有機。愛自己。愛地球 之 特別日子篇

上午10:11

環保,有機呢個大課題,o係近呢幾年間忽然Hit起來
因為氣候真的出現左大的變化,令人不得不正視~

市面上亦開始出現各種不同的環保資訊及產品,
間接令更多人認識到使用有機產品,的確可以保護生態環境

現在先同大家分享一下,
我最近試用的另一範疇的有機用品"Orgnayc 有機衛生用品"
它是來自意大利的品牌,係100%有機綿花製造的~

今次試用的包括了
1.Organyc 敏感部位清潔液 (Natural Intimate Wash)
2.Organyc 有機純綿衛生巾



先講一下有機純棉衛生巾,佢o係100%純綿製造,
我自己甚為抗拒又厚又焗的衛生巾,o係o個兩日我情願換多兩次
而今次試用的產品的厚薄亦都o岩o岩好~唔太厚身之餘,吸收力亦很強~
正因為係100%純綿的關係,比一般的衛生巾更加柔軟,絕對無"卡"肉的問題發生~

盒面亦寫明產品獲得多項有機認證,100%可以分解於泥土
用左幾日都無移位的情況發生,真心覺得好舒服,好安心~


之後要講的是"Organyc 敏感部位清潔液 (Natural Intimate Wash)"
它是全天然的成分製成,不含化學成份,性質溫和
有金盞花,棉花籽油等,除了可清潔陰部外,更可以避免發炎過敏等不適的情況
亦可以避免異味的發生

它是透明液體狀的,有淡淡的香味(是花香味)
只要加些少水,就會變成泡沫狀,但不會像沐浴露般多泡泡
始終是用對於敏感部位,太多泡反而覺得會破壞了天然的酸鹼性

用了幾天都不覺得痕癢同有異味,感覺很清爽乾淨



有興趣可以去Taste看看,一系列的產品已經上架了
更多資率可按到官網看看 :http://www.organyc-hk.com/


最後多謝HKCOSME的安排,令每月的煩惱事有一個新的體驗~



我的第一個馬賽克製成品 (工聯會xArtsquare)

上午10:09

上星期五去睇完清明上河圖之後,就不斷病,頭好痛,又嘔,...
終於都到左星期三,又係去Artsquare上馬賽克堂(3rd lesson)的日子
每個星期都有一件事係真心期待的,我想都應該是好事吧



一去到先認返自己的作品~
填埋顏色就真真正正可以帶我的第一件製成品回家了~


其實上堂已經開始我的第二個Task~是4R的相架ar~(如果係做鏡架我會更開心)
上堂已經揀好左顏色,今堂只是密密剪&貼~
上一堂都仲未好有信心剪磚,今堂剪多左,又ok 喎,果然Practice makes Perfect~呵~
今次只可以用紙皮石,我喜愛的閃閃磚,唯有暫時放棄一下啦~
Maggy話鐘意砌圖的人一定會好開心,哈~以我無心機玩puzzle都叫做砌得開心~
話咁快又完成左一行 (......話咁快又落堂)
快樂的時光永遠都係咁快ge~

食左藥好鬼眼瞓,下次再同大家分享一下我的進度~

伸延閱讀:
又有新搞作~馬賽克工藝初班 (工聯會 x Artsquare)

我都去左睇清明上河圖

上午11:59

上星期五的下午,我得到一個難得的機會,
可以親自去到亞洲國際博覽館欣賞全民熱話"清明上河圖"

我都係第一次去亞洲博覽館, 唉~一想到咁鬼遠就唔想去
一入到門口就見到大大張poster掛左o係天花版,仲有鬼死咁多人,好似行花市咁



因為我們的旅遊巴早了一小時到達,我們唯有周圍看看
場內有賣紀念品的Booth,睇的人多過買的 (不過都好多人睇呀)


