寫於29/5 離開香港前 (Target Set)

下午1:09

今晚凌晨我又要離開香港啦~

我只係去澳門,星期五一定會返,因為星期五朝早約左政府CP,其實見佢都唔知為乜,
佢只係識叫我俾分,而我又最唔鐘意~我真係覺得佢愈幫愈忙.....
星期五見佢,隨口應承左佢要交的功課,而家仲係完全一隻字都未寫過,
因為我掛住做醫生大人份Mission Impossible,家下搞到火燒眼眉tim....

上星期因為不斷被挑機.搞到情緒差,失眠,感冒再加頭痛,所以開始食返Lyrica 75mg
本來諗住食兩個星期就唔食,但愈食就感覺愈差,頭唔再痛,只是唔舒服
星期五晚我沒有再食了任何藥物了

昨日見過醫生,以為佢會指責我自把自為,唔聽人講,點知....
佢講左兩句野,話要搞清楚我之前"up" o既野,慘啦!我之前真係痴得好癲,冇晒記憶自己講左咩
好想問過究竟/清楚,不過知佢唔會答,
之前講過我會信佢"只會揀我o岩o既題目",所以最後沒問了~


其實我的情緒已經好返了8899,以我個人認知感受同 4月時沒大分別

我發覺自己真的好勁,勁到自己都唔信
星期二o個晚身痕玩測字,我話想兩個星期內上返水平線得唔得?! ,佢話佢覺得有d難度wor
而家咪上返黎囉~有幾難~~~我聽日就帶埋掃把上船俾佢"掃玻璃"

Recent Target (已分先後次序)
1.完成CP份功課 (火燒眼眉-ing) 去到o個邊玩少一陣咁多啦~
2.完成死亡筆記 (其實未做完,但前o個排頭痛,冇心機搞住)
3.有時間睇埋本書~
4.完成之前寫在死亡筆記的Target

呢4個做完我都已經覺得自己好勁,因為件件都唔係小事,哈哈哈~


雨季來了~惹蚊的我又有麻煩

上午11:51

夏天一到亦標誌著雨季都開始了,除了流唔完的汗令到我好煩惱之外
同雨水一齊來的就是可惡的蚊,
我有問過媽咪,點解自己會咁惹蚊,佢話因為我是O型血,係會特別惹蚊的
如果係血型問題,我唯有認命,唔通去換血咩~

我真係好憎細蚊仔,記得我之前做催眠治療,醫生帶我去左一個地方,
著我形容一下環境,我第一樣形容的就是:"好多蚊呀!有冇搞錯"
當時佢聽到都笑,仲問我有冇帶蚊怕水.....

講完我同蚊o既關係,又係時候講下我最近入手的新玩具
它就是E'scent 香薰驅蚊噴霧了,蚊怕水我用過好多,有d真係好雷,好彩已經冇出
呢個新玩具主打係有香薰成份,不過我覺得最後都係冇分別,一定係香茅味行先




因為我的工作有時要出街的,有時環境都幾惡劣,d蚊蟲亂飛
所以我對呢個玩具都幾有期待的


加上不含化學成份Deet,連小朋友都可以放心使用~

試用了差不多一星期,覺得佢味道都ok,
噴完o個陣就真係香茅味,但係等多陣就開始有薰衣草味(但係好輕微)
o岩o岩噴完o個陣有少少立,但之後都ok,感覺可以接受~
o個幾日,蚊都好似怕左我,因為平時我企o係度十分鐘會咬到成身都係~
唯一唔好o既係個噴咀,真係"流流地",
我每次想噴o既時候,都係按噴咀o個隻手仲濕過要噴的地方




另外,以我多年俾蚊咬的經驗,如果想少d俾蚊咬,著衫方面可以著淺色d,
一來會散熱快d,二來蚊會"嬲"少d哦~
(黑色/深色衫係大忌~)

最後除了多謝BL的安排外,還要多謝Fanny 代為領取哦~


去黑頭

14日保證,無痛清黑頭粉刺--b.liv off with those heads

下午1:30

"黑頭"對於一眾愛美的人來說都像一個詛咒,好像永遠離不開
用盡一切方法都好似只會有暫時的好轉,但轉頭又見到佢
仲係年紀輕時會用鼻貼,但有說會令毛孔鬆弛,去到呢個年紀,最驚就是呢個Terms
針清又好考師傅的技巧,暫時來說我真係次次都搞到感動都喊~

