我的憂鬱指數~

下午5:23

 32





因為看了不老實的人的網誌
我去了做過個測驗

估不到平時"牙斬斬"的我竟然有32分~
今次真係想唔睇醫生都唔得啦~

p.s.我上次真係走左去同醫生大人講話以後唔睇醫生啦~唔鬼醫啦~
      我o個時覺得自己可以唔使睇! 睇黎都冇用o既~ (其實係我媽o個排成日話我麻煩~)
      我問醫生大人點睇~
      佢o個日話左我唔可以唔醫,同埋唔俾我亂做決定,因為我係佢病人,佢幫我查主意~....(無得say,好慘

)

大家都想玩下嗎,可以按下列連結入憂鬱小王子專頁,入面都有大家想知的"基本"資訊哦

我的抑鬱指數測驗



不得不介紹的平靚正Toner

下午4:45

前日講完洗面,今日要介紹下一個步驟~~Toner

話說前o個排我用緊支Toner,只剩返好少
但又好忙冇時間去counter入貨
(屋企係有支clinique的Toner 2, 但呢輪皮膚太乾見到都唔敢用)
所以就草草地o係樓下的萬寧買支頂住

最後我揀左Garnier的Aqua Defense Sensitive 的Gentle Refreshing Toner,
即係粉紅色的新line,
原因好簡單,因為o個日做緊promo (唔知係未8折),
我用左50蚊以下就帶左佢返屋企


另外就係之前都用過下佢d products,都係worth to buy o既~

嘩~第一次用已經抹到死皮,(效果同clinique o個支Toner 2一樣)
不過佢冇酒精,冇色素,冇怪味,用完唔會乾,
用左兩個星期,覺得so far so good ~

所以o係度介紹俾大家,特別係唔多budget的姊妹
toner唔需要貴,最重要係有效果
因為佢係塗其他保養品之前o既第一步,
底子打得好,之後用其他野都會吸收d啦

最後俾大家睇下相,我冇走去省面o架~



注意:今日萬寧又做正價75折,即係49.2就可以買到啦

食譜 Recipe

再戰kfc蜜糖鬆餅~(附食譜及製作小貼士)

下午12:25

實在太愛KFC的鬆餅,所以嘗試自家制
問左好友加自己研究,終於有制成品
都有90%似o架~仲有好容易,只要跟足步驟,大家都可以成功呢~

先講下材料:
自發粉 225克
發粉  1茶匙
鹽 少許
砂糖 20克
楓糖漿 60克
冰凍牛油 80克
鮮奶 70毫克

做法:
1) 自發粉,發粉和鹽混合過篩(備用)。
2) 砂糖和楓糖漿混合加入小粒凍牛油,再加入已過篩粉類 。
3) 用手指捽碎成大粒餅碎狀 , 加入鮮奶拌成麵團。
4) 放入雪櫃下層鬆弛10分鐘後,用匙更"不"出為麵團做型。
5) 用220度焗10-15分鐘上色即可。



海港城"十全十美"工作坊 Lesson 2-- Menard & Benefit (內含嚇人素顏照片)

下午4:39

今年真係好多人結婚~我黎緊十月都要出席好幾個朋友的婚宴
上星期快將結婚的好友受到海港城的邀請
出席"10.10.10.十全十美工作坊"
而我亦有幸"拉衫尾"相約出席,雖然最後佢要留o係公司OT,只剩下我一人出席
唯有學Benefit的Trainer口中所形容的"代嫁"......



