沙田 Shatin

♥久違了的科學園 ❆ Hunky Dory ♥

下午1:30

好多年前，曾經o係科學園返過partime，當時真係無啖好食交通又麻煩！
上年因為朋友生日入來食私房菜，發覺改變好大，多左好多公共綠色空間，餐廳已經唔係得food court，中式西式日式都有，交通都又方便左（以前只係得一條巴士線入來）！
所以上星期同老公入來行下食下野。

我地係沙田橋底坐專線小巴入去的，星期日班次都算密，第一件事就係搵餐廳醫肚，
最後揀左睇到草地的HUNKY DORY!

剛剛睡醒，都是選擇比較穩陣的，我揀左新英格蘭龍蝦包，一上枱覺得都幾夠份量
龍蝦包隔離有沙律同埋炸薯角，炸得不油不膩，正～

龍蝦肉好大舊，好彈牙，大概都有５件，只係覺得醬汁比較重手，浸到包有Ｄ冧左。

日本菜

❆超誇張 ♥ 大過手掌的穴子天婦羅 ♥ 金子半之助 ❆

下午1:30

限聚令下已好久沒出街吃飯，某日下午經過見到呢間舖終於無人龍，就把握時間試試吧！
我當然知道 金子半之助 是日本第一天丼，一如其他百年字號一樣，餐牌選擇貴精不貴多，
只有三款日式天婦羅丼飯，及當日新上市的烏冬set。

揀了江戶前天丼，因為長達30cm長的穴子／星鰻實在太吸引，食落脂肪比一般饅魚少，肉質纖細，就算經過油炸都唔會好油膩又唔會食到有骨。

 穴子size大隻過我手掌，超大！不過我自己最喜歡的是小柱魷魚天婦羅餅，香口得來又唔油膩，所有炸物都係用古麻油炸製，在半開放式的廚房即叫即炸，外皮不會被白飯的蒸汽和醬汁弄得軟腍，食到尾都仲脆卜卜的，上枱時店員會建議先用秘製醬汁拌飯，食到一半先將半熟蛋戳穿撈埋一齊食，咁就可以試到獨家的醬汁而又唔會乾哽白飯！喜歡食辣嘅可以加埋七味粉調味呢～

下午茶 Tea Time

~ஐ芒果全部都係芒果 ♥泰國過江龍♥ Mango Mania ஐ~

下午1:30

初夏是芒果盛產月份，喜愛的朋友必定會趁呢兩個月要把握時間大吃特吃～～
上星期我訂了一大箱台南黑香同朋友開心Share，所以朋友就請返我食泰國水仙芒甜品XD
呢間Mango Mania 係泰國過江龍，但定價同泰國相差不遠，
一面揭餐牌見到大大粒的芒果已流晒口水。

芒果糯米飯芭菲 $48
杯裝甜品是一人份量，所以定價方面比較相宜，最平$30已經有交易，賣相同餐牌相差不遠，糯米飯同芒果粒層層疊疊，夾雜椰奶糯米飯入口微暖，口感煙韌，好驚喜，芒果份量都幾多而且是自然甜，之前賣$28好抵食，而家加左差不多一倍屬合理價錢。

打卡

✲ﾟ*:₀｡全球最佳Honbo ₀ :*ﾟ✲ﾟ

下午1:30

一直都好想試呢間 Honbo，知道佢係唯一一間香港餐廳可以打入Bloomberg「全球最佳漢堡2020」嘅名單，立即同老公去試試，三間分店我揀左日街分店，因為自己一向都好喜歡日月星街呢個小社區感覺！

 行到熱辣辣一坐低叫左野飲先，夏日炎炎當局係揀凍飲，我揀左Apple Pie Iced Tea
味道好似食緊肉桂蘋果批咁，好特別，唔算甜，入面仲有兩塊蘋果～
老公要左 Lemonade，佢話好酸而我覺得都味道都OK，所以最後我地交換飲～

尖沙咀 TST

✲ﾟ*:₀｡落酒吧飲杯mocktails食豬手 ✲The Right Place₀ :*ﾟ✲ﾟ

下午1:30

Big Day就快到，待嫁的新娘特別多野要傾要呻，所以就行左去寶勒巷搵有野食的酒吧，貪可以坐得耐少少，最後揀左 The Right Place！之前食過彌敦左岸旗下幾間餐廳，覺得食物質素環境都唔錯，夜晚仲有Live 聽，唔飲酒都有mocktails揀，o岩晒要求多多的我地！

先來揀野飲！揀左兩杯都係無酒精的mocktails
Teaco $78 呢杯係侍應推介，飲品上面灰色的帶點鹹香味是芝士竹炭忌廉奶蓋，拌勻乳酪蘋果汁及烏龍茶融合後似Smoothie，入口柔順，果然是推介！

