寫在 3。21國際睡眠日後 (我用過的助眠產品)

下午2:29

在文章開首,都想先說下自己的經歷
早於2003年初,因為得到憂鬱症的緣故,我亦開始了"7年"多的失眠長期戰
安眠藥,助眠藥亦食過很多:Nitrazepam,Stilnox,Lorian,Deanxit,Trittico,Valium,Rivotril.....
食左藥梗係好瞓,但係醒左就會集中唔到精神,比唔瞓更加"累"

大約一個月前,寫了一篇關於自己KO了失眠的文章"終於解決了失眠問題了"
終於擺平左呢件事,o係太開心o既情況下,亦有在Facebook Share
得到的是很多的迴響,我才知道在生活急促的香港,真的有很多人是"夜夜無眠"的
(因為我憂鬱的第一個病徵就是失眠,所以每次一有失眠o既情況出現,就會亂晒大龍,好似世界末日咁,
 雖然醫生都有解釋,間中失眠正常人都會出現,但我就是勸不聽~)
 
其實每晚吃過藥物上床,結果如何真的要等天意安排 (睡得著嗎?)
所以一直都有找資料自救,香薰係其中一個好多人都知o既方法,當然我亦有試過唔少
(今日就是打算同大家分享一下我的敗家經歷)

第一個的想講的是Body Shop的 Deep Sleep深層酣睡系列
我敗了Pillow Mist 同 Bath Float,
我的意見:佢話係Deep Sleep 系列,但係完全冇薰衣草味,反而有少少酸味,重手時會有陣垃圾房的味 ,所以要小心用量,呢個我麻麻地,一支都未用完,已經入左冷宮lu,佢可以噴身的,但我唔想自己有陣酸味lor,應該唔會回購啦



之後介紹的是我都幾鐘意o既,佢又係Pillow Mist,高峰期o既時候佢全線有十幾種唔同o既味道,
而我都買過三四種唔同的香味用,除了一般的薰衣草,橙花之外,
個人推介BB爽身粉味,噴左真係覺得無咁lup,呢個天氣最o岩~
如果唔鐘意噴枕頭,Durance都有d家居噴霧,都有好多味道選擇~






另外仲有試過Loccitane的Lavenda Pillow Mist,啖啖的薰衣草味,
不過佢係Limited Edition,而家已經冇得賣,但有類似的產品,大家行開可以去試下
(我當時買了幾支,仲俾阿媽問我係未覺得自己長期都會失眠)

(至於明火香薰我就好少用的,因為驚失火~)

除了以上產品外,我都想分享一下醫生教我有關睡眠的心得
好多人瞓唔著都會數綿羊,但原來數綿羊係應該由大至少數的,即是100...99....98....
因為由複雜到簡單的數字,效果會較佳

最後希望大家都一夜好失眠,如果各位都有失眠的問題,歡迎留言大家討論討論~


美味關係@JCCAC 週末有細藝

上午10:34


剛過去的星期天,Kawai去了JCCAC一趟,
參與由一班Art School 的準學生所籌辦的活動
在此先多謝活動籌委主席Leo的安排

呢次o既活動,除了有四個主要的workshop外,
o係open area 仲有Art School 學生所造的藝術品販賣,
販賣的東西同平時的藝墟有d分別,平時o既都係手作仔居多
看!有什麼賣:


仲有很可愛的油畫,充滿著童真~


亦有比較artistic的油畫/攝影作品


我先分享那天參加的第一個workshop"加鹽加醋"
相信大家都有試過無聊時,在快餐店的餐紙上亂畫
今次的workshop就是用芥辣,茄汁,醋等等,尋常百姓家都有的調味品去畫一幅畫
從而帶出藝術並不是這麼"高高在上"的一件事,
只要大家肯花心思,藝術其實離我們不遠~


看!我們畫的東西

(可以估一下,那一個是我畫的哦? @@b)

愛藝術的朋友,可留意JCCAC的最新活動,最近我有兩個推介
1."深水螞蟻節"--入面都有好多唔同的workshop,下星期仲有Celia的針孔相機班
   之前我都有參加過她的Workshop (舊文可按我)
   深水螞蟻節blog: http://antfestival.blogspot.com


2.深水埗藝術文化旅遊 (活動至到4月尾的)


公主出"油"系列(一)? 愛琴海玫瑰保濕面膜

下午3:13

最近入手了Isqueen公主出遊系列,
原因大概是看到Blog友的介紹,說橄欖油有護膚的功能
而另外的,就是因為盒上的漂亮的插圖~(哈!真無聊!)


