Olay 跨越保濕界限 多元修護清爽凝乳換領日 (詳細資料)

上午12:22

剛剛收到呢個mail~分享俾大家希望你地鐘意:


咁多位Bloggers朋友,


多謝你地一直支持OLAY!
OLAY於九月三日將會舉行「OLAY跨越保濕界限 多元修護清爽凝乳換領日」。只需帶同保濕產品瓶來臨香港尖沙咀iSQUARE 3樓,便可免費換領全新OLAY多元修護清爽凝乳#4解決肌膚老化問題,由第一道細紋開始!


我們當日特設Bloggers專線,讓Bloggers朋友們可以換領OLAY及日本天才插畫家Kyoko Aoyama(青山京子小姐)的限量版OLAY多元修護清爽凝乳乙支#4只需帶同保濕產品瓶,來臨香港尖沙咀iSQUARE 3樓填寫Blog資料,便可免費換領#4


快點把這個活動訊息post 上網,告訴你們的Bloggers朋友及讀者們啦


當日更有免費專業肌膚測試,為您檢查肌膚問題,從而解決所需!


活動詳情:


日期︰         201093 (星期五)


地點︰         尖沙咀國際廣場iSQUARE 3


換領活動時間︰ 11:00am – 8:30pm


參加辦法      參加者於活動時間內帶備一瓶在香港大型百貨公司#1、萬寧或屈臣氏內設有專櫃或在香港擁有獨立專門店的美容護膚品品牌;以及價值港幣200元或以上的專櫃品牌#2面部濕乳霜或濕精華#3,便可於場內換領一瓶全新OLAY多元護清爽凝乳#4


#1香港的大型百貨公司及大型個人護理店:崇光百貨、西武百貨、吉之島、千色店、一田、連卡佛、Harvey Nichols、萬寧、屈臣氏。


#2 專櫃品牌不包括任何美容中心的產品或平衡進口品牌產品。


#3 不包括抗皺霜護理產品、潔面產品、爽膚水、面膜(眼膜及頸膜)、面部磨砂產品及化妝品類。


#4數量有限,換完即止。


 

查詢電話:2833 8468 (星期一至五 10:00am – 5:00pm) (830日開始運作)


搞到喉嚨痛~都係為食+貪玩之過

上午11:50

前排o係taobao買左個小玩意返o黎
佢就係--"DIY微波爐烤薯片器"

做法非常簡單,只需將薯仔切薄片,排好在架上,放入微波爐"叮:就可以了
睇下相先:



出爐了,沒有加任何調味都很好吃,樣子和味道都似足"珍珍"呢
因為太好玩,太新奇,整了很多,結果喉嚨也痛了~


有興趣的,可以去Taobao找找呀~
如果不想網購,citysuper都有售,但要70多元呢(我的只是14元人仔)


真係O喎~人氣高企的保濕原液~

上午10:48

最近收到莎莎的邀請,試用Neogence品牌的玻尿酸保濕原液
如果有睇開"女人我最大"節目,都應該知道"它"正在大熱中
好開心知道莎莎正式引入了這個人氣高企的產品,
讓大家可以不用東奔西走,好容易就買到



"它"是台灣的醫學品牌,由皮膚科藥師(即醫生)所研發的
深信只要簡單的步驟,就可以讓肌膚更加美麗

至於我今次試用的玻尿酸保濕原液
玻尿酸就是我們說的透明質酸,是肌膚真皮層最主要的保水成份
它的作用是保濕,全面提升肌膚彈力,防止水份流失,撫平細紋



這支玻尿酸保濕原液是滴管狀的,感覺很衛生,還可以控制使用量
它沒有味道的,很溫和的產品
@收到產品時,除了產品,產品說明外,還附有莎莎的手寫memo,很窩心@


它的質地像杰了的化妝品水,伸延性很高,每次只需一至兩滴,已足夠全面使用



因為最近我的面頰比較乾燥的地方甩皮了,正好可以試用一下,感受它的威力
只是三天的時間(早晚使用一次),它已經停止了繼續甩皮及發紅
第一次用的時候是有一些"嗱"同"拮"的感覺,因為皮膚實在太缺水了
這都是正常反應,可接受的,之後的幾次已經沒有此感覺

再看看其他照片


只是三日時間,就有如此功效,真係要講句"O喎"

