添福添運。龍福齊天 -- 天際100香港觀景台

上午11:35

在新年前夕,Kawai 在活動的抽獎環節中,幸運地得到兩張天際100香港觀景台的門卷

其實,早在未開始營運前,身為手語翻譯的我,曾被某社福機構邀請我擔任觀景活動的翻譯
因為接觸我的工作人員講得"唔清唔楚",所以最後都放棄了那次合作的機會
活動完畢後,都聽過參加者表示很好玩,很值得一去的旅遊景點

星期六的下午,Kawai就拿著兩張free ticket 去看一下
由於整個新年假期,天氣都不是很好,那天的能見到只有6,000米而己


坐落在全港最高大廈環球貿易廣場 (ICC) 100樓
的--"天際100香港觀景台"
為香港最高的室內觀景台,訪客可360度鳥瞰世界聞名的日夜繁華景致

踏上升降機前,先會經過時光隧道,以投射器簡單介紹香港的歷史


終於到了升降機了,只需60秒就會到達位於100樓的觀景台
在升降機的頂部會由1....2...3..... 直至60秒時,升降機的門就會打開


到達位於100樓的觀景台,在升降機大堂的玻璃地板,看到的是九龍地區的縮影,樓宇都會發光的~

由於當日的能見度真的不太好,但當人站到最高的地方向下望來的時候,感覺真的很特別呢
相信在晚上,萬家燈火都亮著時,會更加迷人呢

既然能見度不高,就看一下室內的佈置吧~
先看到的是介紹正在參觀的ICC資料,原來它是全球第4高的商廈呢


另外就有介紹香港四季的節日,看到夏天的龍舟圖片,想起自己已好幾年沒有爬龍舟了
(以前都會夜晚去西貢練習的,但只限夜晚而已)


為了新年,天際100香港觀景台更做了至少四個景點,包括:
左上: 以「緣」為題之福運擺設以粉紅色作主調,中央設置桃花樹,想增加人緣的話,要繞樹行哦!
右上: 以「康」為題之福運擺設,展示三組內設小金鈴之金葫蘆,只需伸手搖動葫蘆內的金鈴,就可以得到平安健康
左下: 以「富」為題之福運擺設,由四組金算盤及多件金元寶組合而成,更可以把金元寶捧在手中拍照
右下: 以「才」為題之福運擺設以一棵棵竹葉圍繞巨型仿布,訪客可寫下自己的願望,旁邊的筆寫下心願,令自己金榜題名呢


在新年期間,更有限定小遊戲進行中
只要你有智能手機在手,為以上四個景點拍照並上載至"街旁"的apps內,
就可以得到"天際100香港觀景台懷舊版保暖杯"一個
(是不用抽獎的活動,只要拍四張景點相片並上載就可以得到了)

在農曆年間,觀景台更打造了全港最高的逾千呎金龍,沿著隨金龍之勢360 度繞場一周
而福運擺設之設計及位置更獲得著名玄學家麥玲玲小姐及楊天命先生給予意見,盡顯祝褔意義

千呎金龍的龍身是玻璃貼紙貼在觀景台的玻璃窗上,只有龍頭是立體的~
龍頭很立體且鋪上金箔作點綴,手工真的很細緻,容貌栩栩如生,是不錯的拍照點呢

說起拍照,觀景台己安排不少staff幫遊客拍照呢,有需要可找他們幫忙呢


除了看風景,更有一些吉祥物,
左邊的是代表天際100觀景台的天仔,我反覺得像恐龍,哈哈哈!
中間的是Bruce Wong, 又是恐龍尾的.....
右邊的是香港的地道小吃,巨型版的"砵仔糕"


香港的小吃除了砵仔糕外,我還愛糖蔥餅和龍鬚糖呢
過年前,收到一盒御軒出品的龍鬚糖,龍年吃龍鬚糖,真爽皮!!!!
呢個我真的覺得幾好味,因為雪完一輪,都仲見到好幼好幼,條條分明的絲
當咬開時,還有絲散開的 (家中的貓,以為是什麼東西,在追追追呢)
在supermarket已可買到........

