最近姐都在新都城擺booth，日日都要花幾個小時由屯門去將軍澳，完全明白香港式Long D 的慘況（苦笑）！呢20日，最開心就係每日都有不同的生果做零食，因為隔離檔就是有機農場。早前佢送左d洛神花俾我，上網搵到可以整果醬，好似幾易就一於試下啦～
檔主表示洛神花每年10月底到12月是產季，好多地方都可以買到新鮮的洛神花，而且價錢唔貴，上年價格大約係 $20/斤，有興趣試整的朋友不妨把握這一段時間入手。
洛神花含有豐富的花青素及類黃酮素，抗氧化效果佳，味道帶微酸，用來焗茶或做蜜餞、果醬都非常適合。
洛神花果醬食譜
新鮮洛神花 250g (去花萼淨重)
檸檬1顆 （洛神花淨重的6%)
糖 （洛神花淨重的 50%-100%，視乎個人喜歡的甜度，我是用50%)