行左一陣終於差唔多時間入場啦~
記住要拎我手上的書仔,入面有寫明12個景點ga~
團體票同公開售票的不同,不是電腦"飛",是4色印刷的~


入到場先有一堆解構"清明上河圖"圖文~大約有十多塊(我貼住其中幾張)
如果對宋代歷史不太清楚,可以先行補課,但建議唔好花太多時間~




仲有o個mini版的


行完之後就入到展覽廳,好大好壯觀~ 大約4分鐘就一個循環
星期五下午都好鬼多人囉~


展覽廳後面仲有仿製品展出~


先來一個全景,看看有多震撼




再看日轉夜景




呢個紅衣的小孩就是令到場內的人we嘩鬼叫
我都唔執輸影左條video~


如果仲未去o既朋友,我可以俾個tips你地:
"就係唔好o係出面玩咁耐,一個鐘真係唔夠用囉"
我行左一半已經冇左45分鐘啦....~




專屬我的*左試右試實戰篇

我要做貴婦之金光閃閃初體驗

下午4:12

Dr.Swiss o係香港來說只是一個開架品牌(即係萬寧都可以買到),
價錢唔算太貴,但質數真係唔差的
前一排我的皮膚不穩定都是靠它安然渡過,遲d會再出文同大家分享~

當知道自己有機會親身試它們的新品--"嬰肌膠原金箔原液",真係覺得好開心
係人都知用黃金護膚是有很多好處,因為黃金性質穩定,最簡單可以做到的就是抗氧化,促進新陳代謝
o係香港人多車多的城市,抗氧化=抗老化,真是一個大的課題
新品除了閃閃的金箔,仲包含左EGF,它可以修護細胞再生
另外的,就是納米膠原蛋白,可以提升彈力,3合一真的聽到都開心~

11月初已經去了尖沙咀的Office領取
一入到門口就見到一系列的產品排列得很整齊~


覆診記 18/11/2010

上午1:34

前兩日返左醫生大人度覆診,
佢一見到我,就話我咁忙,斷估我都係冇功課交
識左佢一年多,佢真係開始了解我份人囉~
(我唔係無做到,其實衰d講句都叫做左1/4咁大把)

因為我用左d時間去寫其他野~仲寫左7大版滿滿的
我係寫字快過打字少少o既人 (因為打字要拆字要諗嘛)
平均一版要用寫45分鐘至1個鐘,o個度又已經冇左至少七個鐘,
真係痴Q線(我係話我自己,我臨見佢前一日,先發現自己寫鬼左咁多,有想過撕左幾頁走)
但因為寫到好亂,大人咁醒,撕左實俾佢發現.......

結果佢齋睇都睇左20分鐘囉~真係sorry,下次唔會多過7版
雖然佢把口講話7版入面無豬噏o者~其實點會無呀~
(素黑話女性講野有80%
豬噏)
希望搵到我想講的20%重點~呵!

有幸見到我寫呢7頁紙的人,都話係"字字有血出"
因為我寫到有人叫又唔睬,自言自語,寫寫下又無啦啦喊,喊完又寫過

返到屋企倒左一大堆野出黎,阿媽問我"究竟你係去打劫定係去覆診ga ?"



我唔要同你做同學ar~大人你大過我ga~一係你留班陪我啦~哈~


其實我都係俾大人見到我一次o者,就係見佢o既前兩日
我同貓去左聽am730的講座,因為大人在am有地盤,當晚亦是其中一位嘉賓
另外的嘉賓是素黑同埋林凱詩小姐
(其他相我uplaod左去facebook,要睇自己去睇啦!)


p.s.昨日睇完清明上河圖,繼續大戰o個3/4份功課~
     醫生大人你大鑊啦~我會o係你開業4周年送份大禮俾你~係咩?下回分解啦~

水源充足的Oasis Medical Centre

上午12:15

出席講座前的下午,終於有時間去了位於銅鑼灣Oasis Medical Centre
大大個海報,一定唔會入錯門口,裝修風格似(睇醫生o既)診所多過美容中心
牆上仲有主診醫生李醫生的唔同的cert,更加似診所~
一坐底姑娘就俾左杯水



