一向都有用 EcoG 代理 Balance Me 的杜松果沐浴露,

前一排知道他們又引入了另一個新的品牌

就是來自法國的Centella,當然它都是一個有機品牌呢~



今次試用的是花漾紓敏面膜 Floral Mask (HK$400 / 40ml)





平常只試用了一次的產品,我都偏向不會出文的介紹~

但因為效果真的不錯,就在此介紹一下吧



如沒有記錯,(因得到此試用品時,Catalog還未印好呢,我只憑記憶打出來哦~)

Centella 系列的產品都加入了"高濃度雷公根精華"為主要配方,

而雷公根是來自印度的神奇草藥,具卓越的治癒能力,能夠促進新陳代謝,增加皮膚修補功能



我分別用了兩次,一次是厚敷20分鐘,一次是當作sleeping mask 使用~



先看我作sleeping mask 的效果吧~



呢個比我平時用開的Sleeping Mask有點不同,首先它的質地其實比較似Cream

不是平時的透明狀,但可幸的,它吸收都算快,所以不會有"弄髒"寢具的問題

第二天洗臉後,本來紅左o既地方真的明顯有減輕左,

晨早見到有咁大分別,真的很感動呢~



另一次是厚敷當mask使用呢,



只是短短的十多分鐘,就見到皮膚比之前更加白滑,

厚敷的退紅效果比當Sleeping Mask時更明顯,紓緩效果亦不錯呢



各方面我都滿意,亦覺得物有所值,

唯獨就是那"似魚干油"的香味,我覺得好"腥"呢~



而家EcoG在K11都有Counter了,有興趣的,可以去看看呢~

香港的天氣真的愈來愈有問題了,活像一個大大的蒸籠
由細到大,Kawai都有鼻敏感的問題,今年問題更嚴重
好像變了"冷氣病"呢

處於炎熱的夏日,因為本身怕熱,所以冷氣好像是避免不了的
長時間留左有冷氣的地方,更加會抽乾皮膚內的水份
不夠水份的皮膚,除了會形成乾紋或幼紋,更加會造成泛油的情況呢

最近Kawai就試上了,前一排在團購網很"火"的SOTHYS 活鈣系列
兩支產品就像Twins,唯一不同就是蓋的顏色,
金色的是5 Mins Mask,而啞金色的則是Light Hydrating Mask

SOTHYS 是來自法國的著名品牌,因為品質有保證,所以亦有唔少的美容院選用

今次試用的活鈣系列,更特別加入粉團扇藻 (Padina Pavonica
Extract),
--能活化皮膚內鈣質之生理應用,讓鈣質能被細胞徹底運用,使肌膚變得強而有力.
--同時將智能水分技術發揮得淋漓盡致,令肌膚更能自動調節水分,增大底層儲水庫,讓肌膚的水分穏確鎖緊

智能水分面膜　Hydrating Mask 
$420 (50ml)
5分鐘內激發鈣之生理應用,注滿肌膚儲水庫,防止水份流失,强化保護屏障功能
成分：Optimizer
SC^TM Complex、Vegetal Osmolytes、甘油、Filagrinol^®



粉藍色乳液狀, 香味好舒服, 搽厚少少,等大約 5-8分鐘就可以沖水,
因為Mask是稠身的,我一路敷一路行都沒有搞到"成身都係"~
本來Kawai因為日曬而令皮膚開始有少少發紅的跡象都減退了不少,
曬黑左人人都會想盡快美白,但記著曬後的皮膚是很脆弱的,應先保濕再美白哦~

在冷氣房睡覺的晚上,我會用上智能水分 (活鈣) 乳霜 Light
Hydrating Cream  $580 (50ml)
這個乳霜是比Mask更加稠身的,都是帶有淡淡的粉藍色,份量不多已經可以全面用,
因為質地稠身,吸收亦不是一下子的事(需要時間呢~)
相片是用後的早上拍的,面部是多了一些面油


清爽配方激發鈣之生理應用,注滿肌膚儲水庫,防止水份流失,强化保護屏障功能
成分：Optimizer
SC^TM Complex、Vegetal Osmolytes、甘油、Filagrinol^®



綜觀兩個產品,我比較喜歡Mask的效果,真的可以做到退紅的效果,
而Light Hydrating Cream,在炎夏就好像太Rich了,秋季用可能會比較適合哦~
Sothys 的產品唔算平,但效果真的不錯,值得推介呢~

較早之前,Kawai寫了一篇關於外用的塑形減肥膏文
但塑形修身永遠是加數來的,單靠外用不是最全面及健康的方法
體重管理我覺得一定要建基於食得飽,所以管理期間,飲食的確需要花一點心思了

最近我試了由Enid台灣美妝專門店入口的KG CHECK代餐美窈七天體驗包
一次過試上了四個口味,包括了南瓜蔬菜湯,海鮮巧達濃湯,馬鈴薯蔬菜湯及蕃茄羅宋湯

之前我已自費買過那個餅餅(低糖曼越莓餅),真的吃一塊就可解決下午"口痕"的感覺
所以見它份量好像少少的,不足以代替我的正餐吧!因為自身的經歷,所以對他有信心哦!

早兩天,試了蕃茄羅宋湯,只需加入250ml的熱水,焗一會就可以吃啦(簡直是懶人之寶)

湯裡還有少少的牛肉粒呢!味道就有點淡淡的蕃茄味~我自己很怕吃咸的東西,這個不算咸啦~

我對蕃茄味就蠻滿意了,
又試了另一個不同味的"馬鈴薯蔬菜味",今次還加入了Pasta作為我的晚餐呢~
其實我很怕在減重期間食白汁的東西,有入廚經驗的都知,白汁是由牛油打出來的,即是肥死的東西

但看到包裝上的熱量標籤,兩者相加都只是166 Kcal
第一個想到就是白汁會不會不夠rich啦,另一個就是會不會餓死,半夜爬起身找東西吃,仲死!!!

製作過程亦非常之簡單,只要有一個有蓋的碗/杯就可以了,就醫加了Pasta都是懶人之寶哦~
時間都只是三分鐘,當然吃它比同樣是三分鐘的杯麵健康多啦~

三分鐘之後,我已經見到又rich的馬鈴薯蔬菜味Pasta出現了,正!
水份方面我亦比之前用少了水,所以份外稠啦~當然水份自己可控制哦~
之前說過很怕半夜起來找吃嘛!那幾晚都沒有發生呢!
(對於我呢個大食仔都得,其他o既朋友,我想絕對可以放心好了~~)

至於KG CHECK一系列的產品都加入了(吸脂的)"超級滕黃果"及(改善腸詭健康的)"膳食纖維"
所以不用擔心便便會不暢通啦~

有興趣可到Enid選購哦~

相信身為一個尚未結婚的女孩,最怕聽到的就是別人問你"是不是懷孕了?"
這個問題,我早於十年前己有人問過我了,
那時年紀輕,著的還是娃娃裙,又一身Baby Fat,難怪被人誤會了,
可幸的是我不明白對方在說什麼,傻笑收場
回到家,第一時間把那出事的娃娃裙"人道毀滅"了~

可想而知,就算一身瘦瘦的,總是有被誤會之嫌呢~
最近Kawai在Sweet vs Bitter網站得到Biotherm 基因緊腹精華試用呢~
產品標榜10日緊緻腰腹,1個月擊退小肚腩,很吸引呢~

用法亦好簡單，只需早、晚上沐浴後，塗在腰、腹等需要的位置
當然配合按摩動作使用可以得到更佳效果

產品質地:

記得Kawai有用過有辣椒的成份的減肥產品,功效未見,已因為皮膚敏感要放棄了
所以知道這個產品是涼涼的,就特別有興趣了(鬼見過一次就夠了!)

只是試用了短短十天,當然不會一下子甩掉果凍腰吧,
但已感到緊緻度同肚腩仔都有少少平復了,另外得到的Bonus就是改善了便便的問題
因為Kawai平時食野好快,好易成肚風呢~

近幾個月因為有很多事想不通,又不甘心"kick住",
乾脆地趁暑假公司冇野做,去了靜修幾天~
由決定出走+上網搵資料+book地方,都係24小時內搞掂,真係好快手
決定了的事,是沒有人/事可以阻止我的~

星期五一早,就打電話搵地方,可能上天唔忍心我就似Kick死了
所以我打第一個電話就搵到了~

今次去的地方,是真真正正的靜修營地,即是同中學生去o既camp site好有分別
佢每隔10步,就會有張紙/牌,提醒大家不要太吵,或者保持安靜

我住的雲水堂樓下的canteen都是沒有電視的,只有兩部有internet的電腦

我是星期一入營的,那天不是太多人留宿,
有一對外國人,有三個國語人,還有教會退修組員(大約7人左右),
Check in time是下午二時,所有人都會在雲水堂(canteen)等舍監
三日o既經驗所得,午飯時間係特別嘈,以下呢兩種人係最嘈
1.要check in 的,又未睇入住需知o既人
2.參加退修日營的人,佢地係成日大聲講+笑,以為自己去o既係北潭涌渡假營

但係一過左lunch時間就會回復平靜~因為(遊)閒人,平時是不可以入雲水堂的
住客亦要帶頸繩以資識別

因為我早左到,所以都有周圍影下相~

這個是教堂呀~是不是很中式????每天下午都有崇拜,但我沒時間參加啦

終於有房,我住的是西翼15號房,窗仲可以見到少少教堂
(因為我book時講明要好靜~所以佢俾左最尾那間房)

