下午茶 HighTea

✿ 小倆口發花癲二人前 ♥ 色彩花藝下午茶 ✿

下午1:30

又係我地行孖必的星期天,

今日我又夾左Mr.K 陪我食Tea, 
但今日有d唔同,目的地唔係去旺區,
係去左紅磡的一間新酒店逸.酒店。

今次呢個Tea Set 叫色彩花藝下午茶,
係同花藝品牌Hahahaflorist 合作, 整個下午茶採用多種花卉的元素,
而餐廳又有綠色的戶外坐位,咁我地當然都會走到外面,接觸下大自然,
雖然嗰日真係有點大風。

等左一陣,就見到我地個Teaset ,佢棄用英求的三層架,轉左用特製的花朵型層架,
上面仲有隻蝴蝶不停轉圈飛呀飛,蝴蝶一路轉我就一路呱呱叫,未食已經覺得好開心啦!

上環 Sheung Wan

✿ 花花世界棉花糖 ♥ Cafe Bauhina ✿

下午1:30

星期日都仲要返工,同呀客開完會,
約左幾個密友去食tea,三條Queen 唔通去食茶記咩!

街市街行到最盡頭有間花店,入面設有cafe ,提供輕食及Smore Buffet, 
今日大家都想靜啲傾計就最適合!

朋友要左個Blue Butterfly Pea Vanilla Drink, 淺藍色好靚,
其實佢係用蝶豆花茶加雲呢拿奶,我飲左一啖,因為蝶豆花本來就沒味道,
所以雲呢拿味好突出,算是少有的色味也兼顧到。

叫左個邪惡的teaset Smore Dip ,除左你見到的棉花糖外,中間加入左花生醬同朱古力醬,
烤到外脆身金黄色,入面係流心狀的棉花糖可以夾餅食,點講都係會肥死的!

中環 Central

(。・ω・)ノ 花樣雪糕 ♥ Emack & Bolios ♥

下午1:30

呢排生積,明明食左好多野都好似唔飽,可能又凍內心又空虛,
我知咁講一定俾人鬧,Btw, Mr.K 係唔食得嘅!一眾女生決定轉場再食過。


經過Emack & Bolios, 平安夜都同Mr.K 經過,
但因為我倆都病到七彩,當晚我連行直線都行唔到,所以就放棄左!
any 肥! 我今晚就要食你啦!

先揀雪糕!第一球$43, 每加一球$20, 最多可以加到五球,雪糕cone 要另外加錢,
逐樣加都襟計㗎!
呢度唔似其他稍貴的雪糕店,雪糕都係放喺後面,只可從餐牌揀味道。
其實都幾多味道揀,好多都好吸引,我覺得唔係空肚係錯的!
因為我而家只可以揀到一個味道。

脆筒可以揀有脆脆的,色彩繽紛的Fruit Loop 加$20, 其他的就加$15!
topping 也有,所以成品可以變化萬千。


化妝 Make Up

✿ LET ME GLOW ♥ Innisfree 2016 年春妝系列 ✿

下午1:30

新年自始,當然係了解下新一年的化妝潮流,
今晚放工後來到 Innisfree 的新品 #getitglow2016 發佈會,睇下即將推出的韓妝。


會場到處都放滿了代言人允兒的廣告照,塗上蘋果紅色的唇膏,感覺好Sharp又不顯俗套!
呢個名為 Real Fluid Rouge 心動光感唇釉 $108/3g,共有十種顏色,
除了可以完美締造盈潤唇色,仲有護唇的功效,輕柔透薄配方完美緊貼唇型,o者喱質感持久不脫妝,配方中有山茶花油高效補濕與富維他命E的葵花籽油,讓雙唇柔軟持久亮澤。

大會亦安排請了化妝師姐姐為大家即場試用,
我也大膽的請她為我塗上允兒廣告相中所用的顏色06, 老實講平時都少用這種紅色,
感覺不太易襯呢!

親自試用第一感覺是顯色度夠,而顏色係同樽身睇也未有太大分別,
而且當晚因為好渴都不停飲水,掉色比我想像中少,質感帶點bling bling的都幾靚!
呢隻看似難搞的顏色,仲令我的面色好左,感覺精神左好多!整體都係令我幾驚喜㗎!


好康 Promotion

.。₀:☆ 讀者好康 ♥ 找回輪廓線的HIFU療程 ♥ Belle Stage ☆:₀。

下午1:30

Facebook 有一個好抵死的功能,就係可以Show 返當年今日的相片,
因為咁,我又再次見返自己一年前的相片了!(好彩都唔係好嚇人!)