Kawai 以前食過唔知咩牌的龍鬚糖,雪了一會就變了硬糖 (牌子忘了,只記得有榴槤味)
所以呢個很好,至少不會咬不開,
我想會吃龍鬚糖的,都是愛一絲絲的感覺,不是的話,買硬糖就可以了,對嗎?


吃過龍鬚糖,行過大運的Kawai
在此祝大家龍年開開心心,身體健康!!!

天際100香港觀景台 http://www.sky100.com.hk
御軒冰脆龍鬚糖 http://www.yuhin.com.hk / Facebook


Contact me: littlecatt@gmail.com
Y!Blog
Blogspot Theztyle.comBeautylife.com
BECB@Beautyexchange.comShe.comElle Blog


面膜 Mask

30分鐘極速瘦臉1cm --Mask House 鑽石級v型纖面膜

下午4:14

對付水腫而起的包包面,Kawai一向都偏向相信持之以恆的方法
例如聖誕前夕,我用過類似"刮痧"的按摩板,每天兩次三分鐘,
一番努力之後,包包面是有明顯的改善 (勤力是有回報的)

但很多時候,忽然的重要約會,真的會令人手足無措
最近試用了一個來自韓國,上架了不足半年的速效新品
Mask House Diamond  V Fit Mask
根據說明書表示,只需同時用上Mask及瘦面帶,
利用壓力式導入法,把BodyFit精華逼入雙頰,加速血液循環,燃燒多餘的脂肪
30-40分鐘可V面達1cm

詳細資料可到此: http://www.mask-house.com/portal.php?mod=topic&topicid=14

體驗版有V-Fit Mask,瘦面帶及紙尺各一



我遇上了抑鬱症(九)-- 每天問題多多之我又有新問題>_<

上午1:23

哈!我~好~懶~呀!!!我快兩星期沒有發文!!!

原因是Kawai在聖誕節前夕,去了果凍大師那裡催眠,
新舊觀念炒埋一碟,我自己都搞到好混亂,整個快樂聖誕都思考不到

另外的Kawai在年前驗血報告出現了問題
這兩星期都在兩間醫院的不同部門出出入入,
(有部分係未出事前已約好,但亦有部分是出事後再slip期!)
臨近年尾已經比較忙,真的累得要死了

不過暫時來說,心情都ok,
實在太懂得"自我安慰",轉頭又開心返,其實都頂自己唔順
知道自己次次黑到盡又冇事
 
心情最差是頭一星期時,知道有份報告出事,
但因為CPH個醫生放假令我拎唔到,憎到想殺左佢

事實上....我只係見過佢一次,但一次已經足以令到我覺得佢係"痴線"的
話說我聖誕假前去找果凍大師催眠 (催眠的事後面會講)
講到我可能係荷爾蒙有事,最後的結論是出面驗呢d野好貴,所以叫我返亞公度驗

那天就是我們第一次見面了,呢個醫生睇症好慢,慢到我都唔知佢究竟搞咩!?
由10:00等到佢12:45,終於見到佢啦......
我們的對話如下:

我:  X醫生,今日我只係返黎想你幫我寫紙驗荷爾蒙....(下刪...是我的病徵)
X:  你有冇"幻聽幻覺"?
我: 幻聽????下????醫生我好返ga la 喎!我已經停左藥半年多了.....
      我好趕時間返去睇感冒醫生,你出張紙就得ga la!
X:   你答完我就知你係未真係好返
我: 下!!!!!???? &**(*(()_))_!!!!
最後佢問左十幾條screening的問題,例如有冇想自殺,有冇傷害自己,有冇失眠o個d.....
我: 有....有....有....冇....冇....有..... (我的答案)

問都問左20分鐘,之後先捨得整o個張紙俾我,
而.........最後o個兩句先最低能,亦令我忍不住俾說話佢聽
X:  呢個要空肚驗的,你而家係未空肚呀????
我:而家成點都仲係空肚的話,係未應該暈左呢?!  (13:25 了)
X: 你點解又睇呢度又睇私家?
我: 關你橙事呀!

