~ஐ 呢個價錢呢個質素唔伏喎。壹蒸鍋 ஐ~

下午1:30

旺角兆萬樓上的放題店可說是要幾伏有幾伏,唯獨是這間火鍋放題我覺得可以返兜,取價公道而且海鮮質素不俗!好友告訴我最近推出了坊間流行的海鮮蒸鍋,食完海鮮仲可以打邊爐,所以這天晚上就約了愛吃海鮮的朋友來一試!人少打邊爐食放題最好,每樣都可以點少量不浪費。

除了打邊爐,加$30仲可以升級刺身任食,我地每樣點少少試試質素,所以相片有d零清,雖然提供的都是大路的三文魚,甜蝦,蟹柳等,但食味算是不俗。至少三文魚不會有怪味,甜蝦亦不會有霉爛肉質,尚算彈牙,可以放心升級。

打邊爐的醬料飲品都放在自取區,任飲飲品除了常見的茶,可樂外,仲有韓國的果汁,都算幾多元化。另外仲有雪糕櫃呢~







海鮮蒸鍋以人頭定價,每人取價二百樓下。已包了粉絲扇貝,石蠔,大蜆,蟹腳,沙白,小鮑魚,鱔片等,足足舖滿了整個鍋底,我們再加 $60 升級 1/4龍蝦。

把海鮮蒸盤放到火鍋上,蒸盤有小孔,透過密封加熱,把海鮮蒸熟的同時,亦把海鮮的鮮香倒流到下層的湯底中,吃完蒸海鮮仲可以用下層湯底打邊爐,不浪費海鮮的精華!
店員會幫手計時,最佳煮食情況下,當然是超好味,又不會過老!頭盤是海鮮真心爽YY的。

龍蝦肉質彈牙,貝類大大隻海水味十足,鮑魚略細口感略韌,大部分食材以蒜蓉輕輕調味,不會把鮮味搶走!

下層揀了喇沙湯底,少少辣好夠味,仲有好多貝類,用黎打邊爐食材佔了少少辣更惹味,淥響鈴唔使點汁都好夠味!

點左好多食物,有D唔記得影相,只記得海蝦同牛肉都不錯吃,兩人份量都超多,而且夠薄切,淥一淥就可以食得啦~~~~



我覺得呢個價錢性價比都算高,因為平時食蒸鍋都比較貴,o個日係小周末,七點半打後Reception人山人海等位,臨走想影吓個門口都唔容易, 好彩老友一早book咗位所以完全唔需要排隊就已經有位坐!

壹火鍋
旺角西洋菜街1號兆萬中心16樓




For Collaboration and Invitation,
Please send to : littlecatt@gmail.com

You Might Also Like

0 意見

Like Me Facebook