・゚・ღ 鮮味無窮♥ 超班鐵板燒 ♥ 鉄人旨花 ღ・゚

下午1:30

逢星期五晚,都是作反之日,放工不會趕回家,約朋友食飯,享受Happy Friday Nite!
其實過去兩個星期都作病口淡淡,只想睡覺,令人好擔心....
忽然間咁好心情,朋友話要食返餐好!!
我們去左銅鑼灣新開張不久的 鉄人旨花 食鐵板餐~ wowowo!!!!

一去到,已覺得好舒服,座位並不多,
壽司吧 及 鐵板燒 位都是可以看到師傅處理食物的吧台,
我們食鐵板燒的,就被安排坐在半月形的吧台~

病好了,暫時不想吃魚生,所以就揀左
豪華海鮮盛二人前 ($1,688 兩位用)

先送上兩道前菜 :鮮茄露筍野菜沙律 及 手作前菜
手作前菜 :類似中華沙律的東西,不過就切到 絲咁幼,入口甜絲絲,沒有渣~
鮮茄露筍野菜沙律: 野菜夠新鮮,自製的沙律汁,富芝麻香又滑~
之後就係師傅出馬的熱食!
第一道菜是茄子帶子 (忘記菜名)
大大顆的帶子, 別妄想一口吃完喔~
帶子面層輕輕煎過有點燶燶地,入面依然留有刺身的滑溜口感,
加上紫菜粉及沙律醬,帶出帶子的香甜~ 個人認為茄子油膩了一點

海膽汁煮活龍蝦 (約一斤)
龍蝦呀!我鐘意呀!!!睇住師傅原隻拆肉,煎香,加入海膽汁,
本來我是同朋友一直在傾計,最後因為實在太香了,再專心不到~
海膽汁好香非常惹味,龍蝦肉大大件又彈牙, 擺盤仲利用龍蝦殼,放到好似心型咁....
(如果有白飯,我可以用呢個汁食兩碗白飯~)

食完個咁重口味的菜式,都送上一個清味蕾的枝豆凍湯
味道清清甜甜,有枝豆的清香....

接著是活加州象拔蚌 (約三斤) 兩食
不同的部位 加上 厚薄, 的確有明顯不同的口感,
先上左個少量調味,味道清淡口感彈牙的,
再上係厚切,用了黑椒作調味,煙韌又惹味
兩個人食份量有點大

接著是 煎野菜
個人覺得油膩左少少吧~

配料簡單的煙肉,紅蘿蔔,洋蔥,蛋等,師傅幾下手勢就把飯炒好~
蛋白包著粒粒分明的珍珠米飯,閃令令,但食落不算油膩, 有飯香~

龍蝦象拔蚌味噌湯
樣子似普通的味噌湯,聞落有濃類似啤酒的酒味,
所以我只飲了一口,味道不太咸,感覺似日式湯,龍蝦肉易拆~

甜品是抹茶雪糕
杯底有粟米片,兩者一起吃,一時間有齊又凍又脆的感覺,確實是簡單的美味~

每次一坐近可以見到廚師處理食物時,我就會好開心好開心!!!近廚得食,跳起曬花~
所以我整晚都好興奮, 簡直覺得邊睇 Jamie Oliver 邊食飯咁!!!
雖然索價不平,但難得我開心嘛!
旁邊還有 OMAKASE 廚師發辦的壽司吧,有機會都想試下!!!! 

鉄人旨花
銅鑼灣謝斐道477-481 號肇明大廈 2 樓 2892-8819





 

For Collaboration and Invitation,
Please send to : littlecatt@gmail.com
FB Page: Kawai / Small Talk Corner
BlogspotTheZtyleBeautylifeFanPiece
BECB@BeautyexchangeOpenrice
She.comU lifestyleWeshare

You Might Also Like

0 意見

Like Me Facebook