先來menard的三分鐘按摩示範 (有blog友說要看素顏的照片,呵呵~)

BA先安排我們用落妝水落妝,今次主要是用一set deluxe sample (有齊整條line o架產品ga)
Trainer 好用心地,每個steps教我地用三分鐘時間做一個全面的按摩
完成後真的覺得皮膚多了光澤感,紅粉菲菲的 (可以看一下before & after)
仲有佢質地一d都唔油,只是cream狀,相信秋天使用會很讚呢

上完第一個sesson,轉場Benefit, 轉場時,主辦單位還安排了簡單的Refreshment


接捧的是來自美國的化妝品牌Benefit,講真我還未試過他們的彩妝產品
今次正好可以試過清楚~


Benefit Trainer先請其中一位出席者上台示範,
看見model的笑容就知trainer的 presentation 很精彩~



全個化妝都是用枱面上(不夠10種)的妝物完成:

嘩!一試之下就不得了,薄到喊,但又遮到D唔想俾人見到的暇疵
除左粉底顏色唔o岩的問題之外,其他我都好滿意
(因為佢地冇預計會有人咁Tan,所以冇帶深一度的粉底
)

好開心咁又玩左近兩個鐘,臨走時Harbourcity仲一人送左一份禮物俾各位出席者
(入面仲有Benefit 的 Offer,有買一送一的eyebrow waxing service 呀,睇黎我又會敗家)

Benefit的BA說我的皮膚太乾,強烈推介我用Toner保濕(我會ga la)
仲有Menard一大盒的Deluxe Sample Set, 我又有新野試啦 (試完再上黎report!)

除左呢個workshop之外,佢仲有一系列的工作坊俾各位準新人參加,
詳情可以留意Harbourcity 的Facebook, 即將會有第二輪的招募
有興趣的新人要留意啦 (仲可以帶一位好友一齊參加哦!)


勁~用一次就可以令粉刺油脂出晒黎~ (不是新品)

上午8:56

今次同大家分享o既唔係未上市的新品,
而係已經推出左一段時間的產品" Fancl Washing Powder"
其實早於5,6年前我已經自費買過黎用,
唔知係未o個時冇用起泡球幫手,所以我覺得效果so so,結果就冇繼續用啦

多謝fancl的邀請俾我多一次機會重新認識佢
今次安排俾我試用o既係獨立包裝的,一次一包非常方便,
shop manager 仲跟埋起泡波波俾我~

平時用skincare都要用一段時間先有改善,
特別係粉刺油脂o個d問題,就算幾心急都冇用,只可以等
但我用左一次......係一次 (只係普通咁洗面,我冇走去"省"面)
就見到d粉刺,油脂企晒起身,效果係即刻見到o既,唔使等
唔信~?! 有相為證:



係未好吸引呢?只要走對了潔面第一步,美肌.就在咫尺~

p.s.其實我都有用過另一隻產品有同樣的功效,就係sofina碳酸泡泡
     不過佢就要多d時間先見到功效啦~

from 官網介紹:

















全新水凝氨基酸潔淨成分,有效選擇性洗去污垢及多餘油脂,為肌膚保留所需的保濕因子和脂質,潔面後形成保濕層提升肌膚吸收力
提升起泡效果,輕易起出極豐富細密的柔滑泡沫,呵護及深入潔淨毛孔
不含有害的化學起泡劑,屬與肌膚 pH 值相同的弱酸性,促進肌膚健康
配合潔面的細密纖維,潔面同時按摩,能有效清除舊角質及毛孔污垢,肌膚倍添光滑爽潔



Ainhoa 西班牙精華遊 workshop

下午4:25

呢篇係一篇遲晒大到的純分享文

因為受到elle的邀請
o個日下午就去到AINHOA位於尖沙咀K11的專門店

我都係第一次去K11呢個商場....
門面好Grand,好乾淨,產品分門別類咁放好
仲為左今次workshop下半閘,所以整個流程都好舒服
(咁就唔會有walk in 的人客)

一開始由品牌經理Nausicaa簡單介紹一下AINHOA的品牌歷史,背景的資料
原來AINHOA 係西班牙其中一個小鎮的地方名,
而佢地的出品都只會供應俾各大酒店使用,不設零售的
唯一一間專門店,就是在"香港"啦~今日的主辦地點
聽到都覺得身為香港人好幸福呢