今次入手的是"愛琴海玫瑰保濕面膜"~
一開包裝已聞到濃濃的玫瑰花香味,一般人可能會覺得幾強烈,
但因為我天生喜歡玫瑰味,所以又唔係太反感

不如先看看我的用前用後分別,我是隔天使用(剛用完一盒的分別)
如不是先拍了照,我都不信分別會有這麼大~


建議使用方法:
先潔面,之後用上半包隨面膜附上的橄欖油導入精華,按摩後可敷上mask 15-20分鐘
用水洗淨之後,再把餘下的精華均勻塗上面即可

有讚有彈:
讚: 橄欖油導入精華,質地一d都唔lup,一陣就吸收晒,應該不會引致毛孔阻塞,可放心使用
彈: mask的紙質比較厚,剪裁方面有d地方唔太貼面, 而香味方面可能有人會覺得太強烈

總結:
其實用油類護膚並不是新鮮事,
記得還在讀書的時候,因為時有暗瘡,所以亦有用過仁光堂的茶花籽油,以油攻油
只要用得其所,有好多隨手可得的東西,都會是護膚的好物哦!

而家呢個系列的面膜,在萬寧正做緊買一送一,有興趣試一下的是大好入手的時機哦!
約定各位,下次再分享其他系列的用後感吧!

香噴噴但又唔會敏感的洗面粉

下午2:35

最近因為要執屋,一時間數一數自己已有的洗面產品,一望之下先知多到數唔晒
洗面粉,洗面奶,洗面Gel,洗面膏....N咁多種質地 (真的說得出都有)
至於邊隻質地或效果最好,人人都有唔同,
而我o既宗旨就是看當時的皮膚狀況選擇,不會一支產品用足4季

春夏時份,我會建議用潔面粉,原因不外乎是因為天氣潮濕,lup的感覺真的很討厭
而潔面粉好處就是佢o既分子普遍係比較細,通常會加入各種的酵素成份
酵素的最大功用就是可以去除老化的角質,洗面的同時可以做埋去角質的護理,的確好吸引
較早前,我亦有用過Fancl的潔面粉(分享舊文可按我)
對於它的去角質去粉刺功能更加是讚不絕口呢~

而最近自己亦試用了Oslee的洗面粉,平了一大半的產品,究竟效果會不會差一半呢?
先看看它的宣傳刊物:
保濕,美白,收毛孔,去角質,清黑頭,樣樣都work,咁一支咪可以搞掂晒?


廣告.....當然會有咁好,講到更加好,所以我只會信自己的用後感~哈!

一開蓋就聞到好香的玫瑰花香味,不是太天然的(有d人工),咁香究竟會唔會敏感?
我分別用了起泡波波(上次Fancl洗面粉專用起泡球) vs 純粹用手起泡
而起泡度相差都幾大,可看下圖:
事實證明真係唔可以懶~哈!

用了7天,我最關心的敏感問題並沒有出現,亦發現鼻頭上的黑頭粉刺問題亦比之前改善了
就我用了這麼短的時間(7天),可以做到呢個效果,我覺得已經over-average!
唯一問題是它需要起泡啦,懶!看來是我的大問題,改來改去都改不到~

它的價錢真的不算貴 50g / $89.9,每次用量亦不多,有興趣可以試試哦
產品可在萬寧買到,當然亦可以去DotdotBeauty門市選購啦


Dot Dot Beauty:
九龍佐敦庇利金街8號百利金商業中心23樓


3。14 White Day 澳門出走一天遊 + 最近失敗經歷

上午11:43

最近真的比之前少發文了,因為工作真的很忙碌呀
在3。14 White Day那天,我去了澳門出Job,本來是計劃在那邊住的,連酒店都已訂好
但因為有事發生,要漏夜趕回香港~ (至於咩事,請看最底)

o岩o岩天光就去到澳門啦~做完野當然周圍行下~



o個日都唔知點解可以咁熱o既~決定走去食杯雪糕降降溫,
唔想去禮記,因為唔順路,所以最後去左洪馨食椰子雪糕
去到o個時係中午,呢度除了有椰子味雪糕外,其實仲有朱古力,芒果味,
但我去到時,只有椰子o岩o岩整好~

唔緊要,我都係覺得椰子最好味~
椰子雪糕口感有d似雪芭,冇咩奶味,所以唔係好似雪糕,有好濃的椰子味~

地址:近新馬路,就在"時香花生"那條街轉右就是了,街名係果欄街
建議唔好太早去,因為佢係朝早先整o架!但又唔好大晏,賣晒就算ga la
約1-2點左右去就o岩o岩出爐啦~


夜晚去左新益食飯,佢o係望夏區,附近有一間大大的來來百貨,仲有近澳門日報的Office
佢o係平民式的飯店,只做晚市,一大堆人柴娃娃都唔錯~
每次黎到都會笑佢d菜式名,同埋Slogan,哈!