只有20ml的"它",估計應該可以用到1-2個月,雖然$198有點貴,但因為它的功效很明顯,所以我的回購率都有98%,特別是在秋冬時份呢~


有興趣的,可以去莎莎各門市選購一系列的產品哦~

有野食~排毒減肥三寶~

下午3:56

最近有機會試試唐安麒代理的減肥排毒三寶

上星期天去了門市領取,
有同事簡單介紹一下各種產品的用法及功效
但一點也不Hardsell, 感覺十分良好, 值得一讚~


三寶包括有:排毒酵精,纎體粥,及荷葉茶

還有Leaflet 呢,很細心



其實我對那排毒酵精最有興趣,因為我之前都飲過類似的產品
但一飲下去,喉嚨竟然有被火灼的感覺
因為實在太難頂,最後就沒有繼續療程啦~

先介紹一下排毒酵精,它是由76種不同的蔬果發酵而成的
入面有靈芝的成分,所以除了排毒之外,它亦有補身的功效
是由台灣安康公司引入的,時常都會斷市呢~
功效除了排毒外,還可以美肌,易累的情況會減少,提升免疫力

第一日飲用已覺得好正~因為好好味
完全沒有灼喉的感覺,它就是很濃郁的西梅味道
(因為我很喜歡吃西梅的~)
結果我第二天就自費買了它回家,繼續21天的療程

(入面還有一個小量杯呢~)

荷葉茶嘛,味道都ok,有很濃的荷葉味,一點也不欺場呢
但我個人都是喜歡玄米茶多一點~
所以回購率應該不大了

至於那纖體粥因為未有時間食,食完之後再評分吧~

請密切留意飲用酵精21天後的報告


伸延閱讀
排毒酵精


Refoderm 美麗在望 3rd Part

下午1:00

又係時候分享下我用完Special Tonic 同埋第三次Facial Treatment的感想~

話說我上次得到的是Special Tonic,
因為我就那種有"出極都唔完的黑頭粉刺...."的人
往往搞完之後好快又好似野草咁再出現
亦因為佢地不斷出現,令到收細毛孔的功效不太明顯
(我看到我妹的功效很明顯呢 !!佢因為我已經變了Refoderm的Fans啦)
而它就正正有呢個功效,係好o岩我用的 :)
但它的問題就是有點乾,我亦開始有點甩皮的情況出現

今次的Treatment Room,今日還認識了一位準美容師Niki,很可愛的女孩子


而30mins的程序和上次差不多,
原來我一直忘記了抹水時最後要抹下巴,所以我的下巴就變成了重災區
(所有粉刺都去了那裡去了 !!!慘
)

好快就完成左30mins的療程
快樂的時光真係過得特別快.....


令到Daphne好煩惱就是今次應該俾Aloe Vera 定係繼續俾Special我返屋企用
因為我的確有甩皮的煩惱,亦有斬不盡的黑頭
最後都係揀左Special Tonic 俾我,
我早上會用Sensitive(我妹妹的),而晚上就會用返Special



再次試用Special Tonic, 我會記著努力抹走下巴的暗粒la~


伸延閱讀:

Refoderm 美麗在望 1st part
Refoderm 美麗在望 2nd part

皮質醇真身爆光~哇哈哈


累~頭爆痛~

下午9:39

昨日......我發了33年來最大的脾氣
我家的花老爺又再次挑釁我

我忍夠了....佛都有火

你"炮仗頸"我都"炮仗頸"
點解次次我都唔可以出聲?
點解次次你出聲我都要避你,要扮聽唔到?
點解次次我都要避入房?
你講野大聲唔係大晒架喎~大聲我都可以?!

請你不要再在公司同事面前扮慈父
你根本就不是
不是你,我不會有憂鬱病
醫了7年,還在上上落落,不知所謂的~
你說那件事不是你做的,是我媽做的?!
真好笑
那時我已經小學了,真的以為我是懵的~

昨日....我媽知拉我唔住了
結果我同佢死過~
因為我太大聲~

所以現在的我 失聲了 頭痛了,很累,....但都失眠了~

我嬲到連不應該說的都說了

你講得對,我是痴線的!你再激嬲我會殺左你~

我今天過得很好~
他亦不敢惹我~

只是還未接受到自己咁大聲講野


證明唔出聲唔等於你o岩晒~我只是忍你~

大家不用擔心,我不是變了

只是software upgrade了


終於學識了表達自己


多謝你,醫生大人 :)

小報告~5月至7月

下午8:46

前兩個月,我在工聯會學整麵包
總共有10堂,整左超過三十款的麵包

最搞笑係第一堂,當我見到個阿sir的名的時候
我覺得好熟好熟,但見到佢個人又唔知點解
後來我先知....原來我一直有買佢出o既cookbook 架
我都可以叫做係佢o既小小Fans
(我帶晒我d cookbook 返去攞簽名~haha)


係未好靚仔呢?哈哈~

放我地堂上的製成品~








今次係我:
第一次報工聯會的煮食課程~
第一次上冇中途退學~
(通常上三,四堂我就會覺得好悶,之後就會唔再返學~~~)

至於點解無端端學整麵包
係因為我有次買左本cookbook睇極都唔明講乜
好唔忿氣的情况下就去左上堂
(其實我知上三堂明左就會識晒ga la)


終於忙完啦~

上午12:02

星期三終於忙完我一年一度的大Project
真係好彩冇事發生,真係哈利路呀~



又係時候交代下自己呢兩個星期做過d乜

7/29 返左陳醫生覆診
佢繼續幫我做催眠,今次做的是聯想題
我又喊到飛起....我次次都喊,其實佢講o既內容好general囉
我唔想次次都喊呀~ (但陳仔話喊好過唔喊 ?!!!)
(今次佢冇成包Tempo塞俾我啦~!!)

