30幾度,烈日當空,
與朋友行左半日街又開始感到累,想坐下來飲杯Coffee再血併過,
行下行下,又去了黑布街了,短短一條小街,竟然有好多間甜品店.....

我認,我是視覺系女生,
咁見到Next Station Dessert 門口大大張Menu,
o的相又好像幾靚仔,就決定試一試........

下午三點幾,坐下坐下,漸漸有7成滿~
幾個女生一起選甜品,少不免七嘴八舌很是熱鬧.......

等了一會,終於見到我們的甜品,我又活過來了!

綠茶泡沫
其實,一開始我不會揀它,主要是顏色配搭上不太特別,
本來想叫柚子味道的,配搭"榴槤"味雪糕,We both don't like !
侍應表示可以轉雪糕味道,我們又不想改變原配搭,所以就乾脆叫其他味道了....
結果點了綠茶口啖味,下層的紅豆奶凍,奶味比紅豆味更突出,
草莓啫喱酸酸甜甜正好平衡綠茶的回甘,
配合胚芽馬令,入口帶脆,小小一杯,口感算得上豐富....