為左拎驗血紙,用左35分鐘,其中廿分鐘是用來screening的!
返到屋企樓下,親眼睇住感冒醫生同我講趕時間要走
不過.....佢話可以開藥俾我食住先.....
(嬲!!!!!最後幫襯隔離o個個,以後唔使再講野啦~ )

這次就是我們第一次見面,亦令我唔想再見....
所以聽到係因為佢放左假,連累我拎唔到報告時,我真的很"火"

頭一星期心情的確很差,因為我是有思考病的,一天不思考就好似蝕底了
而且醫院打黎負責call我提早返去見醫生的職員,真係痴痴地線,
本來已經多野諗,再加埋佢o既內容,真的暈了幾次 (係嚇暈)
佢話 : "張小姐,你過年前驗血,驗左5個items,有三個"爆煲"喎!醫生想你早d返黎拎呀,你幾時ok?"
搞左10分鐘,佢忽然話醫生好似放左假,check下先知係未真,轉頭覆你啦

他媽的!!!!!佢11/1先返工,你就唔好3/1打電話啦,
我話是但搵個陳福水俾我得唔得 (唔得!!!) 我真係唔想俾X醫生再Scan我囉.....
一聽到 "爆煲+11/1 (仲有8日)+可能要再scan"
心情點會好呢~唉!!!!我的2012年第一個工作天,就是如此渡過了!

不過都有人唔識死,打打電話o黎反叉
即係我情緒咁差時,你唔係想我反安慰你ar ma
呢d行為,會唔會"太離譜"呢?!

#事實上...我早估到會有如此情況出現,
 所以我才在facebook ,twitter 告訴各友人,現階段唔想講野亦無野好講,
 無事時會自己出返黎的#

終於都到11/1了,因為記錯左時間,早左成個鐘到
一如以往,都唔知點解要等咁耐,15號籌,由16:00等到17:50先見到佢,搞咩呀老友?!
我等到17:00,就已經同姑娘/亞sir/嬸嬸/叔叔買大細,估下我17:30拎唔拎到
佢地十分烏鴉咀,我真係等到17:50先見到人,走時仲要約期o個個窗已摺
o係17:20左右,14號籌個社工講住手機衝出來,俾佢嚇醒,起身周圍行,
竟然俾我見返之前個C醫生,我話等到好悶想同佢吹兩句,
除了問我的情況,就係咁問果凍大師好唔好生意,
我話"不如你直接問佢啦!哈哈哈!"
我問可唔可以跟返佢,我真係頂 X醫生唔順,都唔知佢搞咩?
(佢聽到上次o既對話,已經笑到咭咭聲囉.............. )
臨走時,佢同我講叫我返去同X醫生講,我話轉就ok,叫佢寫返兩隻字就OK了

17:50 終於見到佢啦,為免佢又Screening,
我一見到佢就話我要轉醫生,因時間關係自己已問了,你寫兩隻字就ok
呢個X醫生,佢竟然想交病歷俾我,問我:"你係未而家過去?" "C醫生唔介意睇多個,我都唔介意o既"
我話 "下?!而家幾點呀???走左啦佢!! 佢17:20已經睇完25個症,同我吹緊水了"
結果.....print一張轉介信,中間打左兩個電話 (為了check C醫生返星期幾) ,出到黎已經18:20
真係好好彩,唔使再見到佢
C醫生一星期返一日門診都俾我撞見,真係黑唔晒

之後的星期五返左去見CP,
我同佢講,我做完o個次催眠之後而家上唔到網,我的快樂聖誕就咁冇左了!so sad!
佢竟然用返上網的理論同我講囉:
一日都係你平時成日亂(想)上網,遲早中毒燒底板
而家果凍大師強制安裝"防毒軟件",其實係好事,哈哈哈!!!!!
唔(想)上網咪做其他野囉!!!!

見完CP仲見到Blog友淑芬呢!佢今日去見醫生呢!
佢帶我行過去屯門醫院交轉介信,我就真係完全唔識行
去到交紙,原來我是舊症,
原因是我三年前碌落樓梯暈左入過院,而腦科是under內科的,
咁....我就是舊症了,不用再排隊尾了,因為咁我又慳左時間
但最勁o既係....三日後就咁o岩要覆診,可以睇埋......
以新症要排45weeks來說,我而家一星期就排到了!