Dr. Kitty $78 用實驗量杯盛載，杯邊的荔枝果肉加上了蝴蝶結糖果，係卡通貓！有荔枝菠蘿甜味，屬於比較Sweet果香重的選擇～

聖誕節前夕忽然好想食 德國咸豬手 難得呢度有得食價錢又唔貴就叫左一隻試試
等了20分鐘左右就見到大大隻豬手上枱，貼心的侍應先捧上枱俾我哋影相，再拎番入去切件

中環 Central

♥ 老字號尼泊爾菜 ❆ Nepal Nepalese Restaurant ♥

下午1:30

之前仲係返立法會傳譯時，成日都會圍埋一齊交換飲食經，記得某位議員講中環有間尼泊爾菜好地道正宗老字號，忽然間想起就黎試下。由於唔記得左名，Search完先發現香港尼泊爾餐廳只有兩間。。。

夜晚的soho，情調十足加上燈光昏暗，的確是中環獨有風景，不過影相就比較難。
坐低後Staff講有特別優惠，食夠$1000會送尼泊爾RUM酒，兩個人試下食唔食到啦～

說時遲那時快，先送上每檯都會有的前菜脆薄片，帶咸的脆片上面有洋蔥碎，紅蘿蔔還有香草，可以點上附上的三款特色尼泊爾醬，邊食邊等其他主菜。

 紅色的有少少微辣，而綠色就有少少薄荷香草的味道，自己就喜歡紅色那種比較惹味。

中環 Central

~ஐ 唔係診所 ♥ 置地廣場特色酒吧 ♥ Dr. Fern's Gin Parlour ஐ~

下午1:30

o係中環返工都一段時間，基本上每日都會經過呢間店的門口，由於裝修完全唔透光，一直以為係診所。前兩日同老闆經過終於忍唔住講左句，佢話係酒吧黎自己去過，入面裝修都幾靚，呢日見早放工就去試試！

Dr.Fren's Gin Parlour
中環皇后大道中15號置地廣場地庫B31A號舖(近G出口)

 黎到有兩道門，左邊比較高，不過右邊比較矮那道才是真正入口（哈）
入面設計帶點懷舊的感覺，配上柔和色調燈光及木系傢俱，感覺溫暖有少少英式復古感。

手沖咖啡

✲ﾟ*:₀｡慢活西營盤 ✲ 精品咖啡店 ✲ Coffeelin ₀ :*ﾟ✲ﾟ

下午12:30

好喜歡西營盤區的cafe/coffee shop，每間性格各有不同，所以自從地鐵開通了港島西延線後，逢星期日都會去搵唔同的小店試試！



今次揀了這間Coffeelin是因為看到不少人打卡介紹，附近是古蹟救恩堂，從選址看來是一般的文青cafe無異，但同咖啡師傾開才知道他們榮獲了2018年Intenational Coffee Tasting (Cat. E-Espresso)金獎，店內的咖啡豆都是來自米蘭的自家烘焙豆，非常厲害。
本來一心想試Unicorn特飲的，但咖啡師說是較早前期間限定出品，已經沒供應了，再細心介紹最新兩款限定飲品。

日式

❆近廚得食鐵板燒 ♥ 鉄人旨花❆

下午1:30

鐘意食鐵板燒因為可以一面食一面欣賞師傅煮野食的功架，特別好味！其實好耐之前已經食過一次鉄人旨花o既鐵板燒，價錢唔平但勝在真材實料，o岩o岩出糧就同約朋友黎食多次。

 坐底先送上日式沙律，主要是沙律菜同埋蕃茄粒，伴上少量Superfood藜麥，營養價值更高，醬汁帶點酸辣，應該是加了wasabi，少少攻鼻都幾特別！

健康管理

♥ 美味與健康皆備的營養餐 ❆ Youni ♥

下午1:30

間唔中都會貪新鮮訂下營養餐，之前都有訂過Youni，食物整體屬於高質同埋好食嘅。當中的肉類都是不含激素和抗生素，就算係雞胸都唔會鞋烚烚，蔬菜都來自本地的水培耕農場，平均80蚊個餐，呢Ｄ食材我覺得價錢公道，所以平時都會去食下Lunch。

 因為朋友話MegaBox分店有新加了露天位，可以邊食營養餐邊望住泳池好疏肝咁話，
所以呢日就黎左試新野，點知佢落大雨，最後都只可以留在室內～～

 牛肉磨菇漢堡配焗烤焗番薯條$88 (7月Megabox店限定) 
呢個係肥膩到痴線之配搭，但食落卻油份剛剛好，牛肉扒是慢煮方式焗烤出來的，配合超級食物羽衣甘藍，高纖得來咬落好爽脆減少油膩感。旁邊的番薯條是用烤焗方式焗至脆身，唔會成手油，但又唔會好Dry，唔錯。

分區飲食

✿~ 靚景豪裝燒烤場♥ 西貢海灣會燒烤會所~✿

下午1:30

BBQ係我的童年回憶，以前媽咪會提早準備食材之後要一早起身去霸爐，最大件事係小朋友都係眼闊肚窄，準備時有十萬個想食，但去到食左兩仍條腸仔就唔玩，燒完野食幾日都仲食緊剩食。所以近年都會選擇去任食燒烤場，樣樣都可以試少少，唔洗拎餐死。

 今次揀左去西貢海灣會燒烤會所，由西貢市中心（巴士總站）沿海旁步行20分鐘就到。

沙田 Shatin

✿~ 多年不見依然OK♥ Greyhound Café~✿

下午1:30

幾年前已經好喜歡Greyhound Café椰子千層蛋糕，椰子肉好足料，間中都好想去食。呢日同Mr.K入左沙田影相，見到忽然好想食，一直有留意評論話差左，希望唔好失望啦！

薄切三文魚配泰式辣汁
三文魚面舖了泰式辣汁、刁草、蒜片和香草醬，
把三文魚加埋秘制生蒜辣汁一齊食，一口嘗盡酸甜香辣層次，作為前菜非常醒胃。
招牌脆炸單骨雞翼
唔係一般的炸雞翼，雞翼用泰式魚露醃制再生炸，外皮脆卜卜入面唔會乾爭爭，單骨更方便進食。

中菜

✲ﾟ*:₀｡屯門抵食中菜 ✲ 泰山集團中菜廳 ₀ :*ﾟ✲ﾟ

下午1:30

平時約朋友食飯都好少揀中菜，見朋友話新開價錢都幾抵食就試下。
呢圍足夠12人食的份量，只係$1488免茶免芥無加一，
除返開即係百幾蚊一個人，部長話母親節正日都唔加價！

 第一道菜係高湯焗蝦球伊麵，個碟大到我會用盤黎形容，蝦球放到滿滿的，麵多到唔見底。
蝦球大大隻口感彈牙，伊麵索到湯汁的味道，個人覺得略為濕左少少。
仲有好多翠玉瓜，一人食一碗後都仲剩好多～～～

 XO醬彩鳳花姿
第二道都是用同一個盤上菜，西芹、魷魚、肉片都大大件，用XO醬快炒過夠晒惹味。

日本料理

✿~ 日本過江龍 ♥日本京都第一西京燒 ♥ 京都一の傳~✿

下午1:30

日賣近3萬片西京燒的京都百年老店，被譽為「日本京都第一西京燒」的京都一の傳 星期三喺香港開設海外第一間分店。總廚佐藤暢郎特別為香港人定制輕懷石料理午餐，價錢比日本仲要平！西京燒有幾出名？出名到日本官方將3月9日定為「西京漬節」。點解係3月9日？日文中“魚“的發音：“サ（3）カナ（7）”，即係3月7日﹐由於每條魚必須醃制兩日﹐所以加多兩日﹐變成3月9日！

餐廳提供兩款午市現代版輕懷石料理套餐：清水Kiyomitu $158 / 祇園Gion $288
比較貴的祇園Gion 套餐會多兩款主食: 旬野菜椀 及  蟹肉羹鰻出汁蛋卷

8款前菜盛合 （前菜隨季節變化）
前菜用京都一の傳的一字形長盤奉上，以濃淡度由左至右一字排列，最左邊的茶碗蒸是最淡味的，之後是胡麻豆腐，廚師用芝麻打成醬再定形成豆腐狀，入口即化帶點QQ口感的，滿口濃芝麻香。接著是蜜煮楊梅，京風茄子天婦羅，脆漿加了少量米通，比一般的天婦羅再脆D。

 果醬魷魚，上面的果醬酸酸甜甜好好食，胡椒醋雞肉有點似中式的炸雞加薑蔥的感覺，
最後是金槍魚壽司，由於已經漬了，不用額外加調味，由於係關西口味，整體比較清淡的。

小文青

❆有驚喜 ♥ 深水埗新式素食 ♥ 素年Years ❆

下午1:30

因為我早前斷過食，腸胃還在調節中，所以近排都是清淡為主，
無意中發現這間位於深水埗新式的素食店，立即拉埋妹妹同媽咪一齊嚟試～～

同媽咪食飯無得影咁耐相，講返自己份天婦羅定食$88吧～
定食附送玄米茶和麵豉湯，玄米茶超熱到連杯都拎唔起，店員仲要徒手拎XD

 天婦羅有齊南瓜、茄子、番薯、秋葵、蓮藕等蔬菜，
炸粉漿薄身脆卜卜，除了茄子略為吸油外，其他都唔算好油～

大坑

❆CP值高的omakase午餐 ♥ 壽司藝 ❆

下午1:30

晚市食Omakase，動輒都要四位數字，識食的當然係食午市，比晚市平而且質素唔會差！
老闆忽然話想食好D，最終搵左呢間o係大坑壽司藝，貪門口有錶位，泊車上落容易
午市10件壽司再加一碗烏冬連加一都是300左右，我地係搭的士來回，計埋的士錢都賺左～

