(。◕‿◕) 中環飲食 ♥ 停一停 ♥ 喝一杯充電咖啡 ♥ Vida Coffee Stand (◕‿◕。)

下午1:30

在中環要飲杯咖啡好容易,連鎖咖啡店周圍都是,但如果要講質素講手工的選擇卻不多。在同是中環上班的友人介紹下,試了這間新的Coffee Shop。如果你都是在嘉軒廣場上班的,不妨去試試!咖啡蛋糕水準的確好,所以短短兩個月已儲了一批熟客,真係抵老闆娘串o既!

舖頭以黑白為主色,設有立食雲石磚一張,裝修簡單得來有格調。
所有咖啡即叫即沖好有Heart。

價錢唔貴,最貴的咖啡也只是40幾元,亦有單品咖啡供應!
蛋糕是即日焗的,當日下午三點幾去到已經剩返幾個,堂食也沒有焗熱我覺得唔細心,幸好都算好食,蛋糕質感鬆軟,朱古力香濃不膩,吃著有不少的朱古力粒粒,如果焗熱左可能會有流心效果。之但係無焗到囉!

牛角酥($23)層次分明,泛著濃郁的牛油香,口感酥脆,好好食!

Green Tea Latte($38) 上畫了漂亮的拉花圖案,奶泡打得細滑企身,每口都有淡淡綠茶的清香,奶香中有少量回甘,溫度不燙不冷,令人喝得舒服且不膩!

只有比例得宜的咖啡才可以保持拉花一直清晰,這一杯顯然是上乘之作!

成間店都無咩唔好,係老闆娘塊面都幾黑,只係掛住同熟客吹水,而唔理生客(即係我),想提醒佢一句:熟客都係由生客起,間舖呢個位完全明左無熟客會咩下場o既。。。。

Vida Coffee Stand
中環皇后大道中9號嘉軒廣場2樓220-1號舖



For Collaboration and Invitation,

Please send to : littlecatt@gmail.com

You Might Also Like

0 意見

Like Me Facebook