第一晚好夜有一班鬼仔入營,嘈到想死,不過好彩佢地住另一邊......
o個班鬼仔同我講"道風山"係一個人呀~我問佢點知.佢仲指住個Board答我~

第二天早上,因為Kick住我o既野已經諗掂一半,又早左起身未食得早餐
就出左去行左陣,o個日難得地好天,好好太陽呢~

呢個就係"明陣"的傢伙,我o係上面已經望左一陣先開始行,覺得5分鐘可以完成
點知我行左......20分鐘先入到去囉~
真係激死,唔通我太高估自己的能力?!!!
因為愈來愈曬,我又唔想黑,所以我只行左入去,沒有沿線行返出來啦~
(好彩晨早行左,我食完個早餐佢竟然落大雨囉!)

返到雲水堂食早餐~都係咁啦,自己顧自己,想食咩自己serve啦~

食完早餐繼續努力,下午已經KO晒所有野,所以又可以去Hea下,出去行下~
我發現教堂後面可以見到萬佛寺,仲見到呢班Monkey o係下面爬上來

繼續行.....(即是"明陣"的反方向)有蓮花洞,因為我冇火機o係身,入面好黑呢~

仲有o係沙田成日望到o既十字架~

之後又食飯la~~舍監返黎真係好.我終於有安樂茶飯食啦
因為昨晚.....佢竟然.....忘記了幫我入紙call廚房準備晚餐呢~
食完碗飯見到個"道"字o係碗底,呢個碗可以買走@$25

(唔使同d唔知乜水搭台,真開心~)

第二日的晚餐:

第三日的早餐同第二日的一樣,沒大分別,所以沒拍照了~
吃過第三日早餐就離開了,走前要自行拎被套去洗衣房哦

後記:
在短短的三日兩夜,現階段要想的事都已KO了,
返來之後,我仲做左d平時唔會做o既野,我覺得好強呀~
這地方的環境真的很好,真的可以做到避世的效果
三日兩夜,我用左$700左右....(包埋我搭左$35的士上山)

不過大家要注意的,就是一定要"多口問句"有冇準備好三餐,據了解係成日錯
因為我冇問,所以差D要返房食冷氣~

另外,CD機,風筒都可以借,而毛巾同牙刷o個d都有齊
所以好多人會即打電話即上去住~

最近出Blog沒有平時般密~~
因為正忙著安排出走前的事~~

今次找到了環境好的地方~
很期待哦~

回來會同大家分享啦

等我哦~

最近Kawai的身體不太好,(不是送走了抑鬱又中其他,是老毛病而已~~)
身體不好,真的什麼也做不好,所以大家要好好保重哦~

經過多天的休息,元氣已恢復了大半哦,不用擔心,我比小強還強呢
今天就先寫這個沒收獲,但都足以令我感到很開心的活動吧~

活動就在暴風雨前夕的一晚舉行,暴風雨前夕的天氣都是一貫的悶熱,
那天早上,我還發現自己出風x (我諗唔會有人覺得我出到風扇,風筒或者風車卦)

本來我媽是不想我去玩的,因為她說不可吹風呀,還想準備太空艙給我焗汗呢~
下午的時候,我想到冇得玩,真的有點失落,
忽然間想到的就是廣告的slogan"打波先黎落雨,真係連個天都玩我"
但過了一會又好像好了點~所以我決定繼續我的行程哦~

傍晚時間已到了尖沙咀碼頭集合啦,很久沒有拍夜景啦~~~

因為船程都要大約半小時,大家都吃了暈浪丸打底,我就沒有吃啦,我怕冇得玩多過暈船浪~
終於到達今晚Chok墨魚的地點,原來太光的地方不適合呢~

今次是Kawai第一次參加釣墨魚的活動呢,
原來釣墨魚是不需要魚"利",只需要大光燈,魚絲和八爪魚似的勾就可以釣到墨魚
真的很神奇哦~(當然要加上耐性啦)

因為暴風雨前夕,一滴風都沒有,很悶熱
釣了很久都沒有收獲呢,又身痕,開始冇耐性+發白日夢o既時候,竟然破蛋,釣左"墨魚孫"上來
(我還以為又釣到什麼膠袋,水母或者雞泡魚)
我見佢仲係Baby,拍完照我就把它掉回海中~

而與我一齊出海的男友都破蛋啦,但他釣到的,是一條誤中的墨魚哦~
留意相片,墨魚上釣的方向,擺明是誤中+勾到的~好慘呀~~
呢d就係我口中的是禍避不過了~哈哈哈~

我們一行都有80多隻收獲呢~船家還為我們即場煮好它們啦~
(同行的朋友,有的還把釣到的墨魚即場當刺身吃啦,點食呀,大佬~~~)

多謝友人的邀請,這是一個開心而身痕的活動~