同事生日,咁就一班人浩浩蕩蕩出去食飯慶生,
壽星女想飲茶,本來就會去龍堡國際樓下那間中菜廳,
點知撞正裝修中,最後就去左都是附近港景匯的煌府.....

裝修都幾靚,有晒水晶燈,真係好夢幻的婚禮場地
咁都係叫下點心,平時有個套餐都幾抵食,
大概百幾蚊就有兩個點心,一個小菜,一個炒粉麵咁
先寫下個套餐先~

小菜 -- 揀左口水雞
沒有明顯可見的辣椒粒,辣椒籽等,但食落都幾辣下....
當日我咳到飛天,所以只食了雞肉的部分,肉質都算嫩滑...

點心方面,我地揀左 叉燒腸粉 同 燒賣
腸粉我影漏左,無圖無真相,Sorry 啦,不過可以講腸粉皮都都幾滑, 值得叫的!
燒賣就賣相差左少少,肉明顯係用刀切手打的,不是用機攪的,食的時候,會有少少咬口...


主食,我們揀了海龍王炒麵,沒甚麼特別的正常味道, 油不多, 魷魚鬚亦彈牙....

另外,再叫了 豆苗餃
皮不算特別薄,豆苗餡滿滿,味道屬於清淡,我覺得ok, 之後的團年飯我們都有再點這個

 還點了鳳爪,我自己就唔知咩味了~

甜品都有幾款揀的,我們揀晒三款,木糠布甸/桂花糕/焦糖燉蛋
當中的木糠布甸不試也罷,賣相同味道都唔掂,連相都唔想影....
桂花糕少甜清香,焦糖燉蛋是最正常,面層真的有焦糖,燉蛋滑溜....
三客起,所以先各叫一個看看......



轉左到佐敦上班已經兩個多月,來過兩次,
兩次都是大概1:45左右,就會無啦啦開Spotlight,
哈哈!我還以為"飛天馬車"會飛出來,當然.....最後沒有,想想而已.....

煌府婚宴專門店(尖沙咀)
尖沙咀廣東道188號港景匯商場2樓202號舖  3520-1888




FB Page: Kawai / Small Talk Corner
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare