怨婦
(我真心覺得每說一次我的經歷,就像要我飾演"俾人飛"的剩女,在好友面前訴苦,
 講到口爛都仲未有意欲停下來,我真心覺得很煩~)
請尊重我的原則!!!!!!!!!


後記:
其實我仲有一大堆文要寫,但我決定唔理,我係要寫左呢篇先,哈哈哈~

註:有關人士唔駛搵我尋仇,因為我電話已經飛左線去......(目的地想知的話,自己問我,哈)


Like Me Facebook