最近有機會試上了B.liv的黑頭再見淨化o者喱,
佢標榜的是14日無痛清黑頭,仲有Money Back保證,
唔使敷.唔洗"摔".唔洗等佢乾,只係一個步驟就可以搞掂,
呢14日,Kawai 真係難得的努力,期待同大家分享我的效果呢~







食飯除了是生理需要,亦都係心靈治療,我又開心返啦~

下午4:37

首先,我呢篇唔係抽水文,大家唔好多心~

最近見到熟悉的Blogger朋友說,因為想透過寫Blog而識到更多的女性朋友
但她發現事實上識到的比預期中少....呢個圈子亦比她想像中復雜(我同意的)
我個人覺得交朋友真的要講緣份,不是單單指的男女朋友,
其實有好多野都係緣盡的一日,與其去計,倒不如好好的對待對方
當然,如果俾我發現有人立心不良,我都係唔會再俾機會佢,
呢個係我一直的做法,由始至終都沒變的~

可能我的性格是傻下傻下,呢個性格的確令到我較容易識到新朋友
係一年多的寫Blog日子,亦有幸識到一班朋友仔,
其中一位就是今晚同我一齊食飯的朋友 Fanny ~
因為我地住得比較近,所以有時都會互相幫忙Pick up試用品

上星期我情緒真的糟透了,亦做了很多錯事,走了去淋雨,又上天台坐,
令到很多朋友擔心,真的很對不起,我亦已經受到教訓,患上了感冒

星期日晚,約了Fanny在屯門市廣場的Sasa等
真樣衰,我常常在市廣場蕩失路的,而家裝修緊情況就更加離譜,
Sasa沒有搬舖.所以我還識路~
因為唔熟路,所以由Fanny發版,去了三樓的Riso,
我要的飯ok 啦! 意式飯都是濕濕的~



食完之後我地去左糖圓園食甜品,竟然有我最愛的棉棉冰,
上次o係元朗搵唔到,今次點都要食返~
呢度有好多隻味,我真係揀左好耐先揀到~


食完之後,去左大眾搵書,因為Fanny有會員Card有95折,
搵到本書原價$93,但去到Cashier話本書冇95折,
因為已經折左,最後用左60幾蚊就買到~~哈~


最後俾大家睇下我d負能量指數,要看的是白色的那一塊水晶,
它會吸走人的負能量,它會由本來的白色變到黃黃黑黑的~
我真係好厲害~一個星期之嘛~~~



夏天就是要夠爽,腳仔都唔例外~

上午10:32

踏入夏天,護膚品當然要換上爽身的,Lup/厚身的都係時候休息下了
除了面同身會出汗之外,其實腳仔都會出汗,搞不好的話,亦會有機會得到香港名物--"香港腳",所以保持腳部清爽是不容忽視的~

最近有機會用了由Enid台灣美妝專門店代理的的footpure 鞋蜜粉
就看看它和我之前用的"蛇粉"(即是泰國出的爽身粉)有什麼分別吧~

今次我試用的是鞋蜜粉是無味的配方,
不要看它小小的只有10g,我估計它可以用上三個月呢,因為每次只要用很少(約0.2g)




口有點大,粗心大意的我,有時會倒了很多



真的不好意思把我的臭腳板拍照放上來,所以用手代腳,試試它的顏色是否很突兀




試用了這個鞋蜜粉去代替"蛇粉"差不多一星期了,
只是用了標準份量(0.2g)就可以做到清爽的感覺,汗真的少左(其實係吸走左)
平時用蛇粉我要落好多先有效,蛇粉價錢可能會比呢個平少少,但用量方面就多d
而呢個鞋蜜粉我覺得最正的地方:
就係鐘意幾時除鞋都可以.唔會一撻撻白色粉,唔知情o既真係會以為你唔知"生埋d咩野"
所以我用完呢個會捨蛇粉轉用鞋粉囉~~