之後我寫左d野俾佢睇,佢睇左好開心囉
另外,我問左佢我係未Bipolar,佢肯定地話我唔係
聽到佢咁講,都唔知應該慶祝嗎?!
下次四星期先再見,我都唔知捱唔捱到....?!!

7/30 4:00 去了CPH睇上次Sleeping EEG Report
但去到個醫生全程冇提到個Report囉
佢用左好多時間同我傾我的病
之前有等左好耐~5:15先入醫生房,結果6:55先走得
真係承阿sir貴言(佢話我一定唔會遲過佢,佢7:00收工) 哼!
我走o個時藥房都已經收左工....


o個晚本來要去西環出席一個Blogger整cake的聚會
6:55仲係屯門,唉~唔使去啦!!
之後o個幾日我仲好掛住我個黑森林蛋糕~~陰公


一個星期後我們又再見....
8/6 做完中場就趕返入CPH, 去到已經遲左半個鐘(已經3點)
今次快左好多,D人話上次我係新症,所以放最後
入去之前又見到上次個阿sir,佢話我4點前可以走
25分鐘後見醫生,個醫生問野好仔細?!,我答完之後仲會反問,所以搞左好耐,
o個個阿sir入o黎搵醫生,佢一見我仲坐o係度就話"係你耐咋,唔關我事"
  (你估我唔知咩,雖然我冇帶表,我已經坐到開始腳痺啦~)
之後有個女病人衝左入房,指住我o黎鬧
  "喂!你洗唔洗睇咁耐,我等左成個鐘,本來我都唔入黎話你,
   但係你真係好過份,我趕住返去餵奶架,唔該你快D"

醫生咪話就快得,叫返佢出去
  (其實佢衝入黎o個時已經Print緊藥單,同埋一堆 referral letters)
出到去....當然會俾o個位阿姐"單單打打"啦
  (大佬,我要走都要醫生放人o架 ~)
無lala俾人鬧,真係咩mood都冇晒~
個醫生幫我排左d無了期的CP,仲有一大堆我都唔知咩o既野
  (都唔知見佢為乜?!)

仲有幾日又生日了
天呀~究竟我的少女病何時才會離我而去呢?
(但我的心裡嚴重地不想長大,唉~矛盾中)


Clinique 升級版睫毛液

下午4:05

認識Clinique這品牌已經十多年,
她是我讀完書之後第一set在百貨公司買的護膚品(之前都是用開架的)
到現在我依然是她的Fans,她的出品一向都是實事求是
愛它很多很多的產品,稍後有機會出文詳細介紹

好開心最近收到Clinique的邀請,試用她們最新升級版的睫毛液。

收到的是mini版,比較短身,對於我這個甚少用睫毛液的人來說,就有點不習慣



掃頭是4D方尖形的設計,有效由根部到尖端全面覆蓋


試上眼先,哈哈~我的睫毛很短又不濃密呢

(好似長左好多。


呢隻睫毛液,有防水防汗的配方,用温水就可以完全卸除
(我又試下先,我將佢畫落手背再沖水再抹,真係唔甩喎)


(再用溫水試下,一抹去就甩晒啦。)


回購率: 60%
用後感:除了可以用溫水卸除比較方便之外,其他我都覺得麻麻,因為差唔多價錢o係開架都有好多更好的選擇,例如MJ,Maybelline都可以做到更濃密的效果。但如果我出Trip,唔想帶多支卸妝油,我就一定會選擇佢。

此睫毛液售價$160,除了黑色外,還有啡黑色,有興趣的可以去各大專櫃試試。


Refoderm 美麗在望 2nd Part

下午6:28

終於完成了第二次的Treatment,
地點是One Concept Beauty 的銅鑼灣美容中心
一入門口就見到鄺美人小姐的大型陳列架



沒有數錯,真的~Refoderm的Tonic原來共有5支的...不知Plus是什麼用途呢
品牌還有自家的Remover water 呢


影左一陣相就入左Treatment房進行療程
雖然說是30mins,但Daphne幫我做了差不多一小時呢
先洗臉,用七式法抹第一次面,針清,按摩,最後再用七式法抹第二次臉
Daphne用夾子把黑頭及粉刺逐粒取出
還幫我K.O.了兩粒在額角的石頭瘡~
(呢兩粒衰野真係搞到超級痛,我一有面部表情就嗱住痛,偏偏我又是表情多多的人)