呢兩張相都係我減左20kg 後的我,一年的分別都幾明顯,
由2X歲以來我都係中長頭髮的,即係去到膊頭那種,因為我想遮包包面,
減肥後更加上遮鬆弛位,雖然我曾經以為呢D叫做好好meet!(笑)
不過,自從做左兩次HIFU 後,我就決定左留長頭髮,
因為我真係好amazing見返自己個下巴 Jawline 位!


HIFU 的確也不是甚麼新科技,不過我都再介紹多一次HIFU 吧!
HIFU (High-Intensity Focused Ultrasound) 高能聚焦超聲波屬無創複合緊膚術
以分段式發放高能量超聲波,在不干擾皮膚表層組織下,定位發射能量到真皮層的 3.0mm 至 4.5mm 皮下組織 SMAS (Superficial Musculo-Aponeurotic System) 肌腱膜層。
將組織溫度增加至攝氏 60 至 70 度,形成『熱凝結點』,藉此刺激骨膠原增生,提升肌膚彈性,令鬆弛皮膚回復緊緻,有效改善面部肌肉下垂的問題。

簡單來說是主要針對的是刺激骨膠原自生,
從而得到撫平皺紋(收緊眼袋及減淡幼紋), 提升下垂的臉頰及眼眉,改善毛孔粗大,
改善雙下巴,緊膚及提升輪廓, 解決面部肌肉下垂及鬆弛等問題!

我呢三次的療程都係用佢來自韓國的SONOQUEEN

日本料理

*:₀。 做得夠精 ❤ 鱈卵屋。₀:*゚

下午1:30

大大粒晶瑩剔透的三文魚子同埋粉紅色的明太子,係咪好吸引呢?
對於我呢個澱粉質女孩來說係非常吸引,所以有大半碗係我食嘅!


今日同朋友嚟到以明太子為主菜嘅鱈卵屋開飯,明太子其實就係鱈魚的魚子了!

呢度大部份的菜式,都會包含明太子呢個原素,
睇餐牌的時候,已經俾呢個叫鱈卵碗的東西吸引住了!
叫左個三文魚拼三文魚子的口味!
呢個飯至少有三個品嘗的方法!

第一個就係直接食用,第二個就係將配料全部拌勻,最後就係加入木魚湯變成茶漬飯!
配料有黑白芝麻,葱,紫菜絲,紫蘇葉等!

沙律

(。・ω・)ノ 拉麵街的一角 ♥ The Point ♥

下午1:30

我同 Mr.K 間中都會入去赤柱食飯,大概半年前已知道小巴站隔離開左間叫 the Point 的餐廳。

都叫做睇住去開張嘅!亦都知道佢地最出名係午餐的自選沙律同埋pizza,不過就未有機會一試,通常去親呢條街都係食拉麵!

一坐低,我就有理無理揀左一個沙律先!
呢個係叫Arugula and Pear Salad $108
呢間餐廳最深印象係門口個Salad Bar, 果然出品無令我失望!
火箭菜夠新鮮帶天然苦澀味,加埋少少蜜糖同Olive Oil 整嘅醬汁,甜甜地好Match!
仲有梨加落沙律度好好食!個人覺得好食過蘋果,又香又甜



Stuffed Portobello $78
大傘菇入面釀入 RiottaCheese 同菠菜,菠菜非常嫩綠,用嘅係菠菜最嫩嗰part, 食落無渣,烤過的大菇亦多汁鮮甜。


尖沙咀 TST

♥ 天然酵母烘焙高質麵包 ✿ 百年奧地利麵包 ✿ 麥上日光 ♥

下午1:30

呢個聖誕節都係病住過, 飲左好多水休息整天,
Boxing Day o個日朝早已經好了好多,決定出街見下朋友,見下太陽,
不用怕我不會在佳節傳染病菌咁衰女!

剛病好,這天出街都係比較忍手,我最愛的雞蛋仔芒果冰都完全無食到!
行行下,o係金馬倫道見到銅鑼灣綠茶的分店,仲要無人排隊!救命!
唯有扮見唔到,之後見到對面有間新開的麵包店,咁我就入左去八下啦~

呢間地舖的店子,原來係奧地利近百年老字號麵包店麥上日光
而這間店子是香港第一間分店。


剛巧蘑菇包出爐, 一個個排列整齊真係好可愛呀!

九龍城 Kowloon City

*:₀。 惡魔朱古力 ❤Black As Chocolate。₀:*゚

下午1:30

每一次回台北旅行,朋友們都會提早幫手想好特別的行程,因為我鍾意朱古力,所以其中就係安排去有貴婦品牌的Black As Chocolate,食件餅,但要見的人太多到最後都係緣慳一面,留了一個小遺憾。


上星期,經過銅鑼灣竟然見到香港專門店已開張,咁我就入去8下啦!

