忙了成個月的大Project 終於完成，同事們決定用公數食餐好的慶祝！
最後揀左呢間平時夜晚係食Omakase 餐廳食午餐！

平常夜晚要千元的人均消費，而午市就平了一截，套餐索價大概由200-300左右....

因為套餐都會包茶碗蒸，前菜，沙律，餐茶等...

我地落左單，店員就先送上前菜及茶碗蒸！

茶碗蒸加入了蟹肉同菇一起蒸，味道清甜，質感嫩而不老身，
好吃的前菜令我更期待這一餐慶功飯....

我揀左呢個大蔵壽司便當，因為一盒三層可以滿足我多個願望，
樣樣都想試，但眼闊肚子窄喔！而且用抽屜上特別又吸晴！

先影下相，三層包括左上層的刺身三色，中層壽司三件，卷物三件，同埋下層的魚生飯！

最上層的係三色刺身，今日有厚切鮮味十足的帶子，肥美的三文魚腩 同埋 中拖羅！

中拖羅無根的，不致入口即溶，但都好好味！
留意刺身旁的紫蘇花伴碟，加落醬油味道會更好！

中層有鐵火卷，魷魚壽司，甜蝦壽司同赤鯥魚壽司，
當中最深刻是魷魚壽司，味道鮮甜不笠，而且份量剛剛好。

最下層是三文魚子，吞拿魚蓉 及海膽飯，三樣魚生都好新鮮，
三文魚子鮮而不腥，咬落會逐粒爆開，海膽入口即溶，再加埋吞拿魚蓉，
我開始覺得飽，但都要食到清碟呀！

紫蘇花加醬油

以為完左點知仲有迷你天婦羅附送，大蝦辣椒南瓜披上薄薄的金黄大衣，
入口卻不太油膩，可以食到南瓜的濕潤，大蝦的彈牙及辣椒的酥脆口感。

最後，真的最後了，有師傅自家製的芒果芝士蛋糕，小小的一片卻帶著芒果獨有的清甜，
再加埋餐飲（可選茶或咖啡），一份豐盛的慶功午餐就此完了，嘆完又係時候返去開工了。

整體來說，呢個寶箱咩都有少少，可以滿足心多多的朋友，
定價三百多，日日食就當然貴左啲，（我只是打工仔喔）
餐廳地點同環境都幾適合同同事食飯慶功等的！最好係屈老闆請，更Happy , Yeah !

大蔵季節料理 Okura Japanese Restaurant
銅鑼灣軒尼詩道525號澳門逸園中心7樓  2377 0228

For Collaboration and Invitation,
Please send to : littlecatt@gmail.com

FB Page: Kawai / Small Talk Corner 
Blogspot。TheZtyle。Beautylife。FanPiece。
BECB＠Beautyexchange。Openrice。
She.com。U lifestyle。Weshare