❆西營盤可麗餅小店。E crepe❆

下午1:30

星期六最好來一個Brunch,這天來到西營盤的法式小店悠閒一下!店子沒有華麗的裝修,舊區才可以保留的街坊小店,寧靜舒服的一餐便飯,店員都是外國人友善有禮。

周日的Brunch Menu 包沙律/湯 及 餐飲,價錢親民由$62 至90,選擇看似不多,但也覆蓋了Risotto,牛扒,意粉,咸食可麗餅。因為兩個人,可以揀晒沙律同湯!

雜菜沙律用蛋黃醬即叫即撈,疊到好似座小山丘,好大碟!而且新鮮撈,青瓜口感爽脆,蕃茄仔大粒又鮮甜,令人食指大動!本來我就不喜沙律醬的,但食落一點都不膩,好好食。
是日的餐湯是南瓜湯,本人對南瓜沒有好感,所以放棄,食菜開心ddd。
朋友話無乜南瓜味,可能佢想呃我飲,但我無飲到,大家自己去試下啦!

我揀左雞肉意粉配蘿勒番茄醬,麵條彈牙又掛汁,份量適中,不過佢真係太咸了,可能我剛病好,味覺變得好敏感吧!店員知道立即話換另一樣俾我,但我無乜胃口+咸,最後剩低大半碟,收碟時我見到佢唔開心想喊咁樣!

Brunch Set 唯一的 Galette (咸食的可麗餅),卻意料中高質及對辦,火腿都是大大塊的,好足料,而且麵粉香十足,加埋半熟蛋唔會過份乾,好食!而且仲係成個Brunch Menu 最平嘅選擇,只是$62而已。我一定係病懵左!

Brunch Set 加 $12,就可以有甜品,係三選一的甜食可麗餅!
Butter and Lemon Crepe
即叫即做,入口熱辣辣,邊位煎得脆而中間卻有軟糯感。如果....有得加雪糕會開心好多,但餐廳無雪糕。不過跟餐都只係加$12,成本價咁滯,呢個質素我收貨啦。

Caramel Sauce Crepe (Brunch Set +$12)
煎得香脆的可麗餅加上焦糖醬,甜滋滋的很好吃,意料中的高質。

話說,當我見到店員想喊咁o既樣入去廚房報告,我覺得佢地好有心,會立即反映客人意見,而作出微調!香港已經好少有heart 的食店,如果我住得近,一定會多多支持呢!

Ecrepe
西環西營盤皇后大道西335-339號地舖



For Collaboration and Invitation,

Please send to : littlecatt@gmail.com

You Might Also Like

0 意見

Like Me Facebook