簡單介紹完就有請第一位嘉賓,見佢一身的裝扮就知佢係大廚啦
佢會教我地做西班牙的傳統美食 Tapas


呢個就係我o既完成品,大會仲好細心咁安排左食物盒俾我地拎走


聽完Nausicaa之前的介紹,大家都好想親自試一下呢套專貴的護膚品
先試一下toner,很特別的包裝是pump pump的~唔怕一次倒多左,方便控制用量
去角質仲好勁,大家可以看看化妝綿,最重要係佢冇酒精,敏感性皮膚都o岩用
爽膚水係保養品之前一個好重要的步驟,如果可以抹走死皮角質,
跟住的保養品可以更加吸收,事半功倍哦
(p.s.呢張咁污糟的化妝綿不是抹完面,係抹手臂咋,抹面係右下o個張
       因為我o個排用緊Refoderm,所以咩都抹唔到)


跟住試埋peeling及皇牌產品stem cell系列,亦都有安排Model示範
只要三分鐘,真的看到分別,model的面脥真的提升了,真係唔講得笑






最後大會仲安排左一份小禮物,除了唇彩,入面有一個價值$1480的stem cell facial呢
全個facial都會用stem cell的產品~ 嘩~ 只係聽到都開心

呢個系列係可以即時見效的.不過價錢真係好貴......
(我呢d窮苦人家就豪唔起)
如果有人贊助我就好~呵呵

p.s.其實參加呢個workshop已經係8月o既事

但係我o個排情緒唔係太穩定,冇心情打文

我知遲左咁多真係outout 地,但都好想分享下,

因為可以o係同一個workshop入面,有得參與亦有野學

一d都唔填鴨式呢......搞手們功不可沒
最後多謝Elle 同 Ainhoa的邀請~

Brunch Time @ Habitu w/ Crystal & Step Cat

下午7:37

好一個悠閒的星期六下午
齊齊去左食Brunch~
o係CWB GOD 入面的 HABITU~

仲同壽星女”屎塔貓”慶祝生日
我地買左個mini cake俾佢呢

唔經唔覺又傾左成個下午~
飲左杯iced mocha有少少wing
都係閃先~呵呵

P.S. 我等緊 artjamming @ sz o架
      (搞手們快d做野!!!要幫手做聯絡可以搵我)

最後都要同屎塔貓講聲happy b'day~looking forward to meet u @ocean park

今日o既主角(指食物)好豐富的all day breakfast呢
(我今晚已經食唔落飯)





患上不願長大少女症,不就乾脆當個小Baby

下午12:14

三個月前見醫生大人,他說我有不願長大少女症
病徵是不願長大,不願承擔,想永遠做小Baby
其實我都同意他的說法,但我可以怎樣
幸好,他說我的病情都不是太嚴重,仲有得醫~

上星期收到邀請,試用"强生美肌"未出街的新沐浴產品
因為它有濃濃的BB油香味,令我覺得做Baby都唔係壞事,哈哈
(俾醫生大人見到實激死佢)



先介紹一下我用左成個星期的沐浴露
佢命名為Extra Care,固名思義它是深層滋養的系列
原來佢入面有1/3潤膚露,所以o係乾燥季節都可以放心用
白色的,質地比較稠,但好易起泡 (加少少水就可以了)


再介紹一下同系列的潤膚露
佢o既香味同沐浴露一樣,如果用埋佢,香味可以Last更加持久
提提大家,用潤膚露最好襯身上仲有少少濕的時候立即用,效果會更加好


呢個系列仲有埋潤手霜
佢o既質地好輕柔,捈左上手之後,會有一層薄薄的膜留在上面
洗完手都感覺好滋潤,加上細細支,可以放o係手袋隨時補都唔錯
用完的乾紋會立即减少~很讚呢