今次我地叫左呢個包~
咖喱雞包,名副其實,包入面有咖喱雞,最後可以連包都食埋~
我個人覺得咖喱唔係好辣,我地7個人都係勉強KO咋~因為真係好巨大!


之後的是鴛鴦豬扒,佢每碟有兩塊釀豬扒,一塊係黑椒餡.而另一塊係芝士火腿,
因為我唔食芝士,所以唔知咩味,但同行朋友說"好好味"
(圖右是黑椒餡的~正!)


另外點的菜:
牛氣沖天(右下):熱辣辣咁上台,圖中可見d煙幾勁
蔥油雞(左下):好有雞味,因為佢係用雙層盤上台,所以唔會太油膩,
                       同紅街市出品比,呢度o既雞冇咁好肉~


另外,我地口中似功能組別的咭片,係咩組別?火鍋界吧?!
後面還有時參選政綱,哈哈哈!

呢餐飯大概600蚊左右,平均消費$85啦~我覺得ok啦~
眼見舖頭比較多本地人幫襯

地址:望夏黑沙環斜路望廈新村第1座地下1B

我在澳門買了這個~新出品哦!
我媽看到都說是什麼怪物,但真的有桂花味!



最後想分享一下自己的病 (有開心有唔開心)
上個月返醫生度覆診,佢同我講話"如果我冇咩野,10月應該可以全部停藥"
我聽到當然開心啦~都玩左咁多年啦~
但係又有另一個問題發生,因為我之前已停過3次藥,次次都"臨尾香"
之後又要由頭食過,唔食藥第三日就會頭痛,頭暈,總之就唔妥,"真係打卡都冇咁準時"

而我今次咁趕返黎香港,就係因為前一晚通頂,之後又早上船
個頭痛突然間痛到死死下,所以先趕返黎香港食藥~

唉~我都唔知點停藥la (我只剩下最後一粒低劑量的SSRI)
Help me pls.

原來BBQ都可以菜肉均衡(現實版之Cooking Mama)

下午10:22

在月中的時候,同一班有份籌委借庫的義工朋友仔去了BBQ
o個日o係大埔火車站集合,再轉搭的士入去,(因為人數多,私家車都唔夠用,唯有分頭入去)
大概15分鐘就去到我地的目的地"巴希雅海灣"啦
其實佢係o係叮角路近大尾篤燒烤場,附近仲有個士多啤梨的自摘場,
(註:士多啤梨已經接近尾水,唔係好建議大家而家去摘,想摘的話,12月-3月都會比較好)

先睇睇個環境~






佢o係用炭爐的,所以不用拎住支叉周圍走,而所有食物都係一串串的,
所以只係拎住竹籤就可以了,o岩晒我呢d連叉都懶拎o既人
不過要注意是食物離火好近,所以好快"燶"啦~
"看我們都在玩真實版Cooking Mama~哈"

食物方面,除了一般的雞,牛,豬之外,都有其他選擇,特別多是蔬菜
有粟米,青椒,菜心,薯仔,番茄,洋葱,九菜,指天椒,翠肉瓜,茄子,豆角,冬姑,豆卜等等~
亦有大蝦一隻,菠蘿,蜆,香蕉~

(唔使一陣又話燶晒)



原來燒菠蘿係好甜o架!
另外燒好左o既香蕉,可以選擇加朱古力粉,好簡單就變左甜品啦~



朋友的狗仔,啡色o個隻惡到飛起,望下都吠~



最後有抽獎啦~(係我地自己抽o既)
沒有抽獎運的我竟然中獎了,哈!我真的覺得自己好Lucky啦~
我得到的是Hello Kitty 的香水

其實BBQ大家都大先入為主覺得好多肉,飲食唔均衡等等
但係呢度又OK喎,至少唔會太多肉類,食素的可以一齊玩~

最後都講下價錢: 成人$108 兒童$88 (包一個飲品) ,開爐費$30
地址/電話: 大埔汀角路龍尾村101號 / 2662 6869

交通方面,除了的士,自駕之外,亦可在火車站轉小巴,巴士
我們上次由火車站打的大約$60左右

如果大家喜歡我的介紹,要留言支持一下哦~



Times Flies.....