坐下侍應已送上三款前菜及茶碗蒸的拼盤，茶碗蒸蒸得好滑溜，好食。

裝修是典型日本風，除左一間包廂外，客人都係坐吧台，望住師傅整壽司～～
當日都唔算太多客人，一個師傅服務一組客人，輕鬆有交流！
揀左10件壽司o個個Set，師傅了解左我地有咩唔食就著手遂件整，魚生口味由淡至濃。
第一件出場係帶子壽司，帶子好厚身，加左少少柚子，多了一份清新感！之後是深海池魚，肉身滑溜，完全沒有腥味，讚！牡丹蝦壽司，蝦肉又甜又彈牙，超級滿足， 輕輕炙燒左金目鯛，迫出魚油後，一點都不膩，油甘魚就爽中有魚香！

旺角 Mongkok

✲ﾟ*:₀｡再戰雞翼山 ₀ :*ﾟ✲ﾟ

下午1:30

之前開小食店，為試探軍情同朋友兩個人一次過試齊7個口味（total 28隻）
食到連老闆都拍晒手掌！當然，之後幾個星期唔敢再食炸野（哈哈）。
知道佢地o係T.O.P 樓下開左分店又去拜會下 XD
前文回顧: https://bit.ly/2XDCdZK

 有九款不同口味，由$38/4件起，仲可以任揀雞翼或雞槌（可合併）
12件以上可以混合配搭兩至三款口味，另外有50件的Party餐~~
每日限定5份的黃金片片太子金箔雞翼，店長係桂花蜜糖味加金箔，$268 好貴 XD

咖啡室 Coffee Shop

♥ 相機食先 ❆ 巨型層層叠梳乎厘班戟 ❆ Holly Brown Coffee Roasters ♥

下午2:30

最近碌IG見到好多人介紹呢個巨型層層叠梳乎厘班戟，好想試，知道新出左朱古力版本，一於同Mr.K 一齊去試試！因為餐廳燈光比較柔弱，影出來的效果都打了折返，如果坐靠窗位置還可以，當然日間係吸引好多。而家平日晚市叫一杯飲品，主菜就有半價優惠。

勁鐘意淋朱古力漿的一刻，睇住個朱古力球慢慢溶化，好興奮！
不過要注意返呢個層層叠梳乎厘班戟是即叫即做的，製作時間需要30分鐘。

 牛油果蟹肉沙律 $128
新年食到滯晒，見到有牛油果同沙律就點左，估不到份量足而且整得幾好食，牛油果蓉夠熟夠油潤感配鮮甜的蕃茄同蟹肉，加埋酸酸地的蜜糖醬汁，因為全部都係我喜歡的材料，好快就清左碟。

生機飲食 Raw Dining

♥ 南丫島的新年大餐 ❆12道raw味 ❆Rawsover窩素居 ♥ (附船期表)

下午1:30

上星期六同Mr.K 入左南丫島榕樹灣走走，兼找同是斷食營舊生的Peggy，
順便去佢小店試下新年大餐12道Raw味，Raw Food其實是指未經高溫烹調的食物，
因為奉行Raw Food Diet的人認為，超過42度的烹調方法會破壞食物營養及酵素。
 
農歷新年食糕食到滯晒，見到糕都唔想再食，Eat Clean就剛剛好啦。
由於並不是第一次來 Rawsover窩素居，我地對佢o既出品都有信心，早餐都無食就入黎啦！
店主Peggy係LINE狂迷，小小餐廳放了佢收集的心頭愛，我地次次來都同佢地打卡（笑）

一黎到先送上用甜菊葉及小茴香做的 welcome drink，味道甜中帶甘，
甜菊葉是天然代糖，小茴香是解膩的作用，新年食到滯晒最適合啦～～～

日本料理

｡Oﾟ☆｡初嚐立食（立ち食い）。鮨廷☆｡Oﾟ

下午1:30

尖沙咀金馬輪道開咗兩間好有日本特色嘅 立食（立ち食い）壽司店。顧名思義，店舖沒有沒有座位提供，客人只可站立享用美食，香港人生活節奏快，咩都追求快靚正，呢種飲食文化可能正正適合香港人急速的步伐！所有壽司都會喺你面前即刻整，你可以睇到師傅點整，有點像omakase!!　店舖不大，裝修整齊簡約，大約可容納十多個客人。



點餐主要是用點菜紙，有Ｄ似中式點心紙，
食完一轉要加單的，就再tick加單那一行，都幾易明。

Like Me Facebook