用晒三樣產品就由頭到腳都有淡淡的BB味,連香水都可以慳返


其實我覺得有時做下Baby,嗲下人都幾好玩吖,哈哈~


又有新寵啦~每晚陪我入睡的强生美肌 Melt Away Stress 系列

下午3:38

我一向都係Johnson's 沐浴產品的小Fans
o係屋企隨便搵都有幾件他們的產品



因為我一向都唔係瞓得幾好~所以特別鐘意薰衣草的香味
今次有得試呢個舒緩系列真係好開心,多謝晒Meling的安排


先介紹沐浴露
佢入面除了有薰衣草之外,原來仲有洋甘菊同夢月花精華,
洋甘菊可以抗敏,所以敏感肌膚都可以放心用
以我中乾性皮膚來說,秋冬用就o岩o岩好,洗得乾淨之餘又唔會乾
香味仲可以帶到第二日瞓醒,聞住d香味真係好好瞓呢~

佢質地creamy,淺紫色的,只要加少少水就可以起到泡,
我自己就唔鐘意太多泡,好似落左好多化學物咁~

同系列仲有潤膚露
味道同沐浴露是一樣的,用埋香味可以keep得更持久
因為我的皮膚不是很乾,以我來說,秋冬都足夠滋潤有餘
(要注意的是: 如果是乾燥肌就可能不夠滋潤了~)


今個秋冬我已經搵到新寵,有興趣試試可以去各大超市入手
如果喜歡薰衣草陪你入睡的,相信你們都會喜歡呢
另外,它們全個系列的價位都很可愛呀~


醫生大人對眼係X光機?!

上午12:12

呢篇文係回應路邊貓的醫生對眼是高解像度掃瞄機?
哈哈~

上星期五返左醫生大人度覆診,今次沒有催眠,只是吹吹水,update下自己的情況
因為今次的吹水,我才知道原來佢一直都好明白我,只是我唔知道

話說我再上一個星期開始見返輔導(我已經成三兩個月唔肯見佢)
佢俾左份功課我做,就是用文字寫出自己我的personality,
唉.....我覺得好難,因為我唔知應該寫d咩先o岩,
其實應該係話我唔知寫表面的我,定係內心的~
所以我向醫生大人求救,問佢我應該寫d咩

佢略為想一想,就開始俾左一d hints我
記得佢第一句就只有4個字,就係"表裡不一",而且相差都幾大
當時我低頭在聽,聽到佢o既答案我覺得佢真係一部人肉X光機
無論我搞什麼小動作,佢都知我在掩飾背後的其他問題
之後佢仲有講左一大堆參考答案俾我 (我不在此list出來了)
但可以說全部都中point的

佢有問我他說的我同意他的說法嗎?
我只是答:你唔見我唔出聲咩,而家我會"ban"人的,因為我而家是痴線的,一唔合我心意就會發癲
他說就是想我這樣做~之前做咁多次催眠都係想咁~

之後同佢傾左其他事,無意中佢問左我一條問題,想知我的睇法
我當時沒有答佢,我表示要想清楚,等下次見面時再回答好了~

P.S.之前覺得要同佢吹水(或者傾計)我都會好驚,好想走
      好驚講錯野,覺得自己會講多錯多=唔講唔錯
      (事實亦證明左有呢回事 唔知係未我的表達有問題,次次都捉錯point)

slim SQ2 倍效纖 天然瘦身排宿便

上午10:47

前一陣子收到邀請,試用最新的Slim SQ2 倍效纖5日的體驗裝
佢係由馬來西亞進口,亦都通過左有毒元素.重金屬.農藥殘留等等的測試
所以都可以放心食用,始終食落肚仔的,要小心D選擇嘛

先睇下佢個樣:


係有五包的輕瘦飲(沖劑)及10粒輕瘦草本(藥丸)

先講下早上飲的冲劑

開左袋就聞到羅X臣啫喱粉芒果味,同埋少少話梅味,
似啫喱粉味都可以想像到有幾"人工化",但都不至於難聞
開左水就要盡快飲,我試過放低左一陣就變左jelly左,杰到飲唔到
賣相方面我就覺得唔係太討好,因為o個隻綠色好唔掂(所以我都唔post出黎嚇街坊)
至於味道方面,我個人認為就覺得勉強ok囉,甜甜地咁,可能因為我太唔鐘意啦
仲有,d粉開黎開去到沖唔溶,點開都會搞到有d浮游物,個樣真係幾趕客,
希望有關方面可以改善下啦