之後去左康恩園食lunch,朋友咁o岩o係上面返工
佢收工後有落黎傾計,傾到5點左右走
返到屋企發現唔見左部相機囉
好彩地又搵得返,主要原因係o個度唔做晚市,又少人出入
所以真的好好好好好彩

上星期已見了內科醫生,佢未有開藥,只是print了一堆紙俾我交
呢單野有排忙啦!!!!

最後講返聖誕節前的催眠啦
真係唔好問果凍大師講左咩,我真係唔記得,最記得係當時喊得好勁
d眼淚完全不受控制囉
經過二十多日的洗禮,而家已經好左好多ga la,
我諗我真的要學識放手,有d野不是愈想就會愈好的!

收到電話後兩天,見過果凍大師,都有叫我唔好諗太多
但我呢個有 "(想/上網)太多症"的人來說,你估真的咁易咩?!
又多一樣野要學,我的2012年一定很精彩啦

新鮮水果配方活膚,混合性皮膚好拍擋--Bourjois 果療潤澤粉餅,果療明眸修飾液

上午10:20


喜歡以健康為主打的Bourjois,最近又推出了新產品了

今次的產品是以果療為主打呢

產品包括: 果療明眸修飾液/HK$110 與 果療潤澤粉餅/HK$128005 


兩個都是百多元就可以入手的妝物呢~ 價錢親民 



Bourjois Touche Healthy Mix 果療明眸修飾液 $110/1.5ml 共3色


果療明眸修飾液的遮暇掃集合實用及專業於一身。


其扭動(twist-pen)的設計,能令您運用得宜,


並有修飾和提升光澤的效果。




BA為我挑了#63 是適合比較深膚色的朋友使用

每次使用只需按照指示扭動筆底,就可扭出適量修飾液,

然後直接掃上及輕輕印開,便能遮蓋黑眼圈、紅印及其他瑕疵,質感透薄

用了多天亦沒有卡粉或出油的情況出現,感覺都幾Long lasting

遮瑕能力就比較低,只可遮到黑眼圈,

但如要遮發紅中的暗瘡,雀斑印就效果比較差了






Bourjois Healthy Balance Poudre Unifiante Unifying Powder 果療潤澤粉餅  HK$128 共4色


幼細粉末具有反油光作用,當中的柚子成份更有收斂及平衡肌膚的作用

產品不含防腐劑,重複使用膚色會變得均勻及充滿光澤





用過了明眸修飾液就立即用上果療潤澤粉餅

因為粉餅未附有粉樸,所以要根據喜好,再配合粉樸或碎粉掃來完妝

Kawai比較喜歡薄透的妝容,所以我決定用碎粉掃上粉底



用上粉餅後十分貼服,除了聞到淡淡的香味外,基本上不會有厚粉的感覺

因為現在是冬天,滋潤度是剛好的

而且持久度亦高,一整天而來,我的妝容還Keep到的

如果喜歡薄"零負擔"透妝容的朋友,此兩個產品真的很適合大家呢 
更多有關Bourjois 的資料,可到 :Bourjois HK Facebook



要找我嗎?可電我呢

Email:littlecatt@gmail.com



Biotherm AQUA3STEP 水水潤潤過新年 *你都可以一齊試用的*

下午2:11

前文提到,Kawai出席了Biotherm 嶄新美容體驗會 後,
得到了一套三件的基本護理套裝回家試用呢 (前文可按此回顧)

不經不覺地,已用了兩年了(是取巧的 XDD, 因試用期橫跨了2011至2012年, 哈哈哈!)
又係時間同大家分享一下我的試用心得及感受

今次 AQUASOURCE 的產品都是加入了全新的專利成份"Mannose 甘露醣",
可有效把水份帶到肌膚第5層,
更可做到48小時的長效水潤,與一般的保濕產品不同

再望一下三件產品的樣子吧:



