~✿公商區的靚靚日式便當 ♥ 森川 Morikawa Bento ✿~

下午1:30

Kawai 在金鐘中環上班,如果留在Office不用出街的日子都會帶媽媽飯,
外食一向又油又無營養,媽媽飯先係最好食。
不過一星期總有幾日要出街,外食都係無可避免,唯有小心揀無咁多味精啦~

呢幾個星期都忙一個大Project,完成左成班同事又話要慶功,又話要食餐好,
一個半鐘頭去得邊,所以我地決定叫外賣!


o係 Pantry 外賣紙度搵到呢張日式便當的傳單,雙層便當相片好精緻,
同事們知道食好西都非常興奮!
早一日我地已經落好單,之後我地就幾個行過去海富中心自取,店子有點難找,
是在商場的另一邊,不過店員已經預先把便當用膠袋包好,去到數齊即時拎得。

呢個就係我o既兩層便當,夏之御膳。嵐 ($168)包甜品或沙律。
便當外盒是薄身膠做的,應不可重用,有點不環保,但實在精緻,
食物分門別類的一隔一隔放好,每樣都有少少,感覺好豐盛~

上層便當分了三小格,
前菜格入面有沙律同關東煮,沙律味道有點似平常吃到的中華沙律,
加入了荷蘭豆及海草莖多了一份嚼頭,旁邊有砌得好整齊的關東煮,
有白蘿蔔,菇,里芋等等,每樣一小件,
薄切牛肉與玉子燒一起,醬汁放在一旁,可以根據喜好醮點。
最後一格有精選甜品,當日是粉紅色紅豆卷,紅白魚旦,半件紫薯餅等等

至於下層就是米飯類,包括了柱貝軍艦,芥末八爪魚軍艦各二
仲有三件卷物,應有盡有。平時我都叫大多,但呢個食到一半已飽飽地。

睇傳單實在太精緻,所以大家都驚唔夠飽,所以叫左一堆小食分享,
廣島燒 ($25)
所有便當及小食均不是即場做的,但會放在暖櫃中,行了十多分鐘也沒有變型出水,
而且材料十足,蛋香吸引,每口都有爽口的椰菜、甘筍,呢個價錢中環區非常抵食。

話說我們眾人行去拎便當外賣時,見到成間舖係空空如也,大驚!
只剩下飲品雪櫃有小量飲品,原來所有便當已賣光光,連個食物雪櫃都拎走埋,
所以,在附近返工的朋友仔,想食的話最好都預訂免得去到賣晒,
佢地有送貨服務的,但我地行去咁近自取都方便。

 
森川 Morikawa Bento
金鐘夏慤道18號海富中心2樓90號舖
中環皇后大道中33-33A號萬邦行1樓126號舖
荔枝角長沙灣道833號長沙灣廣場2樓206號舖
九龍灣宏冠道8號金漢工業大廈大堂





For Collaboration and Invitation,
Please send to : littlecatt@gmail.com

You Might Also Like

0 意見

Like Me Facebook