店內陳列了不同口味的蛋糕,暫時有:
經典朱古力蛋糕,黑加侖草莓朱古力蛋糕,榛子朱古力蛋糕,焦糖香蕉朱古力蛋糕。
每一款都好吸引,我的選擇困難症又復發(笑)。

揀完蛋糕之後,仲可以揀挷蝴蝶的絲帶,慨歎著人生為何這麼多交叉點。

荃灣 Tsuen Wan

.。₀:✿ 開心價聖誕Semi Buffet ♥ Dorsett Cafe ✿:₀。

上午1:30

每逢假日,我都會瞓到好晏,
聖誕正日都係啦,一早瞓醒至少九點幾,食Brunch 可說是最佳選擇吧!


今日去左位於大窩口同葵興中間的多盛酒店,因為我就好少行去嗰邊,都揾左一陣先揾到呀!呢度搞左個聖誕節Semi Brunch Buffet, 主菜自選外,小食甜品都係任食嘅!

先拎左啲小食試下,
當中的蟹肉撻,細細件但鮮味幾突出,而且蟹肉都幾多,撻底也香脆,看得出有落心機做的。炸蝦丸就膩左少少,蝦多士好耐無食過啦,蝦肉彈牙又唔係太膩,上面加左芝麻粒,香口度大大增加。

自選主菜我要左燒火雞配栗子汁,叫做應下聖誕節啦!

上環 Sheung Wan

♥ 療癒系 ✿ 飄雪樂園 ✿ DK Cuppa Tea ♥

下午1:30

又一次同朋友來到DK Cuppa Tea 食主題Tea Set,
今次呢個係叫Frozen 飄雪樂園,主調顏色係女仔都鐘意嘅Tiffany Blue, 
同一般紅紅綠綠的聖誕有所不同,好特別又靚靚呀!

先送上今次嘅茶 --Earl Grey Tea 伯爵茶, 配上用有機庶糖做的粉藍色棉花糖,
望住都覺得自己攤左喺舊軟綿綿的白雲上,疏肝!

加上熱茶的蒸氣緩緩上升,溶化了粉藍棉花糖,有機蔗糖以藍色雨水形態,為伯爵茶添了幾分天然的甜味!隔離的能量奶,係用左佛手柑蜜糖加碟豆花混合而成,因小女唔飲奶,所以就無一試了!喜歡的話可以自製一杯Earl Grey Milk Tea,哈!

之後店員就俾左幾張卡我地抽,原來呢個High Tea Set 亦可加 $100 帶一支香薰回家呢!
沒錯!這裡其實是賣香薰的喔!
占卜卡可以帶回家,計埋上次嘅,我已經有十張啦!

化妝 Make Up

(。・ω・)ノ 根根分明不易溶 ♥ NAF36H 3D根根分明睫毛膏 (輕羽飛翹型)♥

下午1:30

記得係年中的時候,有機會試植左假眼睫毛,
整完之後,的確係開心左一個下午,不過整體感覺都唔算太舒服,可能係內雙構造問題,
有d UN眼(笑)不過,問心靚就真係勁靚!雙眼立即有晒神!仲令我少左揉眼呢個壞習慣。

最後無再整的原因,當見到自己的真假睫毛孖住甩,每朝早都大叫為睫毛哀悼,
真係怕本來唔多的睫毛會一朝無晒!所以我暫時都會用住睫毛膏先。

最近收到NAF36H 3D根根分明睫毛膏(輕羽飛翹型)($89)
3D立體刷頭設計:
獨特研發的3D螺旋型刷頭,並採用獨特的交織工法睫毛刷,即使細微下睫毛,都能輕而易舉的刷上。
特殊刷頭能緊密包覆每根睫毛,刷上時睫毛根根分明,如同幫睫毛上了電捲,眼睛瞬間加倍放大且更深遂有神。
獨家輕羽捲翹霜體 24小時持久,無重力捲翹睫毛膏,超防水!抗暈染!不結塊!溫水可卸除。
特殊的睫毛膏膏體設計,重覆刷拭不結塊! 不厚重!
讓睫毛向上延伸、捲翹達到根根分明的效果使眼睛瞬間加倍放大且更深遂有神。
添加美容成份:蘆薈和維他命B5、維他命E等修護美容液保溼成份,使睫毛強韌有彈性,增添睫毛健康光澤。

Like Me Facebook