.。₀:✿ 親親大自然。自摘士多啤梨 + 雲泉仙館素菜 ✿:₀。.

下午1:30

剛過去的星期日,Kawai 同家人甜心一起到了粉嶺摘士多啤梨!!!!
原因係有日同家妹傾計,她竟然沒有去過~~
而士多啤梨是有生長期的,要冷天才有好收獲,一般四月尾就沒有了!
擇日不如撞日,星期日就出發了!!!

有關摘士多啤梨相片在面書發佈後,
詢問度高,寫文分享及記錄這件開心事 ^_^

這次是第一次自己搭車入去,之前去都是跟朋友車!!
認路方面我是 ok 的,不過.....對上一次去至少是兩年前了..... >_<
我只記得在雲泉仙館後門,有個停車場,隔離就是了......
至於,如何由前門行去後門,就不知道了!呵呵!

星期日早上,我們約在粉嶺火車站等,轉乘52K小巴
呢條線都多人排隊的,因為會經過雲泉仙館,而呢個時間好多人拜山,
所以好多人等,不過班次都密,五分鐘左右就上到車了!
(另外的選擇,是由上水出發,乘79K 到雲泉仙館,不過....半小時一班車)

下車後,行入雲泉仙館,一直走,就會見到停車場!!
好多野買呢!!!菜生果乾貨藥材零食,總之想不到的都有!!!
穿過停車場,就會見到我們的目的地 "阿方自摘士多啤梨園"

免費入場的,摘左幾多就照磅啦!大概HK$50-60磅!
我建議剪大粒的,因為細細粒那些,門口都有得賣,大概是賣HK$15一盒!

星期日入到去,都仲有好多未長成,
如果4月份去,應該都仲有好多!
好!!!!開工!!!!


一開始就俾我搵到粒心形的,好開心!!!
而我妹本來話唔舒服唔去,但一見到"士多啤梨神"就不知幾生蜢!!!!

 玩左大半個鐘,已經有咁多收獲了!呵呵!

老實講,真係勁甜呀!!!!比我仲要甜(嘔泡!)
放o係袋中,遠遠都聞到士多啤梨的香味!!!
一個晚上已KO晒!呢D係留返請老師食o既!!!!
老師都話好甜好好食!!!!!!

流左少少汗又話肚餓!行返上雲泉仙館食齋先!!!!
我們四個人叫左一個套餐 (HK$370),有四個送+一個素翅!!!
因為我仲未有胃口,所以食唔晒!!特別是"五柳素石斑",無想過是這麼的"BIG"!

雲泉羅漢齋
有不同的菇菇,紅蘿蔔,椰菜,雲耳,比街上買的多材料,味道OK啦! 

五柳素石斑
條素魚一出,我們就開始嘩嘩嘩!!!真係石斑唔係魚毛仔!!!
食時還是十分香脆的,芋頭香滑味道重,炸過但只有鬆化感而唔算太多油,
醬汁少少酸,好適合送飯!

如意菇時菜
不過不失,比較喜歡吃下面的時菜

春卷拼西檸鴨
西檸鴨食落無咩味,不過我喜歡這個西檸汁,所以吃了幾件!
春卷炸得香口, 入面有芋蓉的清香!不錯!

最後是竹笙如意翅
因為家妹食飯要有湯,所以就選了有湯的套餐!
材料都幾豐富,有不同的菇,竹笙,味有點過咸,
而且食落是沒有素翅的,只有粉絲而已.....
每個菜大概是70-75元,普遍來說都算是大碟!
所以大家叫菜時要留意這點,以我們四人來說,真的是太多了!!
另外,素菜中心有提供白飯或白粥(任添的),我吃完這個之後已經沒位置吃飯了~
但媽說粥是很不錯的,有機會大家可以一試 ^_^

後記:這個早起的星期日,忽然知道妹妹有點不舒服不想去,真是嚇死!!
幸好最後她都聽我講起身出門口,不然我們就少了一個美好的回憶 ^_^

更多資料,可按以下連結 
粉嶺阿方自摘士多啤梨園 網頁



 

You Might Also Like

0 意見

Like Me Facebook