下午8:32

話咁快又7個星期啦~又係我返去明心樓覆診的日子

午2:30去到診所買票,今日係10號籌,見醫生,約埋期,攞埋藥,3:45先走得~
(其中45分鐘係等攞藥~都唔知點解咁鬼慢)

今日都係見返張醫生,見過佢幾次,同佢傾過幾次,
而對於我成日"無厘頭"o既問題,佢都係有問必答 (記憶上好似冇唔答)
仲要笑住口答,所以我對佢印象唔差

佢問我呢排點,
我說自己近排ok呀,已經無食Xanax,因為飲左花茶
之後我問"如果我今次唔拎Xan,之後又想拎返,會唔會煩我半粒鐘o架"
佢立即問邊個煩過我黎,係未上次個亞叔,
我答"係呀~佢好煩呀"
佢話唔會煩我,如果我要o既話,到時同佢講就可以了

我話佢知醫生大人話我10月應該可以停晒藥,
但我話我前個星期唔記得左帶藥出街,停左兩日藥,第三日就頭痛啦~
(唉~點搞呀~第三日就出事~)
佢話我而家食o既Seroxat CR 12.5,隨時停都OK,我話我會頭痛o架喎
佢就話到時開定d panadol俾我,我話唔想食panadol囉
佢話最多頭痛兩個星期就冇事,我話你不如殺左我,我一頭痛就會發癲
忽然間我又諗到白痴野:
話一係停兩日食一日(此方法其實係心心提供) 佢話咁好煩喎,一定會亂

之後我又話不如Cut開一半,佢話呢個要問一下藥劑師先,因為可能效果唔好~所以下次答我

佢最後同我講,要我繼續keep住返醫生大人度做催眠
因為佢話d研究話,心理治療其實同食藥差不多成效,如果心理治療幫到我,就當然想我繼續
始終好過食藥ar ma~

哈哈!佢可能知我未做完功課,諗住潛逃卦~ (即玩失蹤~唔返去醫生大人度覆診)
#In fact,我一個字都未寫過~~而家仲有三個星期,sigh! #

下次10星期再見~今次冇拎Xanax啦~


情感瞬間發怖會 (由Jessica及Angel Beauty合辦)

上午10:40

二月中旬的時候,有機會出席了由Jessica雜誌與天使美容合辦的發佈會
當日下午二時多就去到,尖沙咀富豪酒店3樓凡爾賽廳啦~
今次的發佈會比較特別,門口的職員會安排坐位,不是好像平時的活動般,可以自由坐呢~
幸好我可以同其他認識的Blogger坐同一枱



每個坐位都先放好了一份永久會員表格,Jessica心心筆,Bingo紙及天使美容的Leaflet,
喝過了茶或咖啡,活動就正式開始了~
先由司儀介紹一下Jessica雜誌及天使美容的背景,接著請到Jessica 雜誌的Senior Advertising Manager Cabe 分享她試做情感瞬間療程的感受,聽著都覺得很吸引呢!

之後還來了一個熱身遊戲"一生一世Bingo",司儀再次請來Cabe為我們抽出詞語,
初時看到Bingo紙上的詞語都不明白是什麼東西,但經過司儀的講解,
原來每個詞語都與天使美容服務,按摩手勢,環境等等有關,務求令大家有家的感覺呢~
而我都Bingo了,得到 La Rochelle Clear Skin Cream 20ml 一支~呵!



之後司儀請來5位忠誠客戶,由非執行董事吳先生負責頒發,她們都是天使美容的長期客戶,有的還由1996年開始便使用至今,15年來都是由同一位美容師負責她的Treatment,
15年.真的聽到都覺得難得呀!


之後大會播放了情人瞬間的Video,看到Model很Relax的樣子,真的很想試啦~
司儀亦請來美容師分享簡單的按摩4步驟,如果抽不出時間上美容院,自己在家做都不太難哦!

就在我想試的時候,司儀表示在會場的旁邊已準備好美容床,給大家即時體驗按摩手法~
我們亦立即排隊試做呢~就在排隊等候的過程,酒店職員亦安排了Refreshment給我們


等了一會就到了Kawai親身體驗了,我試的是瘦面的按摩.o岩晒"包包面"的我
只是短短的5-10分鐘,已經看到面比之前尖了少許,勁!
(P.S.因為相機遭遇不幸,沒有相片分享了~嗚!嗚!嗚!)
完成了體驗,還送了一份小禮物給我,
入面有我平時都有用的La Rochelle One Step Express Cleansing Gel 呢!!



離開前還得到天使的福袋,入面有La Rochelle Sparkling Clay Mask,天使毛巾
及一生一世,情感瞬間的按摩療程的免費療程卡


拖到而家先出分享文,是因為我的相機被花師奶按錯製,Delete左d相,
雖然佢堅持只係影過相,但係無左就係無左,我都好無奈,唯有叫佢以後唔好再拎來用,
用左好多方法Recover都只救到部分,唉!


如果大家知道有 Recover Software可以救返d相的話,請告訴我啦~Thanks!!!


Like Me Facebook