香港是美食之都，中菜又十幾款，西餐更加多元化，
今次因為朋友生日，嚟左呢度食墨西哥菜，估唔到出名咀刁刁的我又覺得幾啱口味！

店子裝修走簡約風，最特別係店中間一個好似火爐的燈罩，走近時真係有熱氣散出，
冬天坐在附近有温暖的感覺！

朋友未到先點飲品，全部都可熱可冷飲

以下為店員形容：

Horchata 是米漿加玉桂粉，比較飽肚

Jamaica 是花茶，味道酸酸的惹味開胃，

至於 Mexican Chocolate就會加左香草同玉桂粉，比平時的朱古力更香濃！

我揀左 Horchata（熱飲），入口有淡淡的米香，不是很稠身那種質感，
感覺有點似豆漿吧，加左玉桂好香，雖然會飽肚，但我真心好喜歡呢個味道！

對於未嚐過墨西哥菜的，當然也會有點期望！

臨約會的前一晚，我在家還說究竟會不會吃仙人掌呢？
呵呵！話咁快就見到烤左嘅仙人掌放在面前了！

Char-Grilled Cactus
由墨西哥空運到港的新鮮仙人掌，口感有點似秋葵，有啲黏液，我仲以為會似蘆薈爽身的，真係估唔到，味道似青椒有少少草青味，落啲青檸令味道層次更為立體。

原來挑選仙人掌方面也大有學問的，要挑6-12個月大的食用仙人掌，對身體排毒功效最為顯著。

Agua Chile Shrimp / Snapper

呢個菜式上面嘅辣粉好似唔多，但食落都幾嗆喉，我都有啲頂唔順（笑）

餐廳話係用青瓜夾住生蝦一齊食，口感有啲似泰式生蝦，好彈牙，但真係辣，一件就收手。

Snapper Ceviche with Avocado

呢個又係我鐘意嘅，因為除左有刺身級的紅魚(snapper)，蕃茄外，
仲有我喜歡的牛油果，用左青檸汁和芫茜醃制，感覺好fresh ，
店員話呢個係墨西哥的經典美食。仲可以配粟米脆片食呀。

之後有以遨遊七海的意境為主題的7 Sea Soup，
用大量海慢火肴出鮮甜味美的湯底，旁邊有幾款唔同既配料例如蕃茄，青瓜香菜等，
當然唔少得我鐘意的牛油果粒，估唔到將牛油果加左落湯入面一啲都唔會好突兀，
嗰日少少凍飲完暖笠笠，完全感受到浩瀚大海中的生命力在肚中翻騰。XD

Steak Arrachera Carne Asada w Guacamole

店家說是取自牛腹肌的部分，比較濃味但少肥，再經厨師的處理過後，把剩餘的脂肪部分起出。

聽完講解第一反應係“會唔會太瘦吖”，食左一啖又唔係好瘦，反而覺得肉質比較淋身的，
但牛味同肉汁都保持到，總括來說，啱晒我呢啲食肉但又唔咬。

可以加埋店家自製的牛油果醬(Guacamole)及莎莎醬(Salsa)，令整個菜式更顯完美。

甜品有Churros

炸得金黃的Churros，口感屬於比較煙韌，點埋朱古力醬，拎住係手上食，
玉桂糖獨有的香味係會令人一條接一條停唔到口㗎！太邪惡了！

最後仲有墨西哥獨有的甜品 Banana Split with Homemade Ice Cream，
獨突在佢係用墨西哥獨有品種的香蕉，經焗熱後變成焦糖狀，伴著自家製粟米雪糕，
一口嚐盡冷熱兩個感覺，超正。

第一次接觸墨西哥菜，估唔到幾啱口胃，因為我都出名咀刁刁，成餐飯都食得好開心，
加上店員又不時會介紹下墨西哥的菜式文化由來，除左食餐飯仲好似上左一堂咁。


Verde MAR
灣仔大王東街24號地下

For Collaboration and Invitation,
Please send to : littlecatt@gmail.com

FB Page: Kawai / Small Talk Corner 
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare