小文青

~ஐ 打卡 ♥ 文青風cafe ♥ 桔梗 ஐ~

下午12:30

放假最好就係搵間cafe hea 返半個下午，呢日去左台北人氣過江龍cafe 桔梗，
其實上年去台北都去過本店，空間感大食物感覺都唔錯，不過香港店就評論好壞參半，
所以決定自己去感受下！

入到門口會派餐牌，同台北店最大分別就係大部分都要自助，
包括點餐拎餐具取餐同埋餐後收拾，不會有特別人手去幫手，嗯。。。。

 楓糖培根鹹甜豬豬 $88
三文治麵包係比較硬身類似豬仔包，旁邊有少量薯片（係卡樂B黃色袋那款）
好有心思層層疊咁排，要影到相機食先相一點也不困難。

手沖咖啡

^ↀᴥↀ^ 超寬敞 ♥ 吸貓沖咖啡 ♥ 貓catplay ^ↀᴥↀ^

下午1:30

星期六都會食過靚午餐之後再搵節目，上星期就去左旺角貓CatPlay學沖咖啡同埋玩貓貓。
香港的貓貓Cafe我都去過好幾間，呢間是佔地最寬敞最舒服乾淨。

 先黎學沖咖啡，Harmony Coffee 導師先分享揀咖啡豆的心得，
仲教我地一些令調節心情的技巧，之後再講解手沖咖啡的竅門再逐由同學親自實踐，
其實由磨豆至沖好一杯咖啡，要把握好水溫，時間，注水技巧等等。
同一種咖啡豆每個人的出品味道顏色都有分別～～～

旺角 Mongkok

✲ﾟ*:₀｡再戰雞翼山 ₀ :*ﾟ✲ﾟ

下午1:30

之前開小食店，為試探軍情同朋友兩個人一次過試齊7個口味（total 28隻）
食到連老闆都拍晒手掌！當然，之後幾個星期唔敢再食炸野（哈哈）。
知道佢地o係T.O.P 樓下開左分店又去拜會下 XD
前文回顧: https://bit.ly/2XDCdZK

 有九款不同口味，由$38/4件起，仲可以任揀雞翼或雞槌（可合併）
12件以上可以混合配搭兩至三款口味，另外有50件的Party餐~~
每日限定5份的黃金片片太子金箔雞翼，店長係桂花蜜糖味加金箔，$268 好貴 XD

元朗 Yuen Long

｡Oﾟ☆｡飲杯台茶食個軟歐包。微酵烘焙 Share le Pain☆｡Oﾟ

下午1:30

一早知道香港人熱愛手搖飲品，就算天氣轉冷依然一間接一間的開張！這天來到元朗廣場的微酵烘焙 Share le Pain，原來它是屬於Sharetea旗下，除左飲品外仲有得食軟歐包。
經過一輪傳媒的洗禮， 我平日七點多去到已經好多款賣光光，不過好彩都試到兩款招牌包包。

一入門口就見到呢張Poster，店長說這個是用台灣斯里蘭卡紅茶配日本明治牛奶調配，
珍珠是比較少見的白玉珍珠，再加埋法式忌廉，好Grand咁！

中菜

♥ 千變萬化的素食 ❆ 素食一家 ♥

下午1:30

年紀開始大就會學識照顧自己，近呢幾年都忽然沒有大魚大肉的慾望，所以好努力去找新的素食餐廳！近年都好多素食餐廳出現，但並不是間間我都會去試，因為姐對半製成品素食（即係加工素食）感覺就好一般，我只會食真素食呀！！！還原基本步，姐又去左旺角的素食一家，因為佢的薑茶菊花同松子黑松露炒飯實在太正，間中我都會心思思去食的～

 西檸焗猴頭菇
原來猴頭菇薄切拎去炸都好OK， 軟淋淋好有質感，亦唔會好油膩，如果睇唔到旁邊的菇紋，點埋個西檸汁係十級似食緊西檸雞扒！

 藥饍雲吞
雖然不是全新菜式，但我之前未試過的都叫做新吧～
一上枱已經聞到好濃郁椰香，從湯底的奶白程度，應該是加了大量椰奶的，配料有木耳、百合、杞子，各種雜菌，因為無肉個湯底清甜到可以當湯飲的。雲吞唔算大粒，但內餡全是素菜，外皮不會太厚軟淋淋的，好味！

小店

(｡◕‿◕) 集體回憶 ❤ 在旺角中心食梳乎厘 ❤ Sweet Point Dessert (◕‿◕｡)

下午1:30

旺角中心（旺中）屬於老牌「潮場」，每次經過都會感嘆青春小鳥一去不返（cry）～
記得以前細個，總有理由要入去買衫買鞋買飾物，雖然美食街已開了一段時間，姐也是第一次來朝聖！整體感覺是旺角版葵廣，不過油煙明顯就沒葵廣般嚴重！

一行四人，決定試試這間甜品店，
因為看見成品樣子好像蠻不錯，現在流行手機相機食先，店內立食位亦設有打卡的裝飾！

 一如其他小食店，餐牌比較簡單，但可合併組合，價錢都算親民，平均30－40蚊。
大熱的梳乎厘Pancake，雞蛋仔，炒雪糕都有提供！

火車頭

~ஐ 大堆頭火車頭 ♥ 火車頭越南餐室ஐ~

下午1:30

香港是美食之都，各國菜式都不難找到，但事實姐最喜歡的都是東南亞菜式，不論日式或越南菜泰國菜都係我的頭幾項選擇！上星期同朋友來到朗豪坊，發現有新餐廳進駐，而且是我喜歡的法越菜，因為早已試過灣仔分店，覺得還不錯就來個take two！

餐廳位於朗豪坊露天廣場（4樓），天幕之下空間感足夠，感覺都幾舒服。

鮮蝦蜜桃米紙卷$63
米紙卷包著爽彈大蝦及水蜜桃，甜美的蜜桃令大蝦更加Juicy，就算唔點醬都非常好吃。

月亮蛋糕

✿~ 呃LIKE蛋糕 ♥ 月亮代表我的心 ♥ Make It~ ✿

下午2:30

因為媽媽喜甜，每年生日都習慣買靚蛋糕慶祝，
以前我同妹妹生日，媽咪都會買定等我地放學一齊食，同媽咪食蛋糕係最簡單最開心！

早於幾個月前，已經睇中呢間的獨角獸蛋糕。
點知，發現新推出的月球蛋糕（5吋，＄520）更吸睛立即改變主意，
大家可能不知道，月亮在古典占星中，正正代表著媽媽或母性。

揀好款，店員幫我即場寫生日牌，而且手字幾靚。
非常幸運買到當日蛋糕櫃最後一個，如果唔想撲空，最好先預訂啦～～～

 蛋糕同月亮燈是分開包裝，蛋糕上面已預留白朱古力托盤，把月球燈放上去就可以。
月球燈是輕觸式的，附有叉電線，木架。食完蛋糕可以留著做裝飾。

天然養生

~ஐ 上工治未病。滿足。西藏薫蒸足療 ஐ~

下午1:30

踏入2018年的第一季，Kawai已經一連出左幾次短Trip，舟車勞頓休息不夠終於作病了！
朋友介紹下，去了尖沙咀加連威老道的 [滿足薰蒸足療]，流下汗睇下會唔會有好轉吧～

 我做的是西藏薫蒸足療（體驗價HK$98/45mins）
蒸療養生運用充沛溫和的蒸氣熱力，從最薄弱的環節入手，促進腳部直致全身的血液循環，緩緩掃除循環障礙，提高血液含氧量，從非藥物途徑達到疏通血脈，提高血液活力的作用，血液暢旺自然精神十足，百痛漸離。

 滿足在旺角、尖沙咀跟銅鑼灣都有分店，除了薰足，還提供按摩、修甲等服務。
尖沙咀分店在唐樓，出入需要要行樓梯，環境舒服乾淨，每次來都險些睡著了～

旺角 Mongkok

~ஐ 旺角森林系清新泰菜。青花。Champak Restaurant by ATUM ஐ~

下午1:30

早前，Kawai 搶先去左粉紅花花Cafe，收視率不錯。知道旺角有新的清新系Cafe－青花開張 ，立即去試試！餐廳位於波鞋街新商場The Forest，成個商場周邊都放有綠色植物，在人多車多的旺角來講，就像是一道清流，坐在裡面覺得好舒服，休息完再血拚過！

位於波鞋街的The Forest，有如都市的叢林。

打邊爐

~ஐ 呢個價錢呢個質素唔伏喎。壹蒸鍋 ஐ~

下午1:30

旺角兆萬樓上的放題店可說是要幾伏有幾伏，唯獨是這間火鍋放題我覺得可以返兜，取價公道而且海鮮質素不俗！好友告訴我最近推出了坊間流行的海鮮蒸鍋，食完海鮮仲可以打邊爐，所以這天晚上就約了愛吃海鮮的朋友來一試！人少打邊爐食放題最好，每樣都可以點少量不浪費。

除了打邊爐，加＄30仲可以升級刺身任食，我地每樣點少少試試質素，所以相片有d零清，雖然提供的都是大路的三文魚，甜蝦，蟹柳等，但食味算是不俗。至少三文魚不會有怪味，甜蝦亦不會有霉爛肉質，尚算彈牙，可以放心升級。

分區飲食

(｡･ω･)ﾉ鰻魚飯一人前♥ 鮨心 ♥

下午1:30

不久之前，同妹妹來過這間店食 Omakase，以位於旺角的日本料理來說，價錢都算相宜抵食。這天中午在旺角閒逛 ，行餓了忽然想起此寧靜的小店，一於來個一人前午飯。


 午市套餐，價錢當然比晚市更相宜，記憶中是由98元至250元不等，視乎食材的價格。
我揀左中價的鰻魚飯定食 ＄158，包漬物、，沙律，湯品及茶碗蒸，定價也算公道！
當日的漬物是蓮藕，雖然經過醃製，但口感依然爽脆，加上少少芝麻更顯層次。

旺角 Mongkok

♥ 獨一無二的Dessert Art ✲DOUX ♥

下午1:30

好久以前，已分別同好友及Mr.K來訪過這間餐廳，2017年第一日出街又來到這裡吃甜品！
認真講，一而再三來訪，不是因為好好食，只是Kawai好想食那個血桃甜品，上幾次去都賣晒，超級無敵掃興！嬲！當日見十二點幾，剛剛開門，應該不會賣光吧。

 上到去，發現餐牌增加了不少咸點，不再是一年前的只有甜品甜品及甜品的。以商業角度來說，要男仔肯入門口，當然有咸食最好，但感覺上就不如當年的專注了～～

 Ruby Peach
是唯一兩個從舊Menu過渡至新Menu，就知佢有一定的捧場客，而我都是為了它來的！
除了血桃外，伴碟也花了不少心思，用了很多食用花作佈置，賣相滿分。

小食

✲ﾟ*:₀｡ 賣的是80年代 ✲ 鬼馬鹵味炸物 ✲ 炸理滷味 ｡₀:*ﾟ✲ﾟ

下午1:30

炸理滷味 第一次是在Facebook 發現時，已經好想好想來，仲要開在旺角砵蘭街這個燈紅酒綠的地方，呢個名確實充滿黑色幽默。

 玩味的店名，點明店子售賣的食物：炸物炸串 及 鹵味，亦有幾款飽肚的鹵肉飯。店子不大並無座位可讓客人坐下慢慢吃，但邊聽住舊歌邊飲手工啤係爽的。

上海街

~ஐ 唐三樓。媽不在家。小文青聚腳點 ஐ~

下午1:30

早幾日，在自己 Facebook 貼了張小文青相，朋友間反應熱烈，想知這間小文青Cafe究竟在那！當我說是它在上海街唐三樓時，人人也不信。明明上海街就是老區，那會有靚Cafe呢！

其實，遇上它是緣份～早在年多前在Instagram已見過它的蛋糕，撞晒色的蝶豆藍芝士餅一見難忘。我不特別喜歡紫色，但我喜歡特別有創意的，所以說好了一定要來探訪！

 ＃媽不在家  油麻地上海街302號唐一樓(入口在則街熙龍里)
Kawai 一早已做了家課，知道Cafe在唐樓，要行樓梯，另外入口不在上海街，所以好快找到。
一來就是鐵皮信箱，小時候未搬到公屋前我是住唐樓的，好有親切感～～

下午茶 HighTea

♕ 送珠寶盒的高茶 ♥『粉紅「鑽」奇下午茶』♕

下午1:30

認識 Kawai 的朋友都知道我一星期至少有一次下午茶聚會，精緻的食物，加上靚靚環境，影下相食件餅，感覺已經超治癒。如果加入了令全城女生也心心眼的美鑽及粉紅色元素，呢個下午茶不得了！


早前，一試由 帝京酒店 與 彼愛麗鑽石 合作推出的新TeaSet 粉紅「鑽」奇下午茶，試後覺得不只甜點造型精緻貼合主題，而咸點也做得出色。加上供應期至三月底，情人節大可帶男友來吃，也應該不會惹來投訴～哈！


 Peonia Diamond 彼愛麗鑽石由太子珠寶鐘錶獨家代理，它們的美鑽都是採用 牡丹花88瓣切割法，比傳統圓鑽的57個切面，以增加光線的折射率，光度，火彩及閃光。在鑽石光學儀下觀察，形態就像一朵 真。牡丹花，惟妙惟肖。

主題餐廳

♕ 主題餐廳 ♥ 走進愛麗絲的童話皇國 ♥ Wonder Garden Cafe♕

下午1:30

再次感謝現正試業中的 Wonder Garden Cafe 的招待，Kawai 同 Mr.K成為了香港首間愛麗絲主題餐廳的首輪顧客，相片出街後友儕粉絲間的詢問度頗高呢！
因為餐廳地方不大，加上開始有雜誌影相宣傳，想試的朋友仔記緊先book位，免得撲空喔！

進入仙境之前要經過這裡，都是愛麗斯主題的，超美！

小籠包

(｡◕‿◕) 食夠未 ♥ 旺角掃街記之一 (◕‿◕｡)

下午1:30

每年的聖誕節新年，身邊的朋友都會一窩蜂的去工展會，冬季購物節瘋狂掃街！
可能人多熱鬧又開心，但其實最洗版那堆，旺角早已有門市，仲唔使俾入場費及久候。
今日就睇下我呢個月口痕的賽後報告啦～

 先來的就是今年都有在冬季購物節擺booth 的尚香！最出名係蟹黃湯包同糯米燒賣！
厲害點是於國內有三十間分店，每日可賣10萬個。不設坐位，要邊行邊吃囉。

 地址：旺角廣華街1號仁安大廈地下G1B號舖(即是廣華醫院尾近媽咪雞蛋仔！)

大多喜 Otaki

～✿ 食原條龍蝦手卷 ♥ 大多喜 Otaki ✿～

下午1:30

年多前，尖東近火車站爆起了賣海膽手卷的小店來，令到大家都覺得有得做，好多商場都有陸陸續續的有賣平價的海膽手卷小店出現。但是，海膽本來就是幾難保存的食材，食了幾間都覺得麻麻，過過口癮吧！

 這天在附近街市賣小東西時，忽然見到街角有間壽司店，並設有少量堂食的坐位，行了一天也累了，見時間尚早，叫左兩個手卷試試看。

 當中最吸引我的是龍蝦系列。


 燒龍蝦火焰山（原條龍蝦）$78，另有半條的分量
即叫即做，師傅會在開放式的廚房把原條龍蝦煎熟，加上自家製的龍蝦醬調味，好香噴噴，而且外型吸睛。龍蝦係超厚肉的，令人好想食。

旺角 Mongkok

(｡◕‿◕) 邪惡度十足。流心芝士龍蝦包 ♥ Day and Nite by Master Kama (◕‿◕｡)

下午1:30

一直好想試東京大熱的龍蝦包，熱辣辣的麵包加上彈牙鮮味嘅龍蝦，令人無限瑕想。

早前見到朋友Post流心芝士龍蝦三文治，搞到心癢癢，知道旺角新有分店，立即約朋友去試試！這間是銅鑼灣Master Kama分店，設「日與夜」不同餐牌，除了大熱的龍蝦菜式，仲加左手制意粉及Risotto，以迎合不同人士的喜好。

 最後揀左日間餐牌才有流心芝士龍蝦三文治（$108），
包左薯條同沙律，價錢方面屬於少貴，不過人一世物一世就試下啦。

Like Me Facebook