Mr. & Mrs, Cat Cafe 已經不是第一次去，初次見面已非常歡喜呢隻駐場貓明星張志明，有齊純種貓的特性，乖乖而且表情夠萌B！不過，今次上到去，佢已經大個左好多，變左大叔～Omg！

巨型到我都唔認得！而且似足阿叔，食飽就昏睡，好過做元帥。


黎到呢度要推介要點水果茶
好多台式小店都會有水果茶供應，坊間偏甜而且會愈飲愈淡味，這裡的出品卻沒有這個問題，紅茶底濃厚但卻不會有苦澀感，水果粒落得重手，甜味自然。飲到底都不會變淡，可以慢慢飲，我超愛。

冬季限定 TEA SET！
Mr. & Mrs. 招牌二人全日咸甜點貓捕雀鳥籠 ($368 for 2 persons)
上次來見到其他客人點夏季的Tea Set，好精緻呀！所以一知道有冬季限定就立即來試！
食物會放在三層鳥籠裡面，最底層上桌前會加乾冰，超仙氣又吸睛der～整個Set大概有咸甜點十款，當中甜點偏多，如果大食男女可能會覺得不夠。

最上層的有：
煙三文魚蕃茄莎莎醬多士 Smoked Salmon Salsa Sauce Toast
意大利巴瑪火腿配青瓜片 Parma Ham & Cucumber
自家製明治4.3牛奶紅豆布丁 Homemade Meiji 4.3 Milk Pudding with Red Bean Paste

咸點共有三款：
煙三文魚蕃茄莎莎醬多士
多士熱辣辣夠酥脆，加上開胃酸酸的莎莎醬，小小的一件可以一口KO。
清新鮮拆車海老  蝦夠彈牙爽口，不錯吧！

第二層放著幾款甜點：
焦糖燉蛋  燉蛋上的焦糖面是即叫即燒，不厚不薄，裡面的蛋質感超滑溜
手製花生碎甜丸子  口感煙煙韌韌加上花生香，感覺不錯。
鮮焗流心芝士撻  芝士撻有事先翻熱了，咬開有流心效果，撻皮不厚 OK！
香鬆蝴蝶酥  比較平庸，不過都好食的，至少脆身鬆化。

充滿仙氣的那一層是豆腐雪糕配鮮濃抹茶汁
豆腐雪糕超香濃，質感算滑溜有幾分似是手作的，食的時候可以加入抹茶奶，兩者少少溶化，好Match，作為下午茶的甜點清新不膩！

上層仲有個 自家製明治4.3牛奶紅豆布丁 
Kawai 個人唔太喜歡奶類製品，所以試了一口就放棄了，記憶上都幾滑溜的入口即化，不是彈牙那一種。而同行的Mr.K 就覺得奶味加上面層的紅豆不算死甜，感覺也不太差。

整體來說，我覺得呢個Tea Set 都算不錯，價錢亦都抵Deal 的，雖然食物沒有好嘩眾取寵，但都感受到係有Heart 的，需要熱食的入口一定不會是凍的，說好要流心的準會有。大家也知道好多樓上Cafe 都是水準未如理想，甚至難食，這間大家可以放心的。

Mr. & Mrs. Cat Cafe 
銅鑼灣富明街2-6號寶明大廈1樓L室  51161244
營業時間：2pm - 11pm everyday



For Collaboration and Invitation,