話說上星期朋友仔生日,當晚朋友們已訂好台訂好蛋糕食生日飯,
點知我忽然間話病就病,最後我都係....去唔到!!

我之前講過會同佢食蛋糕的,講左就要還,佢同我講想食綠茶蛋糕,
忽然醒起公司附近,5分鐘腳程就有間非常出名的綠茶蛋糕店 "宏",
其實平時出入都會有想入去試下,
不過我覺得甜品都係Share食會開心點!所以經過了好多次都無入去!

真好,美其名是陪人補祝生日,但暗地是自己也開心,可以試一試呢間舖~
因為放工時間,人流並不多,又不用等位,仲可以坐四人桌~
咁我就行左去餅櫃睇下有咩心水,得兩個人,不可能KO一個大蛋糕吧!
就揀了Cut Cake .....
呢度堂食有最低消費,沒記錯應該是50元吧.....

朋友要左呢度的抹茶雪芳蛋糕,
其實有點似天使蛋糕,在抹茶蛋糕外面,抹上一層忌廉,
忌廉面再加一層不則綠茶,多了一份Artistic 的感覺,
抹茶蛋糕的抹茶味挺濃郁的,有點回甘,蛋糕濕潤度比較低,不過加了忌廉就剛剛好!
忌廉打得尚算綿密,整體ok,但個人認為全個蛋糕索價 $300實在有點貴,好吃但不值....

因為有最低消費,我都多叫一個"原粒草莓蛋糕卷"以求湊夠數....
其實我那天早上,老闆外遊空運了一盒韓國草莓回來,運送途中又爛左少少,我已食了很多....
但去到蛋糕櫃,我又揀了士多啤梨味......好笑!

講返蛋卷,我覺得比較似港式的蛋卷,
首先日式比我的印象係會落好多好多Cream,呢個就不算好多忌廉,幸好也打得綿密,
蛋糕比較乾同蛋味不太重,至於亮點的原粒士多啤梨只係OK甜唔酸,
總括來說,俾我的感覺係有點落差的~而且呢件cake 賣$60,好像有點價格過高~

試了兩個蛋糕,我都覺得蛋糕質素ok,
不過一睇價錢就會覺得不是太值,性價比不高,
相信坊間應該有其他更加好的選擇


宏
佐敦白加士街15號藍馬商業中心地下 2737-2665





FB Page: Kawai / Small Talk Corner 
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare