覆診記 24/03/2011

下午9:49

昨天中午蛇左去見醫生大人,
哈!我們的傾計簿很久也沒有寫了,只是寫了三版紙
可能要寫的,覺得很重要的都早已經寫過了,
現在寫的都是碎碎唸,是一些Status Update
之前的7版紙已經沒有再出現 (那次是意外呢)
另外的原因,大概是因為他說會繼續做催眠

昨日一見到我,就說想和我傾一些事情,究竟要傾什麼?
其實我就是不想坐在那裡,曾經有一秒,我有想逃走的感覺,想開口說"我都係走先"
相信他都感覺到,他說有話要說,是重要的一定要在此傾,着我先坐下,一陣會轉地方
搞了不知多久才坐下,但一路都好想走,好不耐煩
他說了什麼,我根本都沒心聽,只記得講了一堆藥名,另外就是問我想要什麼
(問我幹什麼哦,我什麼都不想要,不想說,我只想走~)
又搞了不知多久,終於決定了給我一些Lorans守門口,終於可以走啦,,再留在那裡,我會哭
他表示之前幾次見面都是掛著做催眠,沒有太多時間同我傾用藥的問題,
但他覺得很重要,一定要傾,因為我新年前的瞓到Over事件(舊文可按我)

終於可以轉房,開始有定了下來感覺,再留在那裡會暈倒啦
醫生大人在看我的傾計簿期間間,我又不知應該做什麼好~
玩手指嗎?我又不是有12隻手指的,有什麼好玩,最後我玩了台角的candle
我想說Cushion去了那裡呀?!我好想要呀~

年尾俾的功課,終於捨得交了,本來說好是兩個月時間,但我做了5個月,足足遲了三個多月,
看似寫得很詳細,但其實我唔滿意,因為我寫得趕,不太詳細,
終於完成了呢份功課,叫做開心返少少,但又有另一份功課交給我啦
說好了下次會傾,我很擔心交不到,我是想東西很慢很慢的,我是會因為交不到功課而"走佬"的人~
醫生大人說如果真的交不到,就立即轉Plan B(做催眠)做完應有幫助~
聽完他的話,心都定下來了,沒有之前那樣緊張哦~

今天才知道,原來中文有些詞語看似可以形容同一樣的東西,但事實上是相差甚遠的,
就如"勇敢"和"大膽"的分別
真的感謝你,亦辛苦了你~告訴我兩者的分別,哈!原來我是可以用"勇"來形容的!

就看看4星期,我會不會做到~

一步驟。零黑頭,係未真係work?

下午10:22

一月初的時候,我同Blog友仔去左摘士多啤梨(舊文可按我)
o個時買左盆士多啤梨返屋企,話咁快又有收成了~


我已經食左啦~忍唔住口嘛~
士多啤梨食就好味,但如果生o係鼻頭就真係唔開胃
我D外國朋友仔o係香港係唔會食士多啤梨,因為佢話黑色好突兀,外國o個d唔係黑色ga wor~

因為香港賣的士多啤梨係黑色點點的,亦令人想起鼻上的黑頭
黑頭的形成,相信大家都知道,所以我也不花篇幅多說了
而KO黑頭o既方法真的五花八門,但用錯方法,會令到毛孔粗大變形,所以不得不小心哦!

今日我有機會試用Bio-Essence 的Blackheads Remover,
佢主打o既係只要一個步驟就可以做到零黑頭的效果
我亦搵了我的好朋友Stephanie一齊試用

用法非常之簡單,就是乾手乾面塗上黑頭多的地方,我們都是塗在鼻上呢~
按摩一會兒就會有一d類似"擦膠碎"的粒粒出現,洗乾淨就完成了,很容易用~


看看我的用後圖,用了三次(隔天用)
比較大的黑頭都可以KO到,但小的效果就不太明顯了


看看Stephanie的相片吧~

好像是比較乾淨了一點~大的都清了哦~


最後有我們的合照啦,多謝TZ的安排~

整體用後感:
我們都覺得它可以清到比較大/明顯的黑頭,而小的效果就不太明顯了,可能日子尚短,
清理黑頭可不是一朝一夕的事哦~
如果要我形容,我會說它是一支Cleansing Gel,不會特別提佢有去黑頭功效la~

哈!本來我可以搞下d相,令個效果明顯d,(Stephanie 是 PS高手啦~)
但我真的做唔出,我相信大家都想聽真話吧~忠於自己的感覺,是我要學習的功課~


手霜 Handcream

別讓雙手出賣你的秘密 @ Neogence

下午11:10

猶記得幾年前o係朋友邀請下,看了彭秀慧的獨脚戲"29+1"
劇內有一場是講一班女生在飯局後去Toliet洗手後塗Handcream,
大家塗完之後,發現是Johnson's, 女生中有的表示要用找落妝油洗手,有的表示只會用jurlique 或者 crabtree, 呢一幕在劇場的女生都笑了,因為大家都明白,一雙滿佈乾紋的手是會出賣年齡的秘密哦!

今天要同大家分享的是來自台灣的Neogence玻尿酸潤澤保濕護手霜,
*之前亦用過它的另一皇牌產品
"玻尿酸保濕原液"(舊文可按我)*

自己一向對揀選護膚品都係比較少睇價錢,最緊要o岩用,所以好多時都會有意外驚喜!
對於理想的潤手霜我會希望佢係質地不用太厚,因為我好多時要做手工,太lup o既唔方便拎針線
另外我接受唔到太香的潤手霜,只因為我有鼻敏感,所以太香的唔o岩我了!


胡思亂想 vs 積極思考

下午9:57

下星期中,我將會返醫生大人度覆診
在未見面之前,想說一下自己現在的情況

話說在農曆新年前,我見了醫生大人,大家傾完決定試下減藥
減的就是Apo-Seroqual,本來想減一半,但因為佢太mini mini,根本冇辦法切開佢
搞完一輪,最後轉了Pms-Seroqual,大家都是25mg,個樣又差唔多,
返到屋企都未醒起我曾經死o係佢手上,
2010/6/12 我一世都記得,起唔到身返唔到廠,胃抽筋,電腦又燒Q埋底版,

今次一樣咁精彩,瞓左20幾粒鐘先識醒,仲要暈陀陀,
本來諗住清下D債,但太暈,結果都係再瞓,又嘥左一日,仲要醒左之後,醫生大人收左工
咁我點呀?我唔想死住!
最後我o係櫃底找到了一排Xanax (是樓下的GP之前俾我救命的)
平時食半粒就KO了,頭一日都可以,但因為之前的藥未散,我都仲好暈
本來要趁年假前最後一天去換藥的事,因為我頭暈所以去唔成 (我暈了足足3天)
搞成咁,我真係好驚呀,唔知咩人可以救到我! 不過人又飛左,我可以點喎!?

結果我食住半粒Xanax先,但食左幾日就開始唔得啦,要食一粒先瞓到
因為咁搞到我仲驚!明明半粒變左一粒,幾日之嘛!有冇搞錯!係未玩野呀!我諗住減藥仲食多左,真失敗!

瞓左幾日,終於唔暈,我醒起自己死過o係佢手,
之後幾日我就開始有D唔開心,開始亂諗野,諗到有D痴線:
係我冇去阻止呢件事發生,同一件事一年內發生了兩次,我有責任去阻止
我上次搞到返唔到廠咁大件事,都可以唔記得! 我就快殺死人都會唔記得ga la
一次錯可能係對方o既問題,但第二次我一定有責任,係我錯!唔好同我爭,OK?
我的警戒心去了那裡,是不是死了?

這個新年假期,我就是在想這些,想了很多天,最後都是覺得是自己錯
Kawai 小姐,已經2011年了,再錯下去你真的沒救了

今天看到醫生大人的文章(詳細可按引用)
究竟我這些是叫做"積極思考"還是"胡思亂想".....(相差十萬八千里,哈!)


終於解決失眠的問題了~

下午9:36

最近少了發文,原因不外乎是天氣凍想冬眠,
(但偏偏我就是不吃藥睡不著的人,只是在攤屍)
新年前認識了一個DIY品牌的老闆娘,試過小麥草同花水都唔錯(舊文可按我)
亦因為產品有效果,令到我對她的其他出品有信心,
一過完年假我就急不及待去入貨(這篇不是試用文,是我真金白銀買的!)

去之前我已經睇過website做左功課,想試一下甜睡茶是否真的有效
當日老闆娘已經同我左隻茶"好勁,
試過有阿媽飲左之後第二朝起唔到身煮早餐俾仔仔食
亦有好多客見佢冇咩味,就飲多兩杯,結果又係遲到啦

而我首次的結果係瞓唔醒囉(12小時後才叫醒少少)
o個晚我用一茶匙沖一杯水(茶樓o個d茶杯仔size),飲完一陣就開始眼瞓,似食左藥咁
第二日9:00我要去TMH睇醫生,8:00我媽叫我起身,我仲以為佢係叫我妹,
之後去到醫院不停在"釣魚",連醫生都話我好靜 (可能我平時太多口)
睇完醫生亞媽話去飲茶,我都話好眼瞓唔去啦,之後下午坐巴士瞓左45分鐘先叫醒少少
而我媽的情況(因為我媽想知咩味,叫我留返兩啖俾佢,所以我其實飲唔夠一茶杯),
佢飲完第二日差D唔知醒叫我爸返工
因為佢咁勁,之後o個幾日我都只敢飲一杯(半茶匙茶葉)
而我妹亦都有試飲過(佢話自己瞓得唔好),佢見我瞓成咁,只敢用我飲完之後的再沖水
佢話第二日唔想返工想繼續瞓~

醒左之後的感覺係平時冇食藥咁累,瞓醒之後係精神好o既(有時食藥瞓都會累的嘛!)


而家我已經沒有飲茶已經可以有睡意,換言之我已經連apo-seroqual都戒掉了
但我每晚都有繼續用老闆娘介紹給我的甜睡皂,
其實初時佢介紹"番皂"俾我,我立即話唔好啦,時光倒流70年咩,用番皂好煩,又要安置佢
但佢話我試左一定會鐘意,見唔係太貴,就買來試試
佢係比我用o既沖涼液滋潤d,唔太多泡泡,但覺得比之前用o既沖涼液乾淨
用完真係有d relax 的感覺,好似鬆左d咁,但佢又唔係好大陣薰衣草味(其實冇咩味)

而呢兩件產品加埋大約190左右,誠意推薦俾各位有睡眠問題的朋友

(amiz 通知:5月花茶會加價哦!)

我遇上了抑鬱症 (四) 我在獨自抗戰嗎?

上午12:00

今天是2月14日,先祝大家情人節快樂,有情人沒情人都好,都要快快樂樂哦!



2003年春天,我遇上人生中的第一位精神科醫生
至2009年夏天前我都沒有找輔導或者見CP(臨床心理學家)
就是因為他明言不喜歡我見其他人,亦覺得我不需要,覺得我只係見佢已經足夠了
所以我在2003-2009年都沒有找其他支援,
純粹只靠自己,靠食藥控制病情,
因為我又沒有自毀行為,即沒有界手,OD(OverDose,我是連"界手"是什麼都不知道那種人)
食過藥的我,又開始返工,工餘時間又可以出去做義工
(看似多姿多彩的生活,但它也同時間帶來了另一個問題)


他為我揀的藥,有時都令到我好唔舒服,有的令我常發夢,有時又會頭痛,
有試過同佢講過唔舒服,但他表示"開左比1000個人食都冇人講過,你唔好賴我"
至於頭痛嘛!他說頭是沒有痛感神經的,只是肌肉痛
我唔知佢講o既係未真,但因為佢o既反應,我沒有再向他表示藥物有任何問題了!

直至2009年,在網上認識了另一班病友,他們鼓勵我去找輔導,亦介紹了輔導機構給我
(因為我o個時3個月才覆診一次,他們都覺得太疏了)
就是如此,我開始了見輔導的日子,直至有一次俾佢發現了我有見輔導,
因他看到我有幅係輔導畫的畫(是潛意識的冰山圖),他表現出十分之唔高興
同我講左一堆說話,大概的意思都是說"怕出面d人o既觀點同佢唔同,令你會Confused"
其實我已是不多言的人,我都唔想同一件事要講幾次,我會痴線同驚講得太多會口臭

在這幾年中,印象最深的就是有一次我在他的房間"倒瀉水",
他一面叫姑娘抹地,一面就在說"你真是Trouble maker,在你身邊真的是特別多Trouble"
我相信這只是他的戲言,但這句說話真的印了在我的心上,一有事,我就會講呢句說話解釋
這幾年都成為了我的口頭禪,直至我前一排做了一次催眠才開始"戒口"了(到時會再分享)

另外就是他很會鬧人啦~我就是常被他鬧到"飛起"的.....
我是很易激動的,他表示"你一係喊,一係就講野,唔好兩樣一齊做~唔知你講咩"
鬧得多,我變得更收埋自己,每次一喊就會"手足無措 + 手忙腳亂",
本來無咁亂,如果我可以我係想塞返d眼淚入去(但而家仲未練成!)

但我媽很喜歡他,因為他會管制住我的行為,所以一直都沒有想過轉醫生,
直至2009年尾,他因為個人問題開錯左某d藥,令我抽筋連續入院,
最後事件傳到他那裡,可能佢怕我會追究責任,所以佢主動打電話叫我轉醫生,佢o既說法是"大家唔夾",
我就是如此被"飛"了~哈!
既然大家唔夾,我會搵第二個,唔會再浪費時間,都講到出口,所以唔會挽留,當是"因了解而分開"吧!

直至開了Y!Blog後,識了另一班病友,他們會在我Depressed的時候出現在我身邊
到現在想深一層,我在他照顧下這幾年都應該是是"獨自抗戰"吧!

下一篇我會寫一下,關於我在第一任醫生身上得到的東西/經驗

如果想找輔導機構,可回顧我另一篇文章"輔導資料"(可按我回顧)
如想看我之前的
文章,可在左面的網址分類中選 "專屬我的*憂鬱之路"即可

亞麻籽粉

BB有便便呀~每天簡易排毒方法

下午8:30

唔知大家最近有冇睇過一個廣告,
講的就係兩位新任父母見到BB有便便開心到要o係FB四圍講
誇張係誇張左D o既,但呢個的確係都市人的大問題
我自己亦識到朋友仔可以一星期都去唔到一次廁所
都市人多肉少菜其實已經係好難改變的事實
只有係其他方面著手

o係新年前因為在靚太介紹下,
試左Amiz Therapy的有機小麥粉,一日一少杯就可以輕鬆排毒(可按此回顧)
文章出了街之後,連日來收到的回覆都是圍繞味道"易不易接受"
最近我又試了另一個產品"亞麻子粉",它正可解決了味道的問題,因為它是沒味道的

先看看它的包裝及樣子:
佢係比較粗身的,用法很簡單,就是加一茶匙落日常飲品裡,例如咖啡奶茶牛奶etc
一日一次就ok,因為佢不是水溶性(即不會溶在水裡),所以要邊喝邊拌勻,如果不是就會沈底了!
那裡買到/價錢: Citysuper supermarket可找到它,大約45元左右

注意:一包可以喝很久啦,因每日只喝一茶匙,
效果方面會比小麥草慢一點,有便便問題的,可能要飲一星期才有效果.有興趣可以去找找哦!




For Collaboration,
Please send to : littlecatt@gmail.com
FB Page: Kawai / Small Talk Corner
BlogspotTheZtyleBeautylifeFanPiece
BECB@BeautyexchangeOpenrice
She.comU lifestyle

面珠都要浸泡泡浴

下午4:53

隨著年齡的增長,膠原亦開始流失,細紋,鬆弛亦開始出現在面上

雖然說它們是"智慧的證據",但身為愛美的女士,都希望可以延遲出現時間


最近有機會試用二月才上架的H2O+ Aquafirm Mask 系列


而佢o既賣點就是擁有豐富的海洋膠原微球體,可以直接去到肌膚底層,鎖緊水份


可以瞬間減淡細紋,而做到長效保持平滑,幼嫩及緊緻的效果







佢係藍色gel狀的質地,有少少似gel mask,到呢一分鐘暫時都好似無甚特別


特別係將它塗上面之後,不消一會,就會自動變成了泡泡,泡泡亦會愈來愈厚身,
就似聖誕老人的鬍子,亦因為佢o既泡泡比較密集(挺身),所以不會搞到成身都係

大約5分鐘左右,泡泡會自動消散,面珠會剩下Gel狀的,到時可以同普通Gel mask一樣,用暖水洗淨就可以了

我暫時用了兩次,但已見到皮膚乾燥感比之前少了,亦比之前紅潤,
情況就好似做完運動一樣,紅粉緋緋的
因為泡泡密集的關係,感覺就好似為面部皮膚來了一趟"美人之湯"

想要最佳效果,可在使用前先做磨沙,而我因為剛做了換膚的Facial,
皮膚已經太"乾"淨,所以兩次我都是沒有先做磨沙 (洗完面直接使用)

現在就為自己的面珠,每星期來一次"美人之湯"吧!
售價: $320/100ml

更多資料,可到H2O+ 官網(按我) 或 H2O+ Facebook (按我)

最後多謝BT及H2o+的同事安排~ ^^


敏感肌都可以用的iS CLINICAL

下午2:03

新年前的時候,Kawai出席了iS Clinical 的產品試用會(回顧可按我)
拎了一個精緻o既寶箱回家慢慢試用~
除了今次的美白
美白瑩亮精華素外,仲有四件精美的小Sample呢



第一次接觸iS Clinical 是在我平時做Facial 的地方(Skinpro)
從試用會知道它是由美國來的醫學品牌,適合任何的肌膚,
而生產的過程十分嚴謹,亦獲得GMP,FDA,NIH的肯定,每件產品亦達至製藥的安全標準

而我在過年前亦貪過癮地,做了三次甘醇酸的護理(除舊迎新嘛!)
皮膚已經薄到有點"見紅",而事實上我已經不停地敷CO2 mask,加上天氣又凍又大風,已經開始覺得搞唔掂
(註:甘醇酸護理似是果酸護理的原理,但它是由甘蔗提煉出來的,份子比果酸份子更加細小,以暫時的科技來說,最適合滲透皮膚的,至於有關甘醇酸護理的體驗,我稍後時間會再同大家分享)

試用會當日知道自己將要試用的是美白系列,都有擔心過會否"出事(唔o岩用)",


但聽完Koko的解釋,我就放心好了,原來做完Laser的都可以用,我亦應該唔會出事啦~哈!
(新年流流點見人,我仲要逗利是ga ma!!)

因為iS Clinical 亦安排了其他Sample,所以可以一併試用,先試一下洗面產品 -- Cleansing Complex

它是Gel狀的Cleansing Gel, 每次不用太多,大概是一元的份量就可以洗完成塊面,
加了水之後都沒有太多泡,相信是因為沒有加起泡劑吧!
用後唔會乾,沒有綳緊的感覺,用左一個星期,覺得好乾淨,
(相片是用了一次的分別,我覺得都明顯見到時皮膚是Soft了)

至於落唔落到妝,我就未試過 (只因為我太順手,一要落妝就會攞用開的Cleansing Milk )


之後試的是

美白瑩亮精華素,因為它是比較水水的,所以要在保濕之前使用.
小Tips: 如果要用多過一種精華素,就要先看看,那個質地最薄的,就要先用,愈是厚身的就愈後才使用



它是一個比較水的精華液,用了一個星期多,皮膚是明顯的"白淨"左,斑斑亦都有淡化的跡象,
一個星期有呢個效果,真的不錯! 而每次都只需要3-5滴
(注意:這個產品不可以用在眼的部分啦~)
至於一般的美白產品都會是比較乾燥,但這個產品的乾燥感不大



最後要試的是Hydro-Cool Serum,
它是綠色水水狀的,但比美白精華厚(挺)身一點,所以它要用在美白精華之後

它的成分有積雪華精華,很罕有,它可以鎖水,及對付敏感肌

iS Clinical一系列的產品都附有Product Key,註明不同成份的含量
如有興趣知多一點,或取得試用品,可到iS Clinical 官網加入成為會員,
本月加入成為會員,可以得到 Youth Complex 青春再生複合乳液的試用品呢,仲唔快d行動
iS Clinical 官網 http://www.isclinical.com.hk/CN/index.htm

最後多謝iS Clinical /BL 的邀請~

面膜 Mask

補濕,鎖水,剔透的水。漾澤韓方草本面膜

下午5:40

因為前排試用過Mask House出品的韓蔘活膚修護面膜(按我回顧)
覺得佢價錢親民之餘,功效都唔錯

最近知道佢地引入左三款全新的面膜及一款修護眼膜,每一種都有上等的名貴藥材
符合了而家最流行中藥入僎的潮流
上次看電視見到米雪用冬虫草蒸排骨.真的豪到"傻眼"了

多個系列中,我選了試用的是"
水●漾澤韓方草本面膜 Hydrating Korean Herbal Mask" (因我之前做了換膚的Facial,皮膚乾得在投訴,最需要補濕呢!!!)

先看看它的介紹:
蘊含珍貴頂級的冬蟲夏草, 配以車前草、黃苓上等藥材, 能有效阻隔UV 對面部皮膚之傷害,
亦能抑制黑色素之形成, 使肌膚美白動人。而持續保濕因子更能深入面部細胞鎖住水份, 使臉頰彈性倍增、晶瑩剔透, 讓你感覺臉部猶如置身「漾澤」裡般水潤。





專屬我的*博客活動

春色滿載@RMK Spring Shimmer春夏美妝交流會 (海量圖)

下午3:15

較早之前,Kawai 有機會出席RMK主辦的 Spring Shimmer春夏美妝交流會
一去到已見到靚靚的新品Display, 課室亦很寬敞



而大會亦為每一位出席者,準備一套護膚品,因為今天的活動,
除了有日籍的化妝師示範外,出席者亦可以親身試用RMK全系列的產品
所以第一步就是先行落妝,做好護膚步驟


我遇上了抑鬱症

我遇上了抑鬱症 (三) 我有憂鬱症的特質嗎

上午11:53

昨晚(年初二)在家看到楊千嬅主演的玉女添丁
看到自己的演出,真的想死~ (我在戲入面是扮大肚婆呢)
演技並不在是次討論的範疇內,因為看過的,都知我在搞什麼鬼

記得在2003年,當我知道自己是在憂鬱症中的時候,
我有問過自己為什麼?憂鬱又關我什麼事?

有愛我的男朋友,有愛我的家人(不包括我爸,一向沒兩句)
而我又不是不開心,基本上我是大笑姑婆,會自己坐在一邊傻笑的
因為呢個性格,早於2001年已被ATV邀請了參加他們的徵友節目
(找來當年的Video,真的很癲~)
可以玩到咁癲,真的好難想像我是在憂鬱期,想哭,想死,攤在床上的日子吧~









環保新體驗~~Green Concept 環保魔幻潔衣球

上午10:29

新年前的時候,收到卓悅給我的Green Concept環保潔衣球
環保洗衣球,要稱得上環保,首要條件是可以循環再用,
而今次試用的Green Concept 的潔衣球更加可以用上1,500次

先看看它的原理,是如何可以做到不用洗衣粉,不用柔順劑都可以做到又白又柔軟的效果:

利用環保概念研發的潔衣球,與水接觸後會產生憩面活性小分子水團,具有很強的穿透力,磁極產生磁場,芯材礦物質納米球及出遠紅外線,使衣服纖維擴張,達到污垢自然脫落的去污效果。
漂白球發出能量,達到衣服漂白效果。

而功效除了可以去污、漂白之外,還能去除衣服上的病菌,清除衣服上的異味,
對皮膚過敏、皮炎、腳氣、搔癢有一定的輔助抑制效果
能清除水中的氟、氯等有害物質,防止電子波幅射對人體造成危害,同時不產生衣服靜電
洗後的衣服更加柔順,蓬鬆,特別適合高級面料各毛料纖維對洗滌的要求

一開盒就見到粉紅色的潔衣球,入面有d粒粒

介紹就講到好正,但都要親身試用先知,係未真係可以做到

我家是用前置式的洗衣機,即是人稱的"大眼雞"洗衣機
那天我洗了兩轉衫,第一次是簿身的長袖衫佔大部分,而第二機是長褲多,比較厚身的衣服
(兩次都是差不多滿一機衫的,沒有用柔順劑,只是用洗衣球)


第一機衫是簿身的,用後覺得好乾淨,亦好柔軟,沒有落柔順劑的情況下都可以好柔軟
而第二機衫是比較多長衫長褲,就有問題出現了,洗完之後,d長褲"撓埋一堆",要花時間去解開
除了呢個問題之外,洗完的衣服都是一樣的乾淨,柔軟

另外洗完的衫是沒有香味的,
我特別建議可以俾小朋友用,因為小孩子的皮膚比較幼嫩,亦容易過敏,好多時過敏源都係洗衣粉
呢個無色無味之餘亦可以做到柔軟的效果,o岩晒小朋友用呢~

而我家沒有小朋友,所有衫都是大人size的,所以我會選擇在夏天繼續使用,如果冬天要洗長褲可以手洗啦~


新年前夕先為自己身體作大掃除--100%有機小麥草

上午12:04

因為一直在吃情緒藥的關係,
長期吃的是西藥,伴隨着的問題就是便便的問題,
有時幾天也沒有上廁所,而肚子就會漲得像有了Baby般~~
呢個問題我想好多長期食西藥的人都會遇到,根本不是奇事!
(注意:我不是叫人不要吃藥,特別是情緒藥,突然停藥會很恐怖,都是聽醫生指示慢慢減才最安全)

前一陣子在活動遇見了靚太,閒聊中她知道了我的問題,
就介紹了Amiz Aromatherpy 俾我, 話o個度o既老闆娘會幫到我

所以聖誕之後,我專誠到去了它們尖沙咀舖頭,
佢知道我o既問題,就介紹左幾款產品俾我
而今日我要為大家介紹的就是來自印度的"100%有機小麥草"

小麥草而家已經好常見,o係超市亦有即開飲品
我之前都有試過買o黎飲(一次), 效果真係得啖笑,
如果要我形容,我會覺得係似罐頭雞湯咁,都唔知"雞"佔幾多%,另外佢太甜似糖水
所以我飲左一次就冇再買啦 (我唔太鐘意過甜的飲品)

今次我買左樽細o既返黎試 ($88),一樽可以飲到一個星期
每朝早我就空肚加一茶匙落水度攪勻,之後就飲完再食早餐
呢個係好重"青草"味,如果只開水會感覺似抹茶,有d粉粉地,但又唔會一舊舊
飲緊o既一星期內,我每日都有便便,第一日的還黑黑的,
喝了整整7天,肚子真的平了"wow!小Baby不見了"

所以呢個將會係我o既回購項目呢~



同日發生小事一則:
第一天早上我要開來喝的時候,媽媽在八卦是什麼東西,我說是小麥草
媽立即說"我知,生cancer都係飲佢ga",我話"o下!係咩?!唔知喎!我唔係生cancer囉!"
講到醫cancer咁嚴重,我就真係唔知啦,但可以講清腸胃係冇問題o既~

因為花師奶一句話,我亦上網查左d資料:
100% 有機小麥草
含豐富礦物, 維生素, 葉綠素, 有效排毒去水腫, 消脂,
改善長期病如糖尿病, 高血壓, 血糖, 皮膚炎,
有利肝, 腎機能及心血管疾病, 更可改善腫瘤情況

另外我試了它們的薰衣草花水,因為我睡得不好,所以我把它放在晚間代替爽膚水
用完之後真的睡得好一點點~因為我本身都愛這種味道啦~





過完新年我會再試一下她們的甜睡助眠茶(Sweet Sleeping)的花茶,
因為我而家係戒藥期,戒了瞓覺藥,睡眠質素始終是差一點,試完再同大家報告報告
o係度多謝晒靚太的介紹,如果大家有興趣,都可以上它們的網址看看呢!
網址:www.amiz-aromatherapy.com


Like Me Facebook