講左咁耐,好似未講幾多$,我呢支係細支裝只係$39大元,而大支裝就$86 (特價$78)
仲有好多香味 (例如玫瑰,桂花,薄荷,薰衣草等)不過我諗冇人會去聞下香唔香囉~哈哈哈!!!!
有興趣的可以去Enid台灣美妝專門店門市呢,而家除了銅鑼灣有分店,旺角潮流特區亦開張了

最後為大家送來防止香港腳的小貼士吧~
1.記得沖完涼,同埋游水後都要徹底擦乾腳部,連腳趾la 都要保持乾爽
2.如果腳汗多,可以用止汗劑
3.用吸汗效能好的材料造的襪,建議棉質,尼龍的則可免則免了
4.可以的話,著涼鞋會比皮鞋通風


Enid 台灣美妝專門店(按我到website/Facebook/Blog)
地址: 香港銅鑼灣波斯富街96-106號寶明大廈3樓A室
(852) 2117 4227


給自己的信 2011年5月20日

下午11:43

經歷了一星期的低潮,身心都疲累了,試過半夜4點多起床寫Blog
睡不著是我是必死的,再加上有人不停的刺激,不死機才有問題

由星期五晚開始.我暫時吃回Lyrica 75mg,
吃了兩晚已經好了很多,至少開始睡得穩,可以令我有機會靜下來
正面的Kawai又回來了

先對誤入此篇Blog的網友說聲sorry,我又開始自言自語了,哈!

*****
我知道自己是很特別的的,我決定了的事,是沒有任何人可以阻止我把它完成的
沒有東西是可以難到我的,只是我很怕作出了錯誤的決定 (所以我會找可信任的人給我意見)
其實我都有撞板的時候,我學踏單車時,一開始就撞倒了藥房門外的用Tempo紙巾城堡,我都只是爬起身再繼續,最後我學到了,當然有受傷,但只是小問題

今次的事情,我真的很感激還在我身旁給我意見的人
我只是一個"死傻婆",在低潮時我都需要別人的扶持,
搞出這麼多的怪事,真的很抱歉,事情亦不會再發生
感激醫生大人對我的特別的包容/處理,詳細情形我不在此說了,不想有人會比較
但我是感到你的愛和支持~

謝謝你找到我的價值~
# 一天的病假真的有用~Thx #

事實上,我沒有特別同其他人講此事,因為我對任何事都不想愈描愈黑,說是非不是我的強項
有幸知道是什麼事的,我很多謝你們的意見
我很少問人意見的,但估不到今次的意見,是完全的一面倒~ 哈!

就此事件,我最後想說的就是
雖然我今天被你推倒了,但你做的事不會是沒有價值的,
你做的事都間接地令我成長了,我感激你今天所做的一切,我明天將會更加好

我就是這樣的人,我是典型的獅子座女孩,
最叻當然不是就咀咒人,我做的是很高Level的行動
活得比你好,不是比你做的更有意義嗎?

朋友們,我還是以前的傻婆,
還是會哭會笑的,有事別忘了要告訴我呀~
(我會注意我的態度的,我咁大個女都未有人講過我態度差)
我想說的是"要大家擔心了,真的很抱歉~我會好過來的~"

有幸看到此的,我又想Tag 歌,你們估是什麼歌?
**只看歌詞好了,別看Da姐在MV的造型,
    我上星期在cwb見到她,竟然同劉嘉玲的皇后Look一樣,竟然.....得返半條眉毛



****

自購品

Sweet Treats @ Tues

上午4:55

星期二又是一個無眠夜了~
昨天說到很不開心,哭了一場,可按我看舊文
行過萬寧時入手了這個東東,就是近排很火的"我的美麗日記-甜蜜午茶迷你組"啦
女孩子們都愛甜品,總是有另一個胃來放甜點的,我亦都不例外
還有的~我是很貪新鮮哦!有什麼新奇的東西都總想試一下
加上這個Mini Set只是$39大元,已有齊四個新的產品Mini版,所以真的很吸引

今晚我決定對自己好一點,就先試了其中三款的產品
(還有松露巧克力mask未試哦,不會一晚Fu兩個不同的Mask吧,效果都不會好啦)
很可愛的包裝~盒內亦印有產品介紹,產品都不算太mini吧,四件產品包括:
草莓優格胺基酸潔顏乳 30ml /
香草泡泡去角質舒芙蕾 50ml /
松露巧克力面膜 x1 /
伯爵紅茶馬卡龍面膜 x1


