我的近況(May to July 2012) + 包包傾老趙越南餐廳
下午1:30最近Kawai 都少寫自己的近況,
原因要寫的話,正如懶人多xx,寫三日都寫不完那種......
病的進展嘛?!我依然是一個月左右就會去見醫生大人
亦發生了口角(混亂間有人爆粗囉)
之但係我們又不是未試過,只希望鬧完 / 癲完一切回復正常
我亦因為這樣,上了道風山靜修了兩天
六月份同一班新朋友一齊去了韓國6天,
吃吃喝喝逛逛逛,是一個不錯的經歷
有關韓國的所見所聞,遲d會出文分享
這三個星期,我在學這個 international sign language (elementary)
學習手語對於我來說,一向都不是困難事,因為我記性不錯
但今次就有點困難,同學不是聽障的,就是弱聽,連導師都是聽障的
只有我一個是健聽的,早習慣了什麼事都會出聲問的Kawai ........
平時,我是可以用"流利"香港手語傾計,
在課堂中都會難免"迷惘",要看一會才知道打的是什麼手語
幸好的,我有兩位弱聽的同學,
分別坐我的旁邊,又幫我補課,我才會勉強地跟得上
我覺得國際手語最難的,是因為我本身識香港手語,
有一些是一樣的動作,但解釋有分別哦
例如,香港手語的"不同"與國際手語的"stop"是一樣的
香港的"約會",就是國際的"結婚"....
你說.暈不暈?
短短三星期,學了百多個生字,
我估現在還記得的,就只有90%,有10%已忘記了~
上星期五,上完最後一堂,考過試就慶功了
與一眾同學及剛於星期二飛走了的導師來一個遲來的晚餐
地點就是上課附近的老趙越南菜館
一坐低又是一輪的手語,用的是香港手語,所以沒難度啦
最後決定了來一個8人餐 ($888), 剛好我們就是8人嘛~
先來的是牙車快,即是越式沙律,都是雞絲,菜絲,其實沒甚特別
但這竟然是全餐最似樣的,其他的菜色都很重味精
接著是蒜蓉包,自家焗的,算是不過不失啦
春卷就真的十分"油膩",雖然材料是足的,但油成咁點食呢?
加上了生菜中和了油膩感,才可以勉強入口
炒青口:汁好咸,不過好彩d肉仲食得下,一陣個蝦先大鑊
扎肉河粉:普普通通,又唔會驚為天人,但唔食亦沒有損失
香茅豬扒紅飯:個飯ok,至少唔係茄汁飯,都有d蒜香,不過隔離件扒就"鞋"到冇朋友
就係呢個"大頭蝦煲"就真係大鑊中之大鑊,
蝦得個頭大,d肉係"梅"的,絕對係雷中之雷,而浸著的粉絲好咸,唔知落左幾多味精........
最後的甜品是由糯米+粟米+椰汁o既物體,一pat pat 的.......
"老趙"嘛! 我記得都幾出名,但咁樣o既質素,真係試一次就夠了
當然,亦可能我地"咁幸運地"一次過叫晒佢最差的野.......
有吃過的朋友,可以告訴我,是不是我們都時運低呢?
包包傾老趙越南餐廳
地址:佐敦白加士街22-24號地下
電話:2314 7983/ 2314 9211
Contact me: littlecatt@gmail.com
Y!Blog．Blogspot ．Theztyle.com ．Beautylife.hk ．
BECB@Beautyexchange.com． She.com ． Elle Blog
3 意見