我就係坐o係呢個waiting area 填 form啦~


等左一陣就安排我見BA Pian,入到房佢先問我飲唔飲水,我話唔使(o岩o岩先飲完)
佢了解一下我平時的護膚習慣,之後佢就帶我去另一間房洗面,洗完面就會見醫生

入到房,枱上已準備好化妝綿同埋落妝水,自己動手抹~
姑娘又係o個句"你洗唔洗飲水?" 這是今日第三杯了~

洗完面等左一陣就見醫生,主診o既李醫生係一個年輕的醫生
佢用Powerpoint 簡單解釋左一陣做療程的風險同埋效果
之後佢決定同我先塗麻醉藥,我已經有同佢講左我唔怕痛

又去返之前洗面的房間,姑娘同我塗完,又是那句"要不要飲水?"
不過她們都蠻細心,今次的水杯是多了一枝飲管的~
等了一會就有姑娘同我簽agreement,同埋講解下做完療程後的家居護理

(唉!塊面真係咩感覺都冇啦,真係俾人打巴都冇反應o個種~)


再等多一陣就抹走麻醉藥,準備入房打Laser,今次o既Laser 係波長1064的
可以收細毛孔同埋有去斑的功效~
入到房安頓好,就乖乖睡在床上等醫生,
但係醫生遲遲都未入房,姑娘同我講左不下十次"唔好意思"
見到姑娘不停用Handfree同出面o既人溝通,氣氛變得好緊張
我覺得自己好似就快俾人開刀咁~
(平時打Laser都唔會有呢個感覺)


等左15分鐘終於見到李醫生,佢一坐底就開始打Laser,
姑娘o係隔離幫手吹冷風,其實成個療程都無咩感覺,
因為塗了麻醉藥,連基本的痛都冇晒~
唔使一陣就搞掂,李醫生話我d理其實唔難搞~
之後要我起身去另一間房敷一個cool down的mask,
(個mask會敷5分鐘,但轉房一上一落都已經無左三分鐘)


敷完mask之後,去返洗面間房整理一下,終於走得~
d 麻醉藥要成兩個鐘後先散,我o個日就係用個唔知咩表情去聽講座~

今次Trial,我由4:35搞到6:30先走得 (足足搞左兩個鐘~)
其中大部分時間都係等等等~
可能大集團,做咩都要跟程序,
例如我覺得敷mask要換房真的有點勞累,間房又唔係有人要用

佢叫我自己洗面之後,無人再check清楚係未真係乾淨就開始打Laser

在短短兩小時已經有6杯水出現 (仲未計我唔要o個兩杯)
Oasis Medical Centre 果然水源充足~


非常溫和的去角質煥膚精華

下午8:53

最近收到雅施化妝品中心的邀請,試用最新代理的
A.C. Natural 極速美白煥膚精華

上個星期中已收到包裹,包得好穩妥,入面仲有一封信,
20ml的試用裝,細細支,對於我地呢d鐘意試新野的人來說就o岩o岩好~



除了富含AHA水果精華,還蘊含了豐富的中藥滋養成份,
例如
冬蟲夏草、人參及靈芝,
有效強化組織,保持肌膚彈性及調理肌膚,保持濕潤
大家關心的另一個課題,就是它是"四無"(無香料,無色素,無礦物油及無防腐劑)

雖然他擁有精華液的名字,但它的質地一點也不稠,其實似Toner多一點
在試用的短短一星期,我依足指示一星期只使用2至3次
我通常會在晚間的時間用,先把面洗乾淨,再用上它拭面,之後再敷mask或做其他保養

不如先看看我的Before and After再說
* 本來白雪雪的化妝棉,一下子就變了灰灰黑黑的,
   看真一點,抹出來的不是灰塵,是一點點的死皮(老舊角質)

而抹過的面,亦不會變得乾,相反覺得水水嫰嫰的

總括來說,我是蠻喜歡這個產品哦, 雖然美白的功效暫時未看到

因為我係一個幾粗魯的女孩,常常覺得用磨砂都會"就唔到力"
有時為左加強效果,仲會好似"省煲底"咁省~
因為呢個產品無粒子,一定唔會省穿左塊面,哈~

另外,我覺得呢個Product好似Clinique的Toner 2, 不過感覺上佢就比較mild d,
因為佢應該無酒精,用完冇咁乾,冬天的季節我會prefer用呢個多d