大坑

Unpeaceful Monday @ Peace Square

上午9:02

5月16日星期一,我過了一個很不平靜的周一
已經整個星期都沒有特別出街,只是在常到診所出現
睡不到,不想睡,不知道自己發生什麼事
只知本來平靜的心已離開了,很亂~很想哭~

本來還是好好的,收了SMS,終於我再也忍不住自己的情緒,一邊行一邊哭
大家放心好了!我只會怪自己,我還明白自己不想要的,也不應該送給他人
行著就到了一個公園(不想說是在那裡)很靜,哭了一會又落雨
我沒帶傘子,結果入了後巷避雨,雨沒有停,只有愈來愈大

行著行著到了在大坑的Peace Square,
這是一間可以令我星期內Hea足幾天的地方
入到門口,熟悉的店員都看到我眼腫腫的樣子,
我說"不用理我,你俾我望下街就ok,我休息一陣就沒事了"

話說有一天我經過大坑,見到此cafe,令我想起多年前在尖沙咀的同名樓上Cafe
問了店員,原來老闆是同一個人,哈!
環境不錯吧~



平時我會在此吃早餐,今天看到的是Lunch Menu,最後選了會噴火的咖哩雞
跟餐有的是沙律,樣子都很Fresh

而咖哩雞一點也不辣,反而我會用甜來形容,但又不是CWB出名的日本甜咖哩那種
另外叫了House Mocha,平時我是不會叫Mocha的,但睡不著幾天沒所謂啦
(我喝了咖啡會睡的~)

專屬我的*憂鬱之路

我遇上了抑鬱症 (六) 食中藥work唔work?

上午9:39

本來第(五)篇是會分享一下,我在第一任醫生身上學到的事
但因為最近太忙,所以先留下第(五)篇,稍後會補回的哦~(有拖沒欠呢)

5月10日,原來我已經停藥一個月了~

今日想分享一下情緒病睇中醫的經歷

原因是在幾天前,有病友對我說在看中醫,
這話題令我想起自己曾經在08年(左右)都有類似經歷

決定食中藥,是因為認識了一個很好的中醫
他是我朋友的師傅 (朋友當時在唸中醫)
其實我係唔鐘意食中藥的,因為中藥又慢又苦
對佢有信心是因為之前飲過他的藥方,
神奇地...明明我咳到嘔血咁滯都好返晒
(o個晚冇再咳~我之前仲睇左四次西醫囉)

我是中西藥一齊食的,但中間相隔了幾粒鐘
(中醫說要隔兩小時,我媽就要隔夠三小時)
當時我是吃完晚飯先食中藥,到臨瞓前再食獅子王的藥

吃了半年多,印象最深是吃了很久Seroxat CR 12.5mg,
已經俾我減下減下,減到每天吃1/4粒~  (註:獅子王知道我減的)
但仲有一大堆瞓覺藥未甩到

點知.....返去見獅子王時,佢cut晒我所有藥(連瞓覺藥都cut埋)
佢話"1/4粒同唔食冇分別,不如唔好食啦"
一唔食....瞓唔到...頭痛頭暈一齊出現,三日後,我又要再食返藥
仲要係由頭食返......
(我一瞓唔到就會痴線....如果加埋頭痛痴得仲厲害...因為我發病第一個病徵就是他們)

自從再食返藥之後,我就沒有心機再吃中藥了~
(結束了短短九個月的中藥療程)
之前配的冲劇仲o係屋企,阿媽有叫我飲返,唔好放o係度封麈
但我真係想不到原因再食返,老實說,單靠佢又唔可以戒到藥

而家我睇返,其實我當時有好多問題係"未曾解決"的,
如果真的俾我"-6地"戒晒藥,我估之後問題再出現時,我都會再次病發

(對於停左三次藥都唔得)我個人認為,
如果令你有情緒出現問題的元兇已經K.O.左,只係停/戒唔到藥,
你可以去找中醫,基本上他們都有經驗處理

但係如果你情緒又唔好,又瞓唔到,9,000幾個問題未K.O.的,
我都係勸你唔好對中醫咁大期望,因為未解決的問題随時都會出現俾個"surprise"
都係搵左專業人士幫手先啦~