至於輕瘦草本(藥丸)就好好多,唔洗煩,我食丸仔一向冇問題,我可以話係啪丸王
我會o係食完飯之後食左佢~

一般人都會分開早上同晚上食,而我去到第二日就開始自己轉食法
因為早上飲完輕瘦飲,要再飲水(1-3杯),我第一日真的有飲足3杯,結果搞到成肚水
所以第二日開始就將沖劑同藥丸都放在晚餐後,純粹方便自己
至於呢5日都一直有去廁所,我諗我o既宿便都有唔少,去完個人真係感覺輕鬆左,肚仔亦平左少少
Overall五日o既成績都有1.5kg,因為我係一個好難落磅的人,所以成績都滿意的


轉載~~犬之身,貓之心 (The Dog Who Was A Cat Inside) - 精神科陳國棟醫生

下午8:46

其實我好少會o係呢度轉載其他人的文章
但係今日睇完呢篇文章之後,覺得好有共鳴~
唉~我的自動對號入座系統又開左~
如果可以令佢地唔再打交,就真係一天都光晒~
*其實我一直覺得醫生大人寫野都係唔o岩我睇,一係就太深,都唔知佢想up咩*


犬之身,貓之心 (The Dog Who Was A Cat Inside) - 精神科陳國棟醫生, 刊於2007年6月6日<都市日報>都市人專欄

互聯網是個寶藏,運用得宜,既能帶來娛樂,也可以啟發高層次思維。妻子在網站的短片中挑選出不少精品讓我抽空品嚐,其中一段三分鐘的動畫(作者 Siri Melchior) ,講的是一隻狗的故事。說牠是狗,又不盡然,牠的內心,其實是隻貓。


於貓的性格與品味,所以遇見耗子就想去逮,聞到魚腥味就會產生按耐不住的嘴饞,但有礙於狗的形象狗的尊嚴,牠必須時時刻刻壓抑這些屬於貓天生的衝動。過度
壓抑最終惹來貓的反抗,牠的內心暴動起來,於是兩不相讓兩不妥協,也必然導致了牠的遍體鱗傷。這段動畫很富心理學味道。貓與狗象徵人類內心自我的衝突,前
者是慾望,後者是克制。從事心理治療多年,發現許多人的病徵都來自外在形象與內在需求的不協調。有位病人童年時受傷很深,他的母親在
 盪時局下被逼迫得家破人亡,導致情緒極度不穩,常把悶氣轉移到小孩身上。某天時來運轉,處處得貴人扶助,使他扶搖直上,毫不費力地取得博士頭銜,高薪厚
職也唾手可得。表面風光如意,內心深處的自卑、傷痛、憎恨,常常伸出尖銳的貓爪,劃破他的夢境,劃破他的生活。

心理治療的方向之一,就是希望達成一個主觀意念與客觀形象的統合,不要表面喜歡內心卻厭惡,不要表面高大內心其實萎縮;化解矛盾,化解衝突,以己為榮,以己為傲,以己為樂。此外,短片還提供了另一種解決方案,這點賣個關子,讀者可登入 http://youtu.be/I_u3OPmG_LU 揭開謎底。



17/9/2010 伴手禮 Part 2--椰紫餅

下午8:27

這就是我所說的Plan B,記得初看食譜已經很想做給我的病友
希望大家收到都會開開心心 ,就如餅上的笑臉





材料:
牛油 50g
糖粉 100g
蛋 一隻
低筋面粉 200g
椰絲 60g
即食紫菜 適量



先預熱焗爐180度
1) 牛油及糖打至鬆發, 加入蛋混合, 再拌過篩的面粉和椰絲
2) 捍平麵團用圓形模具印出排好在焗盤上,貼上圖案 (可用模具)
3) 入爐用180度焗12分鐘



Like Me Facebook