貸裝價錢為 $476 / 100ml,有興趣可以去代理的雅施看看哦~

最後當然要多謝雅施的安排,令我在有限的時間,輕輕鬆鬆就可以做到去角質的效果~


慈禧太后的美容秘方

上午12:07

大家都知道慈禧一生極愛美,以美受寵。但美中不足的是,自年輕時常患面部痙攣症,「面部左側自眼以下連顴肌肉時作跳動」。
後來經御醫參考金國宮女泱面用的「八百散」配方為她配製「玉容散」。
玉容方集治療病、美容、營養於一體,有效地祛除了慈禧的面風邪,使皮膚得到滋養,從此玉容散成為慈禧的終身化妝品。

今日為大家介紹的面膜產品就是加入左玉容散中之美白成分:芍藥根與黃芹根之萃取,
及西方的透明質酸、蠶絲蛋白之強效保濕與EGF之除皺效果,成分溫和不刺激。從而達到一白遮三醜的效果

先試了EGF胜肽肌因面膜

它是拉提面膜,可以掛在耳上,連平時會忽略的部分(如下巴)都可以全面照顧到
因為我是第一次用拉提式的面膜,所以都有點手忙腳亂
它可以覆蓋到我全面,仲連眼都可以一併照顧到
用完之後我覺得皮膚比之前更加柔嫩,補水效果亦頗明顯

而呢個產品o係台灣都有唔錯的評價,親身試過之後,當然同意啦
最後要多謝Lanami是次的邀請,希望代理會繼續爭取引入其他Lanami的產品
等我地o係香港都可以用到高質素的產品

Lanami 的銷售點:
香港區:
LUXUS Beauty - 中環威靈頓街33號The Loop 17 - 18樓...
雅詩護膚品有限公司 - 中環德己立街2-18號業豐大廈307 室
風鈴草美學園地 - 銅鑼灣伊榮街9號欣榮商業大廈1202室

九龍區:
gi Mall - 尖沙咀加連威老道34-36號地下G21
Anthong G - 尖沙咀海防道38-40號中達大廈14樓

新界區: 
美肌店 - 屯門屯喜路2號屯門柏麗廣場2樓227
Beauty G - 元朗教育路17號嘉城廣場3009鋪


工聯會

又有新搞作~馬賽克工藝初班 (工聯會 x Artsquare)

下午1:30

最近除了出席各品牌的發佈會外,仲報左兩個短期的興趣班
一個就是麵包中班 (上星期已經上了第一課,見返初班的同學同阿sir)
另一個就是我今天想分享的 ~ 馬賽克工藝製作初班啦~

上星期三晚終於開始第一課,趕到時已經開始左
地點是在尖東的半島中心,我由地鐵站行過去都幾遠
幸好今次是第一課,導師都是在介紹馬賽克的歷史

馬賽克(Mosaic)並不是新事物,已經有幾千年的歷史
比較盛行於歐洲城市,亦有教徒會用呢個方法去表現宗教意義
(我知有人會叫當中的材料--"紙皮石"做馬賽克,其實不盡是對的,
馬賽克是指其鑲嵌技術,只是因為大部分人都用紙皮石作材料而已)

其實香港都有很多馬賽克的芳蹤,只是大家沒留意
先貼一下照片~看看大家有否留意到她們? (Copy From Artsquare Homepage)




身先士卒試$388 k.o.唇毛(一年內我要KO晒) 海量圖

下午9:22

今日Kawai好開心,可以出席好友Cherie的第二間美容院的開幕典禮
睇住Cherie由一個Artiste成功轉型做專業的激光治療師,
真係替佢開心,可以搵到自己的興趣~

仲記得佢當年一邊做Artiste,一邊讀CIBTAC 同ITEC課程
(而我當年就常常做她的Model,對於她的手勢,我早就試過啦~)