如果大家對我文中所說的中醫有興趣,可PM我
因為他而家已經退下火線 (只是間中去教書/做義診),
他沒有在任何診所掛牌,只是在家中看診,所以不便留他的Contact哦
當時我配一個月沖劑約$450 (而家幾$就唔知)



 
Contact Me: littlecatt@gmail.com
FB Page: Kawai / Small Talk Corner

Blogspot
TheZtyleBeautylifeFanPiece

BECB@BeautyexchangeOpenriceShe.com

愛上茉莉香--Guerlain Jasminora

下午3:47

在云云的花卉中,我最愛的就是擁有淡淡香氣的茉莉花,
擁有"香薰王"稱號的它,不但有清雅的花香味,還有安撫心靈,舒緩緊張的功效
而花瓣更可以做成苿莉花茶(即是香片),對於焦慮,失眠更是有效,
(不喜濃茶的,晚上飲一杯可以做到寧神的效果哦~)

最近試用了Guerlain 的 Jasminora (Eau De Toilette 淡香氛) HK$430/75ml
包裝依然同之前的一樣,上面都有由雕塑家Robert Granai的瓶子,瓶頂上有金色的蜂巢裝飾,
就算是7.5ml的試用品都一絲不苟哦!

今次的新品除了選用了意大利(Calabria)的苿莉花外,
還加入了小蒼蘭,兔子花,琥珀,白麝香等多款清幽花香
輕輕噴上,讓身心都籠罩著輕鬆的感覺....

親身試用了香水後, Guerlain 苿莉淡香水(Aqua Allegoria Jasminora)
給人感覺清新,不會令人感到很"霸道"(我真的受不住太刺鼻的香氣)

對於要早起又有Monday Blue的我,
淡淡的香氣,除了令我感覺像浸完一次香薰浴外,更有療癒系的功效

每天出門前都會期待噴上它,煥醒身心再面對一連串的繁忙的工作

讓人有拋開繁囂,令緊張心情一掃而空,
而茉莉花的花語是「你屬於我」,未知您又會愛上茉莉花嗎?


英式茶聚+寶石修復=BVLGARI活氧面膜分享會

下午7:21

在4月中的時候,去了Bvlgari的英式下午茶聚,先多謝Syreeta的邀請



Bvlgari 對於大眾的印象都是以鐘錶/珠寶而出名,但原來它早於2007年已開始發展護膚品系列,產品都愛加入寶石成分(如藍寶石、孔雀石、電氣石和黃晶等),以微量元素去保護皮膚.阻擋游離基及其他侵害物質.從而達到真正的保護功效



今次的茶聚在PP Lane Crawford 旁邊的Shiro舉行,我同Rain都找了好一會才找到呢
一去到除了見到熟悉的Blogger之外,就是台面上各系列的Bvlgari產品了



先吃過主辦單位為我們安排的High Tea Set, 很喜歡有葡萄乾的Scone哦!




吃過High Tea之後,另一主角出現,就是Bvlgari的新品示範,請來Kaye示範呢~





今天的三大主角


Source Defense Masque -
抗氧活膚保濕面膜 /


Masque Precieux -
活膚抗皺面膜 /


Masque de Lumiere -
明亮光采面膜 





就在示範的途中,另一邊職員亦為我們把示範的面膜敷於大家手上,大家亦可以同時間體驗它的功效,第一隻是
Source Defense Masque - 抗氧活膚保濕面膜,使用時有冰冰凍凍的感覺,好像在臉上敷冰呢~(如果夏天用真的十分爽)

令我一試難忘的,就是充滿泡泡的
Masque Precieux - 活膚抗皺面膜,治癒系的粉紅色,很Kawaii呀~~
再看看我的手 (左手是用了泡泡面膜呢) 真的很大分別,白淨了





除了試用三大面膜外,我還試用了Source Defense系列的有色防曬品,水水的,但又不會很lup身~



當然少不免化身小Fans




活動完結前,大會更送上了一份旅行套裝還大家回家後都可以感受寶石護膚的威力!!





Like Me Facebook