今次Daphine為我挑了Special Tonic,它有解決黑頭酒米同平衡油脂的功效


因為我未有帶用完Tonic瓶回來回收,所以換不到新的Tonic回家
唯有繼續用上次的Sensitive Tonic,但覺得沒有大改善
直至兩日後才經過Centre換新的,立即即晚敷上面及轉用

以下是我的瘡瘡用前用後比較圖(共抹去了兩次,一早一晚)

(瘡瘡都立即退紅了,很神奇,只是用了兩次)

和Daphne閒聊,得知Refoderm在德國是做能量治療的,
難怪我用完之後,能量好像改變了,哈哈

看看我的棉花試紙的分別 (上圖為第一次用的,下圖為今日的)


分別很大,對嗎?

各位有興趣的朋友,記著要根據自己的皮膚問題去選擇適合的Tonic,否則就得不到應有的效果啦


伸延閱讀:


Refoderm 美麗在望 1st part

皮質醇真身爆光~哇哈哈

終於收到書啦~

上午7:52

”你試過長期情緒低落嗎?你試過失眠兩個月嗎?你試過不停的流淚嗎?你試過對生命完全感到絕望嗎?2009年,我患上了抑鬱症。這是一個不簡單的病,我的人生全變了天,但在絕望中我找回自己,不斷的畫畫,不斷的寫作。這本書是我跟精神科醫生的溝通內容,所以這本書是我的治療筆記。”


以上的是戰友Crystal的新書內容
而我前排亦親手在她手上取了書,一直有看她的筆記
看到它們變成了一本實實在在的書
真的有說不出的感動~



(和Crystal的合照)


Tal:我都很高興認識你,我們要好好努力,記著雨會停的!!
      我會沿途幫你打傘哦~
      (其實我都不是很堅強呀~只是很好戲啦!)

如果你都有買書,可以去Facebook支持Crystal呢
只要在Search engine 輸入 ”雨,會停的”就可以了


P.S. 書在三聯商務都有得賣,歸入心理勵志區,據悉旺角的上樓書店也有呢~

皮質醇真身爆光~哇哈哈

下午8:37

前排收到邀請,出席了一個別開生面的工作坊,
與100位Blogger一起試用Refoderm Tonic

最鐘意去不同品牌的workshop,
除了可以試用最新的產品之外,仲可以了解品牌的資料

先睇下當時的盛況



有美人的場合,當然少不了cash的出現,可惜遊戲題環節唔夠快,帶不到它回家啦




少不免的環節,請出席Blogger上台示範七式法,因為我坐得太遠,相片都拍得不好啦



Refoderm代言人美人終於出場啦,原來她較早前在家跌倒受傷,
要坐輪椅出席的她堅持要出席,專業精神真的值得大家學習。

聽完美人的分享後,一聲令下
全部人一齊試用Aloe Vera 敷嘴仔, Strong敷雙眼, Relax....Relax 3分鐘
(看~我們7號枱,個個都很聽話 )

fu左一陣眼就投降啦,覺得好"嗱眼",無福消受啦~
我見到其他Blogger真的很紅,好像看了十次唐山大地震一樣!!!


呢張就係我用七式法抹完臉行棉花,是很恐怖的灰黑色
每一張抹完臉的棉花的顏色都可以揭示出肌膚問題,
而灰黑色是壓力及循環阻塞,原來皮質醇真的有樣睇的~



最後令到大家十分興奮的環節,Refoderm 抽出十位美麗大使,
可獲得贊助一個月的免費療程,另外美人自己帶了二十本新書作抽獎用途
(看~得獎的幸運兒都很開心呢)


幸運地.自己可以成為其中一位美麗大使,這個月可以試清楚一抹美麗的Refoderm Tonic.



節目完成後,美人還和我們遂一拍照留念


每人都有一份7日的試用裝,繼續一抹美麗的奇蹟

(Sensitive 在德國是等於 Mild,是入門及適合任何皮膚用的)

Refoderm是來自德國的品牌,已有超過50年的歷史,
突破傳統的觀念,只靠一支Tonic完成複雜的護膚程序。
有四種不同配方的Tonic,可根據自己皮膚的問題去選擇適合的Tonic
配合七式法,更可以達到抗皺,消除眼袋,清潔毛孔,提升面頰,緊緻輪廓及排毒功效

我的少少用後感:
因為自己本身有情緒病,需要長期服藥,面上好像永遠都有一層灰氣
無論我用什麼方法都抹不去,很病的樣子
那天工作坊之後約了其他戰友,他們都覺得我的樣子不同了,精神了很多

對於我來說10讚~


伸延閱讀

Refoderm 美麗在望 1st part


Refoderm 美麗在望 2nd part

Like Me Facebook