要有好的肌膚,當然是要由清潔開始,因為大都市真的人多車多,出去行一轉已經成面都係塵埃
所以洗面時間是慳不得的哦!
溫泉爽膚微粒潔面啫喱 HK$220 /150ml


冬天的時候kawai 都比較愛用洗面奶的,因為感覺上比較滋潤,

而第一次試用潔面啫喱亦感覺很保濕,之後有一晚就算未有立即用爽膚水也不覺"乾到死"了
這個啫喱是一點少少的綠色粒子,可有效地清潔毛孔塵埃令毛孔細緻,
加上每次只需用上1毫子份量已足夠全面使用

之後要用上的是溫泉爽膚潔膚水 HK$180/200ml  HK$280/400ml
含有專利成份Aquatoril TM ,可即時紓緩表皮乾涸,令肌膚感覺水潤水噹噹的
配方當中的獨成份Thermal Plankton cellular water 溫泉有機活性因子
蘊含
9種微量元素、4種維他命B23種氨基酸
皮膚天然儲水成份NMF天然保濕因子相似,更易被肌膚吸收。

呢個爽膚水是為Double Cleansing作出把關,有時塗護膚品好像不太有效
很多時都是因為新陳代謝減慢,令死皮積聚,以致不吸收之後的產品,所以爽膚水是少不得的
Kawai 對這個爽膚水最大的感覺是,他真的可以抹到表面的死皮+塵埃,看到棉花上的黃黃黑黑,就知佢幾勁!
*注:銅鑼灣真的很大塵!!!
以Kawai之前敗過的爽膚水來說,好像只有Clinique 有酒精那支Toner才做到此效果
但這個感覺沒有強酒精,所以冬天用都ok 的

塗過自家的精華素,就會塗上最後的Step, 全球每球每8秒就賣出一個的皇牌產品 AQUASOURCE GEL
溫泉保濕凝膠 HK$350/50ml
全新AQUASOURCE系列採用的全新專利保濕成份甘露醣
萃取
生長於美國中北部樺樹、山毛櫸楓樹,是這些植物抵禦乾旱的主要儲水成份
通過
green chemistry extraction process綠色萃取工藝提煉而成,除了滋潤肌膚表層,
更把水份一直泵入
5層深處,肌膚水份及飽滿度明顯增加25%
塗凝膠可先在面上點上5點,再用手左右抹開,感覺比一次過"撻"在手上更加吸收
如果塗後還感覺是乾乾的,可再塗一遍呢
用左呢個方法,Kawai真的少了粒粒出現,而感覺用的份量少了
這兩個星期,香港的天氣很失常,加上Kawai會開暖風機睡覺的,
但都沒有出現"一起身就乾燥"的問題,果然是不可少觀呢

今次三個產品,Kawai都很滿意呢
相信大家都有興趣一齊試一下吧
有興趣的朋友,可到以下的links索取試用品呢
http://www.ckpgroup.com/ clickcount/biotherm.php?id=41

有問題.可以電我呢
littlecatt@gmail.com

愛吃與愛瘦,都可以兼顧,愈食愈瘦的美肌麵

下午11:12

十二月份真是一個魔鬼與天使混合的月份
好多平時甚少見面的朋友,12月份總會聚一聚
不知道是否因為自己太膚淺,一撞埋就會想食食食

良朋美食的確會令人開心
但吃多了就會心廣體胖,
而體重管理更加是都市人必需面對的問題

最近試食了可以在莎莎購得的肌之子全新"纖吃纖盈麵"
老實講,時間真的來得正好呢
有時之前o個晚食得太多,第二日根本未消化
食這個.....感覺始終好過食白粥
(食完好野第二日食白粥,感覺很不健康呢)