先看看今日的盛況
一開始由阿Lok表演魔術,其間仲送出了Samples同優惠卷俾在場人士


之後更邀請了Cherie一齊表演其中一項
就是先把清水變成黑色的水,再經Cherie巧手一變,黑色的水就慢慢變回清水
喻意皮膚或會受過污染,但只要Cherie/Skinpro的美容師的巧手,就可以化腐朽為神奇,變回之未受污染前一樣 (我知道這是Cherie第一次表演魔術,有版有眼呢~)


之後就請來今日的嘉賓,分享一下美容的心得


剪綵,祝酒後,就到了切燒猪的環節


之後仲有茶點招待各位來賓 (我好肚餓,因為我唔知醒,一起身就飛出去啦,都冇食過野囉)

而今日出席的朋友,仲可以用$88試做全線療程呢!

其實我呢......早於兩個星期前已秘密地去了新店參觀

(店舖亦繼續賣ISclincial同SESHA 抗醣化的系列產品)
新店比舊店(沙田店)面積更大,大約有7間房間.....
亦可以淋浴,唯一缺點就是沒有洗手間,如果要去Toilet,就要行多幾步去商場啦~
店舖有好舒服的梳化,牆上面亦掛住多張證書......
房裡有Locker,亦有雙人房,即係可以同朋友一齊扮靚靚啦


而我上次都試左11月的Promotion, 就係$388 包一年激光任脫唇毛(係激光唔係彩光)
大約5-10分鐘就可以All Clear 所有肉眼見到的毛毛,
不如俾大家睇下個Before and After

(我都唔知自己點解會美人生鬚囉~呢個問題都困擾左我一段時間la)
$388只係做到11月尾,有興趣快d打電話去Book啦


今日見到部新機,只要碌幾碌就可以做到瘦身,面部提升的效果
仲可以平衡副交感神經,平衡壓力,做完仲會瞓得好好~
你地都知我瞓得唔好,好想試

見到試做Demo的,真係有即時效果~
因為今日趕住走,搵日要落去8下先~

希望大家喜歡我的分享~
有興趣可以去 Skinpro 官網看看哦

最後送上我今日拍的照片(回到家才發現沒有和阿Lok拍照呢)

今日還見到兩位靚靚Bloggers,阿B 同 Lisa,仲有Cherie以前的助手同媽媽~


與LuvLuvPig過Berry x'mas

上午10:48

剛過去的星期二下午,去了Laneige的新品發佈會,首先多謝Laneige及小Fine的邀請~
地點就在尖沙咀海港城的專門店
一入到店舖就見到不同大小的LuvLuvPig蹤跡
著住一身踢死兔的LuvLuvPig真的好可愛呀~



大會為各位來賓準備的小食,全部都是Berries造的~好細心呢~
Berries 的好處相信大家都知,佢已經證明左可以抗氧化,
所以近來有好多產品都會加入呢個元素~ 外敷內服,更快見到效果~


由品牌代表講完今次找來LuvLuvPig Crossover 的意念後
就到今日的嘉賓出場,佢就係陳法拉~  (現場的閃光燈不斷)
法拉同大家分享試用左今次Berry Series的用後感~


之後仲請法拉用不同的Berries為蛋糕裝飾~唔使一陣就完成左啦~果然係一個簡單方便的甜品
法拉表示可以加唔同的Berries落Yoghurt度一樣咁快靚正~


代表送過紀念品後,就是自由採訪時間~



最後每位Bloggers都得到禮物一份, 係新系列的Trial Set
讓大家可以親身試一試抗氧化的威力~


最後俾大家重溫,下o係唔同媒介見到的LuvLuvPig~


而家Laneige會員憑50積分就可以帶LuvLuvPig返屋企~只係限量100隻,想要就快手啦~


店舖已經有不同的X'mas Set,要過一個 Berry X'mas 一d都冇難度~
(仲有更多唔同的Set,可以去舖頭睇~)


Like Me Facebook