今次收到其中的兩款"韓國泡菜味"及"香姑雞汁味"
都只是40Kcal 及 49 Kcal 而已


每包入面有一包蒟蒻麵條 及 味粉一包, 感覺簡單唔太難handle


食用方法亦不是太難或複雜,只需先把麵條包拆開,用熱水沖洗一下濾乾
然後把味粉加入熱水,再把麵條放在碗中就可以食用了

而包裝袋都有營養標籤呢

肌之子的纖食纖盈麵,煮法非常方便,真的新手都可以Handle到,
不經油炸,所以比速食麵更為健康,亦不會因為放久了而變得不再QQ彈牙
含有
蒟蒻外,更加入了被喻為「海底燕窩」的綠藻及海藻製造
經常食用更有美肌效果
準備時間都不過是5分鐘,對於愛快捷的朋友真的很吸引


就Kawai試的兩種味來說.泡菜味是比較惹味的,因為有點辣,就不會覺得沒有味道

而香姑雞味相對來說就會顯得清淡一點了

基本上,這個Kawai回購率是很高的,其實Kawai有時都愛吃宵夜,這個感覺不太罪惡呢
但就不會長期食,因為這個同一般的即食產品一樣,鈉質比較高呢

這個纖盈麵在莎莎可以買到,如撞o岩有特價時,只是$100/5包 (共有4個味道)


不用磨甲,超快完成的Gel Nail 體驗 -- Shellac Soak off Gel Nail by Crystal Jam

上午11:35

每逢大時節前夕,每人都在忽然地忙碌,
有忙著為親朋友好買禮物的,
亦有忙著為自己扮靚靚的......
護膚方案亦早於一個月前已展開
面部肌膚當然十分著緊,但手部其實都不可偷懶呢

聖誕節前夕,心知有一雙美美的Gel Nail 的確很美,
但一想到要坐上好幾小時,還要磨到指甲不似人形時,
就覺得要靚真的要付出代價

最近Kawai在香港首間貼石專門店 Crystal Jam
認識了"Shellac Gel Nail",只需用上30-45分鐘,
在不用磨甲的情況下,可做出同一般Gel Nail 類同效果
亦可以Keep上大概14天,而拆甲的過程亦不需要磨甲呢~



得知有"咁神奇+咁快速"的科技,沒耐性的Kawai 第一個舉手要試呢
這個Gel Nail 需要的工具並不多, 除了紫外燈外,就只需要以下的產品就可完成


開始時,美甲師Vivian 先幫Kawai作出簡單的修甲,
之後就用上專用的清潔劑抹去甲上多餘的油份及水份

接著Vivian在已清潔的指甲上塗上薄薄一層Shellac UV base coat ,就要放在紫外光燈下約30秒 (很快!!!)

之後就開始上Kawai自選的顏色,Kawai挑了的是比較淺的紫藍色,是色版沒有的顏色哦
找不到自己喜歡的顏色也不怕,因為可以自行溝色呢,
過程由兩次相同的Shellac UV Color Coat, 變成第一次先塗上較深色的,
照燈後再塗上淺色的,塗完兩遍之後,再照一下燈就可以了,照燈時間大約是3分鐘左右


塗完兩次Shellac UV Color Coat, 其實已完成了大半了,
如客人需要劃花或貼閃石就要在塗上Shellac UV Top Coat 前整
塗完厚身Shellac UV Top Coat 再照照燈就已經完成了


最後亦用上Cleanser 抹一下甲面就完成了

Kawai試後感:
整個Gel Nail 過程真的很快速,只需30-45分鐘(因為我沒有劃花,所以今次只用了30分鐘),
十分適合愛靚又很繁忙的女生,不會因為磨甲而傷及真甲,同時亦帶來10多天的Gel Nail 效果
而卸除的方法亦很簡單,只需把指甲浸到專用的卸甲水裡,等待10分鐘就會全塊脫落
全程不用打磨,快捷方便呢

如果大家有興趣一試這個快速Gel Nail,
可於1月21日前到Crystal Jam 以限定試做價試做呢 $198 (手甲) / $298 (腳甲)

Crystal Jam 地址:北角馬寶道 28 號華匯中心地下 6 號舖  電話:2561 2188

伸延閱讀:
周末好活動,除了Art Jam,還可Crystal Jam
女生愛Bling Bling,連手機都可以Jam一番

Contact Me: littlecatt@gmail.com


 

Like Me Facebook